Kpojiemɔ 2:22 - ŊMALƐ KRƆŊKRƆŊ LƐ

²² Naa, mikɛ lɛ miifɔ̃ hela saa nɔ, ni mikɛ mɛi ni kɛ lɛ fite gbãlã lɛ hu miiwo amanehulu kpeteŋkple mli, belɛ ja amɛtsake amɛtsui ni amɛshi enitsumɔi lɛ.

Ṅmãle̱ Kroṅkroṅ Le̱

²² Na, mike̱le̱ mīfõ sā no̱ ni mike̱ mei ni ke̱le̱ efite gblã le̱ hũ miwo amane hũlũ kpeteṅkple mli, dša ame̱tšake ame̱ tsuii ke̱-dše̱ enitsumo̱i le̱ amli.

Kpojiemɔ 2:22 ပူးပေါင်းရင်းမြစ်များ

Yeremia 36:3

Aleenɔ, ekolɛ kɛji Yudabii aaanu efɔŋ ni mito miyiŋ akɛ mafee amɛ lɛ, amɛteŋ mɔ fɛɛ mɔ aaakpa enifɔɔji anii ni efeɔ lɛ, ni no aaahã mikɛ amɛnishaianii kɛ amɛhe eshai lɛ afa amɛ.”

Ezekiel 23:29

Amɛkɛ bo aaaye yɛ yiwalɛ naa. Amɛaaloo nii ni ogbo deŋme yɛ he lɛ fɛɛ, ni amɛaashi bo yayai kɛ ohe pasaa: ni amɛaajie ojwamaŋbɔɔ yayaiaŋ kpo. Ohiɛkɔ̃ɔ kɛ ojwamaŋbɔɔ ji nɔ ni kɛ enɛ ba onɔ.

Ezekiel 33:11

Kɛɛmɔ amɛ akɛ gbii abɔ ni mi, mi ji Nyɔŋmɔ Hiɛkãalɔ lɛ nɛɛ, minaaa efɔŋfeelɔ gbele he miishɛɛ; shi moŋ minaa miishɛɛ kɛji efɔŋfeelɔ tsake ejeŋba, ni eyi na wala. Ao Israel we, nyɛkpalea, nyɛkpalea kɛjea nyɛgbɛi fɔ̃ji lɛ anɔ koni nyɛyi ana wala. Mɛni hewɔ nyɛaagboi?

Zefania 3:7

Mikɛɛ akɛ, ‘Anɔkwa, eeeshe mi gbeyei, ni eeekpɛlɛ̃ mitsɔsemɔ lɛ, ni ekuŋ ehiɛ efɔŋ mimlai ni miwo lɛ lɛ eko eko nɔ.’ Shi fɛɛ sɛɛ lɛ babaoo moŋ ni amɛfee nibii gbohiigbohii ji no.”

Luka 13:3

Miikɛɛ nyɛ akɛ ebɛ mli nakai, shi moŋ kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.

Luka 13:5

Miikɛɛ nyɛ akɛ ebɛ mli nakai, shi moŋ, kɛ nyɛtsakeee nyɛtsui lɛ, nyɛ fɛɛ nyɛhiɛ baakpãtã nakai nɔŋŋ.”

2 Korintobii 12:21

ni misaa miishe gbeyei akɛ kɛ miba ekoŋŋ lɛ, miNyɔŋmɔ lɛ aaaba mi shi yɛ nyɛhiɛ, ni maye ŋkɔmɔ mahã mɛi ni efee esha sa ni amɛtsakeee amɛtsui lɛ ateŋ mɛi pii, yɛ amɛmujinii kɛ ajwamãŋbɔɔ kɛ nyɛnyɛŋtswibɔɔ lɛ hewɔ.

Kpojiemɔ 17:2

Shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni ejwamaŋbɔɔ dãa lɛ hã mɛi ni yɔɔ shikpɔŋ lɛ nɔ lɛ tɔrɔ dãa.”

Kpojiemɔ 18:3

Ejaakɛ ehã jeŋmaji lɛ fɛɛ enu ejwamaŋbɔɔ dãa ni naa wa lɛ eko, ni shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni shikpɔŋ lɛ nɔ jarayelɔi lɛ tsɔ̃mɔ niiatsɛmɛi yɛ enyɛnyɛŋtswibɔɔ lɛ hewalɛ naa.”

Kpojiemɔ 18:9

Ni shikpɔŋ lɛ nɔ maŋtsɛmɛi ni kɛ lɛ bɔ ajwamãŋ ni amɛkɛ lɛ bɔ nyɛnyɛŋtswi lɛ aaafo lɛ, ni amɛaawo yara yɛ hewɔ, be ni amɛaana eshãa lɛ lasu lɛ.

Kpojiemɔ 2:5

No hewɔ lɛ, kaimɔ he ni ojɛ ogbee shi lɛ, ni otsake otsui, ni otsu tsutsu nitsumɔi lɛ. Shi kɛ jeee nakai lɛ, maba onɔ oya ni matsi okanetso lɛ kɛaajɛ egbɛhe lɛ, belɛ ja oshwa ohe.