Kpojiemɔ 19:14 - ŊMALƐ KRƆŊKRƆŊ LƐ

¹⁴ Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.

Ṅmãle̱ Kroṅkroṅ Le̱

¹⁴ Ni *tai ní yo̱ ṅwei le̱ trá okpo̱ṅo̱i ye̱dši ano̱ ke̱-nyie ese̱, ni ame̱wo klala ye̱ṅ ni he tše. *17,14.

Kpojiemɔ 19:14 ပူးပေါင်းရင်းမြစ်များ

Lalai 68:17

Nuŋtsɔ lɛ jɛ Sinai eba He Krɔŋkrɔŋ lɛŋ kɛ tayaa shwiilii wuji akpe toi akpei abɔ.

Abe̱i 31:22

Eloɔ saanɔboi ehãa ehe; klala fɛɛfɛo kɛ afaseo mama ji ehe bo.

Yesaia 3:23

kɛ atadei ni akɛ mama ni mli yɔɔ haŋŋhaŋŋ ekpɛ lɛ kɛ klala atadei lɛ kɛ bɔndukui lɛ kɛ hiɛhaanii lɛ.

Zakaria 14:5

Nyɛbaajo foi kɛtsɔ̃ jɔɔ ni kã migɔŋ ni emli egba enyɔ lɛ mli. Nyɛbaajo foi tamɔ bɔ ni nyɛtsɛmɛi lɛ jo foi be ni shikpɔŋ hoso yɛ Yuda maŋtsɛ Uzia yinɔ lɛ. No sɛɛ lɛ, Yehowa, miNyɔŋmɔ lɛ kɛ emɛi krɔŋkrɔŋi lɛ fɛɛ baaba abapue.

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 26:53

Aloo osusuɔ akɛ minyɛŋ miTsɛ fai makpa ni amrɔ nɛɛ nɔŋŋ eeehã mi ŋwɛi bɔfoi fe asafoi nyɔŋma kɛ enyɔ?

Mateo 28:3

Ni ehiɛ kpɛɔ tamɔ srawa, ni etade lɛ hu yɛɔ futafuta.

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

Yuda 1:14

Mɛnɛɛmɛi ahe ni Henok ni ba yɛ yinɔ ni ji kpawo mli kɛjɛ Adam nɔ lɛ gba yɛ akɛ, “Naa, Nuŋtsɔ lɛ miiba kɛ ekrɔŋkrɔŋbii akpei nyɔŋmanyɔŋmai abɔ

Kpojiemɔ 14:1

Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha kɛ nyɔŋmai ejwɛ kɛ ejwɛ ni aŋma egbɛi kɛ eTsɛ gbɛi yɛ amɛhiɛŋtsei anɔ fata ehe.

Kpojiemɔ 14:20

Ni anaanaa wainŋaanɔ lɛ nɔ yɛ maŋ lɛ ŋmaŋmasha lɛ, ni lá ho kɛjɛ wainŋaanɔ lɛ mli ni ekɛlɛ ji shitoi ohai enyɔ.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kpojiemɔ 3:4

Shi kɛ̃lɛ oyɛ mɛi fioo ko yɛ Sarde, mɛi ni woko amɛtadei lɛ amuji; ni amɛkɛ mi baanyiɛ yɛ atadei yɛji amli, ejaakɛ amɛsa nakai.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,