Kpojiemɔ 18:6 - ŊMALƐ KRƆŊKRƆŊ LƐ

⁶ Nyɛwoa lɛ nyɔmɔ tamɔ bɔ ni lɛ hu ewo lɛ, ni nyɛkua nyɛbɔa he toi enyɔ nyɛhãa lɛ yɛ enitsumɔi lɛ anaa. Kpulu lɛ ni efutu dãa yɛ mli lɛ, nyɛfutua lɛ toi enyɔ nyɛwoa mli nyɛhãa lɛ.

Ṅmãle̱ Kroṅkroṅ Le̱

⁶ *Nyewoale̱ nyõmo̱ take̱ bo̱ni le̱ hũ éwonye nyõmo̱ le̱, ni nyekũa nyebo̱a he toi enyo̱ nyehãale̱, take̱ bo̱ni sa enitšumo̱i le̱; kpulu le̱ ni efutu ehãnye le̱, nyefutuale̱ toi enyo̱ nyehãale̱; *Lal. 137,8. Ier. 50,15. 29.

Kpojiemɔ 18:6 ပူးပေါင်းရင်းမြစ်များ

Lalai 137:8

Oo, Babilon, abaakpãtã ohiɛ; Aaajɔɔ mɔ fɛɛ mɔ ni aaatɔ nɔ ni ofee wɔ lɛ he owele.

Lalai 28:4

Nakai nɔfɔŋfeelɔi lɛ, wo amɛ nyɔmɔ, yɛ amɛnifeemɔnii kɛ amɛnitsumɔi fɔ̃ji lɛ anaa. Wo amɛ nyɔmɔ yɛ amɛninenaa nitsumɔi lɛ anaa. Too amɛ najiaŋ bɔ pɛ ni sa amɛ.

Yesaia 40:2

“Nyɛkɛ Yerusalɛmbii awiea tsuijurɔ naa; ni nyɛkɛa Yerusalɛmbii akɛ amɛtawuu be lɛ sɛɛ efo, ni akɛ amɛnishaianii lɛ efa. Eshai ni amɛfee lɛ amɛna he nyɔmɔwoo toi enyɔ kɛjɛ Yehowa dɛŋ.”

Yesaia 61:7

Nyɛhiɛgbele kɛ hiɛshishwiemɔ lɛ sɛɛ aaafo, nyɛmii aaashɛ nyɛhe, yɛ nyɛ diɛŋtsɛ nyɛshikpɔŋ lɛ nɔ; ni nyɛninamɔ lɛ aaaku abɔ he, ni nyɛaana miishɛɛ kɛaatee naanɔ.

Yeremia 16:18

Mibawo tɔ̃mɔi ni amɛtɔ̃ kɛ eshai ni amɛfee lɛ ahe nyɔmɔ toi enyɔ, ejaakɛ amɛkɛ amɛyakayaka amãgãi foji lɛ ebule mishikpɔŋ lɛ; amɛhã enɔ eyi tɔ kɛ amɛmusubɔɔ nii lɛ.”

Yeremia 17:18

Hã mɛi ni waa mi yi lɛ ahiɛ agboi; shi mi lɛ kaahã mihiɛ miigbo. Hã amɛtsui afã, shi mi lɛ kaahã mitsui miifã. Hã gbi fɔŋ lɛ abanina amɛ; kpãtãmɔ amɛhiɛ, ni oku sɛɛ okpãtã amɛhiɛ butuu.

Yeremia 50:15

Nyɛbɔa oshe kɛbɔlea lɛ. Babilon ehole eniji anɔ akɛ enyɛɛɛ ta lɛ dɔŋŋ; ehe gbogboi lɛ ewule, akumɔ amɛ ashwie shi, ejaakɛ Yehowa oweletɔɔ ji no. Nyɛtɔa nyɛhe owele yɛ enɔ; bɔ ni efee mɛi komɛi lɛ, nyɛ hu nyɛfea lɛ nakai nɔŋŋ.

Yeremia 50:29

“Nyɛtsɛa gãitsɛ̃lɔi lɛ nyɛwoa Babilon he, mɔ fɛɛ mɔ ni le gãitsɛ̃mɔ aya eko. Nyɛsaa maŋ lɛ yi kɛkpea; ni nyɛkahãa mɔ ko naa fɔijee hegbɛ. Bɔ ni Babilon fee mɛi komɛi lɛ nyɛkɛ lɛ ayea nakai nɔŋŋ, ejaakɛ ekɛ Yehowa, Israel Mɔ Krɔŋkrɔŋ lɛ, fũ daa.

Yeremia 51:24

Yehowa kɛɛ akɛ, “Mibawo Babilon maŋ lɛ kɛ Babilonbii fɛɛ anifɔ̃ɔjianii ni amɛfee Yerusalɛm lɛ he nyɔmɔ yɛ nyɛhiɛ.

Yeremia 51:49

Esa akɛ Babilon agbee shi yɛ Israelbii ni egbegbee lɛ ahewɔ, tamɔ bɔ ni Babilon hewɔ lɛ agbegbee jeŋ majimaji anɔ bii lɛ.”

Yāfó 3:64

“Ao! Yehowa, feemɔ amɛ otse, yɛ amɛnifeemɔ nii lɛ anaa.

Zakaria 9:12

Nyɛ gboklɛfoi ni nyɛyɔɔ hiɛnɔkãmɔ, nyɛkua nyɛsɛɛ nyɛbaa mɔɔ ni wa lɛ mli. Ŋmɛnɛ gbi nɛɛ, miikɛɛ nyɛ akɛ mibato nyɛ najiaŋ toi enyɔ.

2 Timoteo 4:14

Aleksandro, sɔ̃lɔ lɛ, fee mi efɔŋ naakpa; Nuŋtsɔ lɛ ato lɛ najiaŋ yɛ enitsumɔi lɛ anaa.

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 17:2

Shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni ejwamaŋbɔɔ dãa lɛ hã mɛi ni yɔɔ shikpɔŋ lɛ nɔ lɛ tɔrɔ dãa.”

Kpojiemɔ 17:4

Yoo lɛ wo atade afaseo diŋ kɛ etsuru fɔɔ, ni akɛ shika kɛ tɛi ni jara wa kɛ adiagbai ewula lɛ, ni ehiɛ shika kpulu yɛ edɛŋ ni eyi obɔ̃ kɛ ejwamaŋbɔɔ lɛ mli nihiinii kɛ mujinii.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!