Kpojiemɔ 19:10 - ŊMALƐ KRƆŊKRƆŊ LƐ

¹⁰ Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Ṅmãle̱ Kroṅkroṅ Le̱

¹⁰ Ni *miho migbō enãdši anā ni madsále̱. Ni ekē̱mi ake̱: Kākwe̱ ní ofe! onanyotšŭlo̱ ke̱ onyemimei le̱ ni hĩe Iesu †odase le̱ mli le̱ ateṅ moko dšimi; Nyoṅmo̱ moṅ odšá! Edšake̱ Iesu odase le̱ dši gbale̱ mumo̱ lo̱. *22,8. 9. Bo̱f. 10,25. 26. †Kpods. 12,17.

Kpojiemɔ 19:10 ပူးပေါင်းရင်းမြစ်များ

2 Maŋtsɛmɛi 17:36

Shi moŋ nyɛjaa Yehowa, mɔ ni kɛ hewalɛ kpele kpɔ̃ nyɛ kɛjɛ Ijipt shikpɔŋ lɛ nɔ kɛba lɛ. Lɛ nyɛjaa, ni lɛ nɔŋŋ nyɛshãa afɔle nyɛhãa.

Lalai 45:11

Ni maŋtsɛ lɛ hiɛ aaakɔ̃ ohefɛo lɛ nɔ. Akɛni lɛ ji onuŋtsɔ lɛ, kotomɔ lɛ.

2 Mose 34:14

“Nyɛkajaa nyɔŋmɔ kroko ejaakɛ Yehowa, ni egbɛi ji ‘Awuŋã’ lɛ, Nyɔŋmɔ ni yeɔ awuŋã ni.

Daniel 2:46

Kɛkɛ ni Maŋtsɛ Nebukadnezar kɛ ehiɛ bu shi, ni eja Daniel, ni efã akɛ ashã afɔle kɛ tsofakɛŋma ahã Daniel.

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Marko 5:22

Kɛkɛ ni kpeehe lɛ onukpai lɛ ateŋ mɔ kome ni atsɛɔ lɛ Yairo lɛ ba, ni be ni ena Yesu lɛ, eho egbee enaji anaa,

Marko 7:25

Ejaakɛ ejɛishɛɛ nɔŋŋ ni yoo ko ni mumɔ fɔŋ yɔɔ ebiyoo fioo mli nu ehe ni eba ebakula shi yɛ enaji anaa.

Luka 1:19

Ni bɔfo lɛ to he ekɛɛ, “Mi ji Gabriel ni damɔɔ Nyɔŋmɔ hiɛ lɛ, ni atsu mi akɛ mikɛ bo abawie ni migba bo sane kpakpa nɛɛ.

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Bɔfoi 10:43

Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Bɔfoi 13:27

Ejaakɛ mɛi ni yɔɔ Yerusalɛm lɛ kɛ amɛmaŋ onukpai lɛ, akɛni amɛleee Yesu, ni asaŋ amɛnuuu gbalɔi lɛ awiemɔi ni akaneɔ hejɔɔmɔ gbi fɛɛ hejɔɔmɔ gbi nɔ lɛ ashishi hewɔ lɛ, amɛkɛ amɛfɔ ni amɛbu lɛ lɛ ehã gbalɔi lɛ awiemɔi lɛ eba mli.

2 Korintobii 8:7

Shi moŋ tamɔ bɔ ni nyɛtɛkeɔ nɔ yɛ nɔ fɛɛ nɔ mli, yɛ hemɔkɛyeli kɛ wiemɔ kɛ nilee kɛ mɔdɛŋbɔɔ fɛɛ kɛ suɔmɔ ni jɛ wɔmli ni eyɔɔ nyɛmli lɛ mli lɛ, nyɛkwɛa koni nɛkɛ dromɔ nɛɛ mli hu lɛ nyɛtɛke nɔ.

Efesobii 5:15

No hewɔ lɛ, nyɛkwɛa jogbaŋŋ bɔ ni nyɛaanyiɛ nyɛhã, jeee tamɔ mɛi ni leee nii, shi moŋ tamɔ nilelɔi,

Efesobii 5:33

Shi ekɔɔ nyɛ hu nyɛhe ekomekome; esa akɛ nyɛteŋ mɔ fɛɛ mɔ asumɔ eŋa, tamɔ lɛ diɛŋtsɛ ehe; koni ŋa lɛ ashe ewu.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

1 Yohane 5:10

Mɔ ni heɔ Nyɔŋmɔ Bi lɛ eyeɔ lɛ, eyɛ odase yɛ lɛ diɛŋtsɛ emli, mɔ ni heee Nyɔŋmɔ eyeee lɛ, ehã Nyɔŋmɔ etsɔ̃ amalelɔ, ejaakɛ eheko odase ni Nyɔŋmɔ ye yɛ eBi lɛ he lɛ eyeko.

1 Yohane 5:21

Mibii bibii, nyɛkwɛa nyɛhe ni ahĩa yɛ wɔji ahe.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 12:17

Kɛkɛ ni drako lɛ mli fu yoo lɛ, ni eyiŋ etee ni ekɛ yoo lɛ shwiei ni eshwɛ ni yeɔ Nyɔŋmɔ kitãi lɛ anɔ ni amɛhiɛ Yesu Kristo odase lɛ mli lɛ ayawu.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,