Kpojiemɔ 20:13 - ŊMALƐ KRƆŊKRƆŊ LƐ

¹³ Ni ŋshɔ jie gbohii ni yɔɔ emli lɛ ehã, ni gbele kɛ gbohiiaje hu jie gbohii ni yɔɔ amɛmli lɛ amɛhã; ni akojo amɛ, mɔ fɛɛ mɔ yɛ enitsumɔi lɛ anaa.

Ṅmãle̱ Kroṅkroṅ Le̱

¹³ Ni ṅšo̱ dšie gbohĩĩ ní yo̱ emli le̱ ehā, ni gbĕle ke̱ gbohĩĩadše dšie gbohĩĩ ni yo̱ ame̱mli le̱ ame̱hã; ni akodšoame̱, mofẽmo bo̱ni sa enitšumo̱i le̱. Ioh. 5,28. 29.

Kpojiemɔ 20:13 ပူးပေါင်းရင်းမြစ်များ

Yesaia 26:19

Omɛi ni egboi lɛ ahiɛ aaatsɛ̃, ni amɛgbɔmɔtsei lɛ aaate shi. Ao nyɛ su mli bii, nyɛhiɛ atsɛ̃a, ni nyɛlaa kɛ miishɛɛ! Ejaakɛ obɔ ni nyɔɔ lɛ, bɔ ni kpɛlɛɔ ni, ni ooohã gbohii lɛ ate shi.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Mateo 11:23

Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee; ejaakɛ hewalɛ nitsumɔi ni atsu yɛ omli lɛ, eji atsu yɛ Sodom kulɛ ema shi kɛbashi ŋmɛnɛ.

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

1 Korintobii 15:26

Naagbee henyɛlɔ ni abaakpãtã ehiɛ ji gbele.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Kpojiemɔ 6:8

Ni mikwɛ, ni naa, okpɔŋɔ lamlulamlu ni mɔ ni ta enɔ lɛ gbɛi ji Gbele, ni Gbohiiaje nyiɛ esɛɛ kpaakpa. Ni ahã amɛ hegbɛ yɛ shikpɔŋ lɛ mlijai ejwɛ mli ekome nɔ, akɛ amɛkɛ klante kɛ hɔ̃mɔ kɛ gbele hela kɛ shikpɔŋ lɛ nɔ kooloi awuyelɔi agbegbee amɛ.