Kpojiemɔ 19:1 - ŊMALƐ KRƆŊKRƆŊ LƐ

¹ Nii nɛɛ asɛɛ lɛ, minu gbee ni wa ni tamɔ asafo babaoo gbee yɛ ŋwɛi ni miikɛɛ, “Haleluya! Yiwalaheremɔ kɛ anunyam kɛ hewalɛ lɛ ji wɔNyɔŋmɔ lɛ nɔ!

Ṅmãle̱ Kroṅkroṅ Le̱

¹ Nii ne̱ ase̱ le̱ *minu gbē wulu ní tamo̱ asafo babaō gbē ye̱ ṅwei mīkē̱: Haleluya! yiwalahereme̱ ke̱ anumnyam ke̱ agbodšē ke̱ hewale̱ le̱ dši Nuṅtšo̱ wo̱-Nyoṅmo̱ le̱ nõ! *11,15.

Kpojiemɔ 19:1 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Lalai 104:35

Hã eshafeelɔi atã yɛ shikpɔŋ lɛ nɔ; ni efɔŋfeelɔi akahi shi dɔŋŋ. Oo misusuma, jiemɔ Yehowa yi! Jiemɔ Yehowa yi!

Lalai 106:1

Nyɛjiea Yehowa yi! Nyɛdaa Yehowa shi, ejaakɛ ehi, ejaakɛ esuɔmɔ ni tsakeee lɛ hiɔ shi kɛyaa naanɔ.

Lalai 111:1

Jiemɔ Yehowa yi! Mada Yehowa shi kɛ mitsui fɛɛ, yɛ jalɔi agwabɔɔ lɛ mli, yɛ asafo lɛ mli.

Lalai 115:18

shi wɔ, hiɛkãalɔi lɛ moŋ wɔɔjie Yehowa yi, kɛjɛ be nɛɛ mli, aahu kɛyaashi naanɔ fɛɛ. Nyɛjiea Yehowa yi!

Lalai 146:1

Jiemɔ Yehowa yi! Oo misusuma, jiemɔ Yehowa yi!

Lalai 148:1

Nyɛjiea Nyɔŋmɔ yi! Nyɛjɛa ŋwɛi nyɛjiea Yehowa yi; nyɛjiea eyi yɛ ŋwɛi flooflo!

Lalai 149:1

Nyɛjiea Yehowa yi! Nyɛlaa lala hee nyɛhãa Yehowa, nyɛjiea eyi yɛ anɔkwafoi agwabɔɔ lɛ mli.

Lalai 150:1

Nyɛjiea Yehowa yi! Nyɛjiea Nyɔŋmɔ yi yɛ ehe krɔŋkrɔŋ lɛ; nyɛjiea eyi yɛ ehewalɛ atatu lɛŋ!

Lalai 3:8

Kunimyeli lɛ Yehowa dɛŋ ejɛɔ, Yehowa, ojɔɔmɔ aba omaŋ lɛ nɔ. Sela

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Yeremia 51:48

Kɛkɛ lɛ ŋwɛi kɛ shikpɔŋ kɛ amɛmli nibii fɛɛ baala kɛ miishɛɛ kɛye Babilon he fɛo, ejaakɛ mɛi baajɛ kooyigbɛ shikpɔŋ lɛ nɔ abakpãtã ehiɛ. Mi, Yehowa, mikɛɛ.

Yona 2:9

Shi mi lɛ, mala makafo bo, ni mashã afɔle mahã bo; shi ni miwo lɛ, maye nɔ. Yiwalaheremɔ lɛ, Yehowa dɛŋ ejɛɔ.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 12:10

Ni minu gbee wulu ko yɛ ŋwɛi miikɛɛ, “Agbɛnɛ yiwalaheremɔ lɛ kɛ hewalɛ lɛ kɛ maŋtsɛyeli lɛ etsɔ̃ wɔNyɔŋmɔ lɛ nɔ, ni hegbɛ lɛ etsɔ̃ eKristo lɛ nɔ, ejaakɛ ashɛ wɔnyɛmimɛi lɛ anaaflɔlɔ lɛ ni folɔɔ amɛnaa yɛ wɔNyɔŋmɔ lɛ hiɛ nyɔɔŋ kɛ shwane lɛ afɔ̃.

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”