Kpojiemɔ 2:18 - ŊMALƐ KRƆŊKRƆŊ LƐ

¹⁸ “Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.

Ṅmãle̱ Kroṅkroṅ Le̱

¹⁸ Ni Tiatira asafo le̱ bo̱fo le̱, ṅmã oyahãle̱ ake̱: Nii ní Nyoṅmo̱ bi le̱ ní *ehĩṅme̱ii tamo̱ lalilei ni enãdši tamo̱ ayawa ní kpe̱o̱ nyeramnyeram le̱ kē̱ ne̱: *1,14. 15.

Kpojiemɔ 2:18 ပူးပေါင်းရင်းမြစ်များ

Lalai 2:7

“Mashiɛ akpɔ ni Yehowa ewo mi lɛ,” Ekɛɛ, “Mibi ji bo, ŋmɛnɛ gbi nɛɛ mifɔ bo.

Daniel 10:6

Egbɔmɔtso miikpɛlɛ oookɛɛ ojarawatɛ, ni ehiɛ miikpɛlɛ nyramnyram tamɔ srawa; ehiŋmɛii tamɔ kɔtii ni asu. Eniji kɛ enaji ahe miikpɛlɛ tamɔ akɔɔble ni asha he; ni egbee jije tamɔ asafo yuu gbee.

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Yohane 10:36

nyɛmiikɛɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ akɛ, ‘Obɔ musu’, akɛni mikɛɛ akɛ, ‘Nyɔŋmɔ Bi ji mi’ lɛ?

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:18

Mɔ ni heɔ enɔ yeɔ lɛ, akojooo lɛ; shi mɔ ni heee yeee lɛ, akojo lɛ momo, ejaakɛ eheko Nyɔŋmɔ Bi koome lɛ gbɛi lɛ nɔ eyeko.

Yohane 5:25

Anɔkwale mikɛɔ nyɛ akɛ: ŋmɛlɛtswaa lɛ miiba, ni eshɛ etã, ni gbohii lɛ aaanu Nyɔŋmɔ Bi lɛ gbee, ni mɛi ni nuɔ lɛ aaana wala.

Bɔfoi 16:14

Ni yoo ko ni atsɛɔ lɛ Lidia ni ji kɔɔjaŋhɔ̃ɔlɔ ko ni jɛ Tiatira maŋ lɛ mli ni sheɔ Nyɔŋmɔ gbeyei lɛ hu nu; lɛ Nuŋtsɔ lɛ gbele etsui naa akɛ ebo nii ni Paulo wieɔ lɛ toi.

Bɔfoi 8:36

Ni be ni amɛnyiɛ gbɛ lɛ nɔ lɛ, amɛbashɛ nu ko he, ni piafonyo lɛ kɛɛ, “Naa nu; mɛni tsiɔ mibaptisimɔ gbɛ?” [

Romabii 1:4

EBi nɛɛ, hetsemɔ Mumɔ lɛ naa lɛ, atsɔ̃ gbohiiashitee lɛ nɔ ajie lɛ atsɔ̃ɔ yɛ hewalɛ mli akɛ Nyɔŋmɔ Bi ni ji Yesu Kristo wɔNuŋtsɔ lɛ.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 2:24

“Shi miikɛɛ nyɛ, nyɛ mɛi ni eshwɛ yɛ Tiatira lɛ, mɛi abɔ ni ehiɛɛɛ tsɔ̃ɔmɔ nɛɛ mli ni amɛleee ‘Satan teemɔŋ nibii ni mli kwɔlɔ’, tamɔ bɔ ni amɛtsɛɔ lɛ lɛ, akɛ, Mikɛ jatsu kroko eŋmɛŋ nyɛnɔ;