Kpojiemɔ 2:23 - ŊMALƐ KRƆŊKRƆŊ LƐ

²³ Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Ṅmãle̱ Kroṅkroṅ Le̱

²³ Ni ebii le̱, gbe magbeame̱; ni asafoi le̱ fẽ aana ale ake̱ midsi moni taoo̱ *sabai ke̱ tsuii amli, ní mahã nyeteṅ mofẽmo boni nyenitšumo̱i le̱ yo̱ le̱. *Lal. 7,10. Ier 17,10.

Kpojiemɔ 2:23 ပူးပေါင်းရင်းမြစ်များ

1 Kronika 17:18

Mɛni dɔŋŋ po yɔɔ minaa ni makɛɛ yɛ mihiɛ nyam ni owo nɛɛ hewɔ, ejaakɛ ole mi, otsulɔ momo.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

2 Kronika 6:30

jɛɛ ŋwɛi ni ji oshihilɛhe lɛ obo toi ni okɛfa. Bo pɛ ole gbɔmɔ yitsoŋ, no hewɔ lɛ, okɛ mɔ fɛɛ mɔ aye bɔ ni sa mɔ lɛ,

Hiob 24:23

Nyɔŋmɔ hãa amɛhiɔ shi shweshweeshwe, ni amɛkɛ amɛhe fɔ̃ɔ no nɔ, shi ehiŋmɛi kã amɛjeŋba he daa.

Lalai 139:1

Oo Yehowa, taomɔ mimli koni ole mi.

Lalai 26:2

Oo Yehowa, taomɔ mimli ni oka mi okwɛ. Kaa mitsui kɛ mijwɛŋmɔ,

Lalai 44:21

ani bo Nyɔŋmɔ oleŋ lo? Ejaakɛ ole tsuiiaŋ teemɔŋnii.

Lalai 62:12

Oo Naa Nyɔŋmɔ, bo oyɔɔ suɔmɔ ni tsakeee, ejaakɛ owoɔ mɔ fɛɛ mɔ nyɔmɔ yɛ enitsumɔi anaa.

Lalai 7:9

Oo, hã mɛi fɔ̃ji anɔfɔŋfeemɔ lɛ sɛɛ afo; Shi jalɔi lɛ, ojuro amɛ; ejaakɛ bo ji jalɛ Nyɔŋmɔ, ni okaa tsui kɛ jwɛŋmɔ okwɛɔ.

Yeremia 11:20

Kɛkɛ ni misɔle nɛkɛ, “Ao! Yehowa, Taiatsɛ, bo ni okojoɔ yɛ jalɛ naa, bo ni okaa gbɔmɔ susumɔ kɛ etsui fɛɛ okwɛɔ, hã mana owele ni obaatɔ yɛ gbɔmɛi nɛɛ anɔ lɛ; ejaakɛ bo odɛ̃ŋ mitu misane lɛ fɛɛ miwo.”

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 20:12

Ao, Yehowa, Taiatsɛ ni okaa jalɔ okwɛɔ, ni onaa etsuiŋ kɛ eyitsoŋ saji fɛɛ, hã mana amɛnɔ owele ni obaatɔ lɛ, ejaakɛ mitu misane lɛ miwo odɛ̃ŋ.

Zefania 1:11

Nyɛ, maŋ lɛ Jɔɔnaabii, nyɛwoa yara nyɛfoa kɛji nyɛnu gbɛɛmɔi nɛɛ; ejaakɛ akpãtã jarayelɔi lɛ fɛɛ ahiɛ, ni aplene mɛi ni yeɔ jwiɛtɛi jara lɛ.

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 4:16

Yesu kɛɛ lɛ akɛ, “Yaa ni oyatsɛ owu, ni okɛ lɛ aba biɛ.”

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Romabii 14:12

No hewɔ lɛ, wɔteŋ mɔ fɛɛ mɔ baabu lɛ diɛŋtsɛ ehe akɔntaa ehã Nyɔŋmɔ.

Romabii 8:27

Ni mɔ ni taoɔ tsuii amli lɛ le nɔ ni ji mumɔ lɛ jwɛŋmɔ lɛ, ejaakɛ edãmɔɔ mli ehãa mɛi krɔŋkrɔŋi lɛ yɛ Nyɔŋmɔ suɔmɔ naa.

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

Galatabii 6:5

Ejaakɛ mɔ fɛɛ mɔ aaatere lɛ diɛŋtsɛ ejatsu.

5 Mose 13:11

No baahã Israel muu fɛɛ anu nɔ ni eba lɛ, ni amɛbaashe gbeyei koni akaye nɛkɛ sane fɔŋ nɛɛ eko yɛ nyɛteŋ dɔŋŋ.

5 Mose 17:13

Kɛ afee nakai lɛ maŋ muu lɛ fɛɛ baanu he, ni amɛbaashe gbeyei, ni mɔ ko ekaŋ asa akɛ eeeye etsui naa sane nakai dɔŋŋ.

5 Mose 19:20

Mɛi krokomɛi baanu nɔ ni ba lɛ, ni ebaahã amɛshe gbeyei, ni amɛteŋ mɔ ko mɔ ko efeŋ nɔ fɔŋ nɛɛ eko yɛ nyɛteŋ dɔŋŋ.”

5 Mose 21:21

Maŋ lɛ mli hii fɛɛ atswia lɛ tɛi koni egbo bɔ ni afee ni akɛjie su fɔŋ lɛ yɛ nyɛteŋ. Israel fɛɛ baanu nɔ ni ba lɛ, ni amɛbaashe gbeyei.”

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:13

Ni ŋshɔ jie gbohii ni yɔɔ emli lɛ ehã, ni gbele kɛ gbohiiaje hu jie gbohii ni yɔɔ amɛmli lɛ amɛhã; ni akojo amɛ, mɔ fɛɛ mɔ yɛ enitsumɔi lɛ anaa.

Kpojiemɔ 22:12

“Naa, miiba nɔŋŋ, ni mihiɛ minyɔmɔwo lɛ kɛmiiba, ni mawo mɔ fɛɛ mɔ nyɔmɔ bɔ ni sa enitsumɔ lɛ.

Kpojiemɔ 6:8

Ni mikwɛ, ni naa, okpɔŋɔ lamlulamlu ni mɔ ni ta enɔ lɛ gbɛi ji Gbele, ni Gbohiiaje nyiɛ esɛɛ kpaakpa. Ni ahã amɛ hegbɛ yɛ shikpɔŋ lɛ mlijai ejwɛ mli ekome nɔ, akɛ amɛkɛ klante kɛ hɔ̃mɔ kɛ gbele hela kɛ shikpɔŋ lɛ nɔ kooloi awuyelɔi agbegbee amɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”