Kpojiemɔ 2:9 - ŊMALƐ KRƆŊKRƆŊ LƐ

⁹ Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Ṅmãle̱ Kroṅkroṅ Le̱

⁹ Mile onitšumo̱i le̱ ke̱ omanehũlũ le̱ ke̱ ohĩa le̱ (ši kẽle̱ *niiatše̱ dsio), ni mile mei ní †kē̱o̱ ake̱ Iudafoi dšiame̱, ni ame̱dšee, ši ame̱dši **satan kpēhe moṅ le̱ amusubō̱ le̱. *Iak. 2,5. †Kpods. 3,9. **2 Kor. 11,14. 15.

Kpojiemɔ 2:9 ပူးပေါင်းရင်းမြစ်များ

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Luka 12:21

Nakai mɔ ni bɔɔ jwetri ehãa lɛ diɛŋtsɛ ehe, shi ejeee niiatsɛ yɛ Nyɔŋmɔ hiɛ lɛ yɔɔ.”

Luka 22:65

Ni amɛwie nibii krokomɛi pii amɛkɛbɔ musu amɛshi lɛ.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

Luka 6:20

Ni ehole ehiŋmɛi anɔ ekwɛ ekaselɔi lɛ ni ekɛɛ, “Ajɔɔ nyɛ ohiafoi lɛ; ejaakɛ nyɛnɔ ji Nyɔŋmɔ Maŋtsɛyeli lɛ.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 26:11

ni mifɔɔ amɛ yiwaa yɛ kpeehei lɛ fɛɛ, ni minyɛɔ amɛnɔ akɛ amɛwie musubɔɔ wiemɔi, ni miye amɛhe sɛkɛ ko ni wa, ni miwaa amɛyi kɛyaa majiasɛɛ.”

Romabii 12:12

Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

Romabii 2:17

Shi kɛji bo lɛ atsɛɔ bo Yudanyo, ni okɛ ohe fɔ̃ɔ Mla lɛ nɔ, ni oshwãa ofɔ̃ɔ Nyɔŋmɔ nɔ,

Romabii 5:3

Shi jeee enɛ kɛkɛ, shi moŋ wɔnyaa yɛ amanehului amli hu, ejaakɛ wɔle akɛ amanehulu lɛ tsɛɔ hiɛmiamɔ kɛbaa,

Romabii 8:35

Namɔ aaagbala wɔ kɛ suɔmɔ ni Kristo kɛsumɔ wɔ lɛ mli? Amanehulu loo fimɔ loo yiwaa loo hɔ̃mɔ loo yayainyiɛmɔ loo osharã loo klante?

Romabii 9:6

Shi jeee akɛ Nyɔŋmɔ wiemɔ lɛ efee yaka. Ejaakɛ jeee mɛi ni jɛ Israel mli lɛ fɛɛ ji “Israel musuŋ bii”,

2 Korintobii 6:10

Wɔ tamɔ ŋkɔmɔyelɔi, shi wɔmii shɛɔ daa. Wɔ tamɔ ohiafoi, shi wɔfeɔ mɛi pii niiatsɛmɛi, ni wɔ tamɔ mɛi ni bɛ nɔ ko, ni kɛ̃lɛ wɔyɛ nii fiaa.

2 Korintobii 8:2

akɛ aka amɛ yɛ amanehulu babaoo mli, shi kɛ̃lɛ amɛmiishɛɛ lɛ tɛke nɔ, ni amɛhĩa katekate lɛ mli po, amɛ jie mlihilɛ falɛ kpo;

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

1 Tesalonikabii 3:4

Ejaakɛ be ni wɔkɛ nyɛ yɔɔ lɛ, wɔkɛɛ nyɛ wɔto akɛ wɔbaana amanehulu, tamɔ bɔ ni eba mli ni nyɛle lɛ.

1 Timoteo 1:13

mi ni tsutsu lɛ mi ji musubɔlɔ kɛ mɛi ayiwalɔ kɛ mɛi aniseniianifeelɔ lɛ; shi kɛ̃lɛ ana mi mɔbɔ, ejaakɛ mileee ni mifee, yɛ he ni miheee miyeee hewɔ.

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 2:2

Mile onitsumɔi lɛ kɛ odeŋmegbomɔ lɛ kɛ ohiɛmiamɔ lɛ, kɛ bɔ ni okpɛ̃lɛɛɛ mɛi fɔ̃ji lɛ; mile akɛ oka mɛi ni kɛɔ akɛ bɔfoi ji amɛ shi amɛjeee bɔfoi lɛ ni ona akɛ amalelɔi ji amɛ.

Kpojiemɔ 2:24

“Shi miikɛɛ nyɛ, nyɛ mɛi ni eshwɛ yɛ Tiatira lɛ, mɛi abɔ ni ehiɛɛɛ tsɔ̃ɔmɔ nɛɛ mli ni amɛleee ‘Satan teemɔŋ nibii ni mli kwɔlɔ’, tamɔ bɔ ni amɛtsɛɔ lɛ lɛ, akɛ, Mikɛ jatsu kroko eŋmɛŋ nyɛnɔ;

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.