Kpojiemɔ 19:7 - ŊMALƐ KRƆŊKRƆŊ LƐ

⁷ “Nyɛhãa wɔmii ashɛa ni wɔmli afilia wɔ ni wɔwo ehiɛ nyam! Ejaakɛ Toobi lɛ yookpeemɔ lɛ eshɛ, ni eŋa lɛ esaa ehe eto.

Ṅmãle̱ Kroṅkroṅ Le̱

⁷ Nyehãa *wo̱mī aše̱a ni wo̱mli afliawo̱ ni wo̱woa ehĩe nyam! edšake̱ tōbi le̱ †yōkpēmo̱ le̱ eše̱, ni eṅã le̱ esā ehe eto. *Lal. 118,24. †Kpods. 21,2. 9.

Kpojiemɔ 19:7 ပူးပေါင်းရင်းမြစ်များ

Lalai 107:42

Jalɔi naa kɛ amɛhiŋmɛi, ni amɛmii shɛɔ amɛhe, shi efɔŋfeelɔi tɔɔ mu.

Lalai 48:11

Hã Zion Gɔŋ lɛ anya, hã Yuda maji lɛ amli afili amɛ yɛ ejalɛ kojomɔi lɛ ahewɔ.

Lalai 9:14

koni majaje oyijiemɔi lɛ fɛɛ yɛ Yerusalɛmbii lɛ agboi lɛ amli, mimli aaafli mi, ejaakɛ ohere miyiwala.

Abe̱i 29:2

Kɛji jalɔi miiye maŋ nɔ lɛ, maŋbii lɛ nyaa; shi kɛji mɛi fɔ̃ji miiye nɔ lɛ, maŋbii lɛ dɔ̃mɔɔ ŋtsɔi.

Salomo Lalai 3:11

Nyɛ Zion biyei, nyɛjea kpo nyɛbakwɛa Maŋtsɛ Solomon, kɛ akekre ni enyɛ kɛfi lɛ yɛ eyookpeemɔ gbi kɛ emliflimɔ gbi lɛ nɔ lɛ.

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 62:5

Ejaakɛ bɔ ni oblanyo kpeɔ oblayoo lɛ, nakai nɔŋŋ mɔ ni bɔ bo lɛ aaakpee bo; ni bɔ ni ayɛmforo wu nyaa ayɛmforo he lɛ, nakai oNyɔŋmɔ lɛ aaanya ohe.

Yesaia 66:10

“Nyɛ kɛ Yerusalɛm anyaa, ni nyɛmli afilia nyɛ yɛ ehewɔ. Nyɛ mɛi fɛɛ ni nyɛsumɔɔ lɛ lɛ, nyɛ kɛ lɛ anaa miishɛɛ, nyɛ mɛi fɛɛ ni nyɛye lɛ ŋkɔmɔ lɛ!

Yesaia 66:14

Nyɛ diɛŋtsɛ nyɛaana kɛ nyɛhiŋmɛii, ni nyɛtsui aaanyɔ nyɛmli, ni nyɛgbɔmɔtsei aaafrɔke tamɔ jwɛifɔ, ni aaana ale akɛ Yehowa nine kã etsuji ahe, shi ehenyɛlɔi lɛ emli aaafu amɛ.”

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Mateo 1:20

Shi be ni ejwɛŋɔ nii nɛɛ ahe lɛ, Nuŋtsɔ lɛ bɔfo jie ehe kpo etsɔ̃ɔ lɛ yɛ wɔlamɔ mli, ni ekɛɛ lɛ akɛ, “Yosef, David bi, kaashe oŋa Maria lɛ ŋɔɔ gbeyei, shi musu ni ehiɛ nɛɛ ejɛ Mumɔ Krɔŋkrɔŋ lɛ mli,

Mateo 22:2

“Ŋwɛi maŋtsɛyeli lɛ tamɔ maŋtsɛ ko ni kpee yoo ehã ebinuu.

Luka 12:36

ni nyɛfea tamɔ mɛi ni kwɛɔ amɛnuŋtsɔ gbɛ, be mli ni eeejɛ yookpeemɔ lɛ eeba, koni, kɛ eba ni ebashi lɛ, ni amɛgbele lɛ oya.

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

Efesobii 5:23

Ejaakɛ wu lɛ ji ŋa lɛ yitso, tamɔ bɔ ni Kristo hu ji asafo lɛ yitso, ni lɛ nɔŋŋ ji gbɔmɔtso ni ji asafo lɛ yiwalaherelɔ lɛ.

Efesobii 5:32

Teemɔ sane ni tsii nɛ; mi lɛ mikɛtoɔ Kristo kɛ asafo lɛ he.

5 Mose 32:43

“Nyɛ majimaji, nyɛkɛ Yehowa webii lɛ anyaa, ejaakɛ etɔ etsuji alá he owele, ni etɔ ehe owele yɛ ehenyɛlɔi anɔ, ni ekɛ ewebii atɔ̃mɔi efa amɛ.”

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 21:2

Ni mina Maŋ Krɔŋkrɔŋ lɛ ni ji Yerusalɛm hee lɛ jɛ Nyɔŋmɔ ŋɔɔ yɛ ŋwɛi miikpeleke shi, ni asaa lɛ ato tamɔ ayɛmforo ni awula lɛ ahã ewu.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”

1 Samuel 2:1

Kɛkɛ ni Hana sɔle yɛ jɛi ni ekɛɛ “Yehowa, ohã mimli efili mi, ni minyɛ mihiɛ nɔ miwo. Mibaŋmɔ mihenyɛlɔi lɛ, ejaakɛ ohere mi.