Kpojiemɔ 19:12 - ŊMALƐ KRƆŊKRƆŊ LƐ

¹² Ni ehiŋmɛii tamɔ lalilɛi, ni maŋtsɛ faii pii bumɔ eyitso, ni aŋma gbɛi ko yɛ he ni mɔ ko mɔ ko leee akɛ ja lɛ diɛŋtsɛ;

Ṅmãle̱ Kroṅkroṅ Le̱

¹² Ni *ehĩṅme̱ii tamo̱ lalilei, ni maṅtše̱faii pī bumo̱ eyiteṅ, ni aṅmã †egbe̱i ko ni mokomoko lee ake̱ dša le̱dientše̱ noṅṅ; *1,14; 2,18. †3,12.

Kpojiemɔ 19:12 ပူးပေါင်းရင်းမြစ်များ

1 Mose 32:29

Yakob kɛɛ lɛ akɛ, “Miikpa bo fai ni otsɔ̃ɔ mi ogbɛi.” Shi nuu lɛ kɛɛ, “Mɛni hewɔ obiɔ migbɛi?” Ni ejɔɔ Yakob moŋ yɛ jɛi.

Lalai 8:5

Kɛ̃lɛ, shwɛ shrao ni ohã ekɛ bo Nyɔŋmɔ aye hegbɔ; ni okɛ anunyam kɛ woo efi lɛ akekre.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

Abe̱i 30:4

Namɔ ekwɔ kɛtee ŋwɛi, ni esaa ekpeleke shi? Namɔ ebua kɔɔyɔɔ naa yɛ ekɔkɔŋ dã? Namɔ efi nu yɛ emama mli dã? Namɔ ŋɔ shikpɔŋ lɛ koji lɛ emamɔ shi? Te egbɛi hu? Ni mɛni ji ebi lɛ hu gbɛi? Bɛ ole?

Salomo Lalai 3:11

Nyɛ Zion biyei, nyɛjea kpo nyɛbakwɛa Maŋtsɛ Solomon, kɛ akekre ni enyɛ kɛfi lɛ yɛ eyookpeemɔ gbi kɛ emliflimɔ gbi lɛ nɔ lɛ.

Yesaia 62:3

Oootsɔ̃ tamɔ akekre fɛɛfɛo yɛ Yehowa dɛŋ; oootsɔ̃ tamɔ maŋtsɛ fai yɛ oNyɔŋmɔ lɛ dɛŋ.

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Daniel 10:6

Egbɔmɔtso miikpɛlɛ oookɛɛ ojarawatɛ, ni ehiɛ miikpɛlɛ nyramnyram tamɔ srawa; ehiŋmɛii tamɔ kɔtii ni asu. Eniji kɛ enaji ahe miikpɛlɛ tamɔ akɔɔble ni asha he; ni egbee jije tamɔ asafo yuu gbee.

Zakaria 9:16

Nakai gbi lɛ nɔ lɛ, Yehowa, amɛNyɔŋmɔ lɛ aaahere amɛyiwala; ejaakɛ etooku ji amɛ; Amɛaakpɛlɛ yɛ eshikpɔŋ lɛ nɔ tamɔ akekre he ojarawatɛi.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 17:11

Mibɛ je lɛ mli dɔŋŋ, shi mɛnɛɛmɛi yɛ je lɛ mli, ni mi lɛ miiba oŋɔɔ. Ataa Krɔŋkrɔŋ, mɛi ni okɛhã mi lɛ, too amɛ yɛ ogbɛi lɛ mli, bɔ ni afee ni amɛfee ekome tamɔ wɔ.

Yohane 17:12

Be ni mikɛ amɛ yɔɔ lɛ, mito amɛ yɛ ogbɛi lɛ mli. Mɛi ni okɛhã mi lɛ, mibu amɛhe, ni amɛteŋ mɔ ko mɔ ko elaajeko, ja laajemɔ bi lɛ, koni nɔ ni aŋma lɛ aba mli.

Efesobii 1:21

yɛ onukpayeli kɛ hegbɛ kɛ hewalɛ lɛ nɔyeli fɛɛ kɛ gbɛi fɛɛ gbɛi ni awo, jeee be nɛ be nɛɛ mli kɛkɛ, shi be ni baaba lɛ mli hu lɛ anɔ.

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

Kpojiemɔ 1:14

Eyitso kɛ eyitsɔi yɛɔ tamɔ toohetsɔi yɛŋ, tamɔ snoo, ni ehiŋmɛii tamɔ lalilɛi,

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.

Kpojiemɔ 6:2

Ni mikwɛ, ni naa, okpɔŋɔ yɛŋ, ni mɔ ni ta enɔ lɛ hiɛ gãi, ni ahã lɛ akekre, ni eje kpo tamɔ kunimyelɔ ni miiya eyaye kunim.

Kojolɔi 13:18

Shi Yehowa bɔfo lɛ kɛɛ Manoa akɛ, “Mɛɛba obiɔ migbɛi? Migbɛi lɛ, naakpɛɛ gbɛi ni.”