Kpojiemɔ 19:15 - ŊMALƐ KRƆŊKRƆŊ LƐ

¹⁵ Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Ṅmãle̱ Kroṅkroṅ Le̱

¹⁵ Ni tši ní nā ba dse̱o̱ edāṅ, koni eke̱ no atſia dšeṅmadšiaṅbii le̱ anii; ni eke̱ *dadetšo akplaame̱. Ni le̱ noṅṅ †enānāa Nyoṅmo̱ Ofe le̱ mlifũ ní nā wa le̱ weinṅã̀nõ le̱ no̱; *12,5. Lal. 2,9. †Kpods. 14,19. 20. Ies. 63,3.

Kpojiemɔ 19:15 ပူးပေါင်းရင်းမြစ်များ

Lalai 2:9

Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

Yesaia 11:4

Shi moŋ eeekojo ohiafoi lɛ yɛ jalɛ naa; ni eeebu shikpɔŋ lɛ nɔ humii lɛ atɛŋ yɛ jalɛ naa. Ekɛ edaaŋ wiemɔ aaaplene shikpɔŋ lɛ nɔ bii, ni ekɛ emumɔ lɛ aaagbe mɔ fɔŋ lɛ.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yoel 3:13

Nyɛfolɔa amɛ nyɛshwiea shi tamɔ afolɔɔ ŋmaa yɛ nikpamɔ be mli lɛ; nyɛnaanaa amɛ tamɔ aŋaa wainyibii yɛ wain tsɔne ni eyi tɔ mli kɛyashiɔ wain lɛ bɔ̃iɔ hoo lɛ, ejaakɛ amɛyitsoŋ wa tsɔ̃.”

Maleaki 4:6

Ebaahã tsɛmɛi asumɔ amɛbii ekoŋŋ, ni bii hu aaasumɔ amɛtsɛmɛi ekoŋŋ, koni mikaba mibakpãtã shikpɔŋ muu lɛ hiɛ.”

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Kpojiemɔ 1:16

Ehiɛ ŋulamii kpawo yɛ eninejurɔ, ni tsi kɛ enaa nta ni naa ba jɛ edaaŋ, ni ehiɛ tamɔ hulu ni miitso kɛ ehewalɛ fɛɛ.

Kpojiemɔ 12:5

Ni yoo lɛ fɔ binuu ni kɛ dadetso baakpala jeŋmaji lɛ fɛɛ lɛ; ni asha ebi lɛ kɛtee Nyɔŋmɔ ŋɔɔ yɛ emaŋtsɛ sɛ̃i lɛ masɛi.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 19:21

Ni mɛi ni shwɛ lɛ, akɛ mɔ ni ta okpɔŋɔ lɛ nɔ lɛ tsi ni jɛɔ edaaŋ lɛ gbe amɛ, ni loofɔji fɛɛ ye amɛloo lɛ amɛtɔrɔ.

Kpojiemɔ 2:12

“Ni Pergamo asafo lɛ bɔfo lɛ; ŋmaa oyahã lɛ akɛ, Nii ni mɔ ni hiɛ tsi kɛ enaa nta ni naa ba lɛ kɛɛ nɛ:

Kpojiemɔ 2:16

No hewɔ lɛ, tsakemɔ otsui! Shi kɛji jeee nakai lɛ, maba onɔ oya ni mikɛ amɛ aaabawu kɛ midaaŋ tsi lɛ.

Kpojiemɔ 2:27

tamɔ bɔ ni mi hu mina kɛjɛ miTsɛ ŋɔɔ lɛ, ni ekɛ dadetso aaakpala amɛ ni eeejwara amɛ tamɔ ajwaraa su gbɛi;