Kpojiemɔ 2:10 - ŊMALƐ KRƆŊKRƆŊ LƐ

¹⁰ Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Ṅmãle̱ Kroṅkroṅ Le̱

¹⁰ *Kāše amanehũlũ ní obana le̱ ekoeko gbeyei. Na, abonsam baṅõ nyeteṅ meikomei awo tšũṅ, koni anõ-kanye, ni nyeana amanehũlũ gbĩĩ nyonma. Femo̱ ano̱kwafo ke̱-yaši gbĕle mli, ni mahão wala †akekre le̱. *Mat. 10,28. †Kpods. 3,11. 2 Tim. 4,8.

Kpojiemɔ 2:10 ပူးပေါင်းရင်းမြစ်များ

Lalai 31:23

Nyɛsumɔa Yehowa, nyɛ hetselɔi fɛɛ. Yehowa baa anɔkwafoi ayi, shi henɔwolɔi lɛ, ewoɔ amɛ nyɔmɔ babaoo.

Yāfó 3:57

Be ni mitsɛ bo lɛ, otsi obɛŋkɛ, ni okɛɛ akɛ, ‘Kaashe gbeyei!’

Daniel 1:12

“Ofainɛ, hã wɔ tsei ayibii kɛ baibai kɛkɛ koni wɔye kɛ nu folo hu kɛkɛ ni wɔnu kɛyashi biɛ gbii nyɔŋma koni okɛka wɔ, otsuji, okwɛ;

Daniel 1:14

Nuu lɛ kpɛlɛ̃ sane ni Daniel kɛfɔ̃ ehiɛ lɛ nɔ, ni eka Daniel kɛ enyɛmimɛi lɛ aniyenii hamɔ lɛ gbii nyɔŋma lɛ ekwɛ.

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 24:13

Shi mɔ ni hiɛɔ mli kɛyawulaa shi lɛ, lɛ eyiwala aaahere.

Marko 13:13

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛwulaa shi lɛ, aaahere eyiwala.”

Marko 8:35

Ejaakɛ mɔ fɛɛ mɔ ni sumɔɔ akɛ ebaa esusuma yi lɛ, eeelaaje lɛ; shi mɔ ni laajeɔ esusuma yɛ mi kɛ Sanekpakpa lɛ hewɔ lɛ, eeehere eyiwala.

Luka 21:12

“Shi dani enɛɛmɛi fɛɛ aaaba lɛ, amɛaamɔmɔ nyɛ ni amɛaawa nyɛ yi ni amɛkɛ nyɛ aaahã ni akojo nyɛ yɛ kpeehei lɛ ni awo nyɛ tsuŋ, ni amɛaakpala nyɛ kɛatee maŋtsɛmɛi kɛ lumɛi ahiɛ yɛ migbɛi lɛ hewɔ.

Yohane 12:25

Mɔ ni dɔɔ ewala he lɛ, elaajeɔ lɛ, shi mɔ ni nyɛɔ ewala yɛ je nɛɛ mli lɛ, eeeto lɛ kɛaatee naanɔ wala mli.

Yohane 13:2

Ni be ni amɛyeɔ nii lɛ, belɛ abonsam kɛwo Yuda Iskariot, Simon bi lɛ, tsui mli momo, akɛ etsɔ̃ɔ esɛɛgbɛ —

Yohane 13:27

Ni atrɔma lɛ sɛɛ pɛ ni Satan bote Yuda mli. Yesu kɛɛ lɛ akɛ, “Nɔ ni ofeɔ lɛ, feemɔ mramra!”

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 21:13

Shi ehere nɔ ekɛɛ, “Mɛni nyɛfeɔ nɛɛ, nyɛmiifo ni nyɛkɛmiiwo mi awerɛho? Mi lɛ, jeee fii kɛkɛ misaa mihe mito, shi moŋ gbele diɛŋtsɛ yɛ Nuŋtsɔ Yesu gbɛi lɛ hewɔ yɛ Yerusalɛm.”

1 Korintobii 9:25

Shi mɔ fɛɛ mɔ ni shiɔ akaŋ lɛ, eyeɔ ehe nɔ yɛ nibii fɛɛ mli. Agbɛnɛ amɛ lɛ amɛfeɔ nakai, koni amɛna akekre ni fiteɔ, shi wɔ lɛ, koni wɔna nɔ ni fiteee.

Efesobii 2:2

Ni nyɛnyiɛ yɛ mli sa yɛ no je nɛɛŋ su lɛ naa, yɛ lumɔ ni yɔɔ kɔɔyɔɔ mli hewalɛ lɛ ni ji mumɔ ni tsuɔ nii amrɔ nɛɛ yɛ toigbele bii amli lɛ naa.

Efesobii 6:12

Ejaakɛ jeee gbɔmɛi wɔkɛna lɛ, shi moŋ wɔkɛ onukpayelii kɛ hegbɛi kɛ je nɛɛŋ duŋ lɛ mli lumɛi lɛ kɛ mumɔi fɔ̃ji ni yɔɔ ŋwɛiniiaŋ lɛ.

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

1 Petro 5:4

Ni be ni Tookwɛlɔnukpa lɛ aaajie ehe kpo lɛ, nyɛnine aaashɛ anunyam akekre ni ŋalaaa lɛ nɔ.

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 13:2

Ni kooloo lɛ ni mina lɛ tamɔ mlaŋtswi, ni enaji tamɔ oshishibrishi naji, ni enaabu tamɔ jata naabu. Ni drako lɛ kɛ lɛ diɛŋtsɛ ehewalɛ lɛ kɛ emaŋtsɛ sɛ̃i lɛ kɛ hegbɛ kpeteŋkple hã lɛ.

Kpojiemɔ 13:7

Ni ahã lɛ hegbɛ ni ekɛ krɔŋkrɔŋbii lɛ awu ni eye amɛnɔ kunim; ni ahã lɛ hegbɛ yɛ akutso fɛɛ akutso kɛ maŋ fɛɛ maŋ kɛ maji anɔ wiemɔi fɛɛ kɛ jeŋmaŋ fɛɛ jeŋmaŋ nɔ.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.