Kpojiemɔ 20:11 - ŊMALƐ KRƆŊKRƆŊ LƐ

¹¹ Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Ṅmãle̱ Kroṅkroṅ Le̱

¹¹ Ni mina *maṅtše̱sẽi ye̱ṅ ko ní da, ke̱ moni tá no̱ le̱, ní šikpoṅ ke̱ ṅwei †dšo foi ye̱ ehĩe, ni anáá gbe ahãame̱. *Mat 25,31-46. †2 Pet 3,7. 10 12.

Kpojiemɔ 20:11 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

Hiob 9:6

Ehosoɔ je lɛ kɛmɔɔ eshishitoo; ni ekulashiŋi ni tere je lɛ hosoɔ.

Lalai 102:26

Nomɛi ahiɛ aaakpãtã, shi bo lɛ oyɛ daa. Amɛ fɛɛ amɛaatserɛ tamɔ atade; otsakeɔ amɛ tamɔ mama, ni amɛhoɔ amɛyaa.

Lalai 47:8

Nyɔŋmɔ yeɔ majimaji fɛɛ anɔ maŋtsɛ. Nyɔŋmɔ ta emaŋtsɛ sɛi krɔŋkrɔŋ lɛ nɔ.

Lalai 89:14

Omaŋtsɛyeli lɛ ato shishi ama jalɛ kɛ jalɛ saneyeli nɔ. Anaa suɔmɔ kɛ anɔkwayeli yɛ onɔ fɛɛ nɔ feemɔ mli.

Lalai 97:2

Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

Yesaia 6:1

Afi nɔ ni Maŋtsɛ Uzia gbo lɛ, mina Nuŋtsɔ lɛ ni eta maŋtsɛ sɛi ni kwɔ gojoo ko nɔ. Atade yuu ni ewo lɛ eyi Sɔlemɔ we lɛ obɔ̃.

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

Mateo 11:22

Shi miikɛɛ nyɛ akɛ, ejaraŋ haŋ Tiro kɛ Sidon yɛ kojomɔ gbi lɛ nɔ tamɔ nyɛ.

Mateo 24:35

Ŋwɛi kɛ shikpɔŋ baaho aya, shi miwiemɔi lɛ hoŋ eyaŋ.”

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

2 Petro 3:7

Shi ŋwɛi kɛ shikpɔŋ ni yɔɔ amrɔ nɛɛ, nakai wiemɔ lɛ nɔŋŋ nɔ etsɔ̃ ekɛ amɛ to hã là kɛyashi kojomɔ gbi lɛ ni aaakpãtã mɛi ni sheee Nyɔŋmɔ gbeyei lɛ ahiɛ lɛ.

Kpojiemɔ 12:8

ni aye drako kɛ ebɔfoi lɛ anɔ, ni asaŋ amɛnaaa gbɛ dɔŋŋ yɛ ŋwɛi.

Kpojiemɔ 16:20

Ni ŋshɔkpɔ fɛɛ ŋshɔkpɔ laaje, ni gɔji lɛ anãaa dɔŋŋ.

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 20:2

Ni emɔ drako lɛ, blema onufu lɛ ni ji abonsam kɛ Satan hu lɛ, ni efi lɛ afii akpe,

Kpojiemɔ 21:1

Ni mina ŋwɛi hee kɛ shikpɔŋ hee; ejaakɛ tsutsu ŋwɛi lɛ kɛ tsutsu shikpɔŋ lɛ eho etee, ni ŋshɔ bɛ dɔŋŋ.

Kpojiemɔ 21:5

Ni mɔ ni ta maŋtsɛ sɛi lɛ nɔ lɛ kɛɛ, “Naa, miifee nii fɛɛ ehee.” Ni ekɛɛ mi akɛ, “Ŋmaa, ejaakɛ wiemɔi nɛɛ anɔkwa ni, ni amɛyɛ mli.”

Kpojiemɔ 4:2

Kɛkɛ lɛ amrɔ lɛ mumɔ lɛ yi minɔ; ni naa, maŋtsɛ sɛ̃i ko ma shi yɛ ŋwɛi, ni mɔ ko ta maŋtsɛ sɛ̃i lɛ nɔ.

Kpojiemɔ 6:14

Ni ŋwɛi tsi ehe kɛtee sɛɛ tamɔ wolo ni aakota; ni atsirɛ gɔŋ fɛɛ gɔŋ kɛ ŋshɔkpɔ fɛɛ ŋshɔkpɔ kɛje egbɛhe.