Kpojiemɔ 19:4 - ŊMALƐ KRƆŊKRƆŊ LƐ

⁴ Ni onukpai nyɔŋmai enyɔ kɛ ejwɛ lɛ kɛ hiɛkãalɔi ejwɛ lɛ ho gbee shi ni amɛja Nyɔŋmɔ ni ta maŋtsɛ sɛ̃i lɛ nɔ lɛ, ni amɛkɛɛ, “Amen! Haleluya!”

Ṅmãle̱ Kroṅkroṅ Le̱

⁴ Ni onukpai nyoṅmai-enyo̱ ke̱ edſe̱ le̱ ke̱ hĩekãlo̱i edſe̱ le̱ ho gbe ši ni ame̱dšá Nyoṅmo̱ ni tá maṅtše̱sẽi le̱ no̱ le̱, ni ame̱kē̱: *Amen, Haleluya! *5,14. Lal. 106,48.

Kpojiemɔ 19:4 ပူးပေါင်းရင်းမြစ်များ

1 Kronika 16:36

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ!” Kɛkɛ ni maŋ muu lɛ fɛɛ here nɔ amɛkɛɛ, “Amen!” Ni amɛ jie Yehowa yi.

Nehemia 5:13

Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Nehemia 8:6

Kɛkɛ ni Ezra jie Yehowa, Nyɔŋmɔ kpeteŋkple lɛ, yi. Maŋ muu lɛ fɛɛ here nɔ amɛkɛɛ, “Amen! Amen!” Amɛhole amɛniji anɔ. No sɛɛ lɛ, amɛmamɔ amɛyi shi, ni amɛkɛ amɛhiɛ bumɔ shi, ni amɛja Yehowa.

Lalai 104:35

Hã eshafeelɔi atã yɛ shikpɔŋ lɛ nɔ; ni efɔŋfeelɔi akahi shi dɔŋŋ. Oo misusuma, jiemɔ Yehowa yi! Jiemɔ Yehowa yi!

Lalai 106:48

Yijiemɔ ahã Yehowa Israel Nyɔŋmɔ lɛ, kɛjɛ naanɔ kɛyashi naanɔ; ni maŋ muu lɛ fɛɛ akɛɛ akɛ, “Amen!” Nyɛjiea Yehowa yi!

Lalai 41:13

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ. Amen! Amen!

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Lalai 89:52

Yijiemɔ ahã Yehowa kɛya naanɔ! Amen! Amen!

Yeremia 28:6

ni mikɛɛ lɛ akɛ, “Amen! Yehowa aaafee nakai. Yehowa ahã ogbalɛ ni ogba nɛɛ aba mli akɛ ebaaŋɔ Yehowa Sɔlemɔ we lɛ mli nibii lɛ kɛ nomii lɛ fɛɛ kɛjɛ Babilon kɛba biɛ nɛɛ ekoŋŋ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

1 Korintobii 14:16

Ejaakɛ kɛ okɛ mumɔ miijɔɔ lɛ, te aaafee tɛŋŋ ni mɔ ni leee mli eko lɛ aahere oshidaa lɛ nɔ akɛ “Amen”, akɛni eleee nɔ ni okɛɔ lɛ?

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 19:1

Nii nɛɛ asɛɛ lɛ, minu gbee ni wa ni tamɔ asafo babaoo gbee yɛ ŋwɛi ni miikɛɛ, “Haleluya! Yiwalaheremɔ kɛ anunyam kɛ hewalɛ lɛ ji wɔNyɔŋmɔ lɛ nɔ!

Kpojiemɔ 19:3

Ni amɛkɛɛ nɔ ni ji shii enyɔ akɛ, “Haleluya! Ni la ni shãa maŋ lɛ lasu lɛ teɔ shi kɛyaa naanɔi anaanɔ!”

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”

Kpojiemɔ 5:14

Ni hiɛkãalɔi ejwɛ lɛ kɛɛ “Amen!” Ni onukpai lɛ ho gbee shi, ni amɛja.