Kpojiemɔ 18:23 - ŊMALƐ KRƆŊKRƆŊ LƐ

²³ Ni anaŋ kane la ko kwraa dɔŋŋ yɛ omli, ni anuŋ ayɛmforo wu kɛ ayɛmforo gbee kwraa dɔŋŋ yɛ omli; ejaakɛ ojarayelɔi lɛ ji shikpɔŋ lɛ nɔ gbɔmɛi wuji, ni okunyaayeli lɛ akɛshishiu jeŋmaji lɛ fɛɛ.”

Ṅmãle̱ Kroṅkroṅ Le̱

²³ ni kane la etšoṅ kwrā doṅṅ ye̱ omli, ni *anuṅ ayemforowu ke̱ ayemforo gbẽ kwrā doṅṅ ye̱ omli; edšake̱ †odšrayelo̱i le̱ dši šikpoṅ le̱ no̱ gbomei wudši, edšake̱ okũnyãyeli le̱ ake̱-šišiu dšeṅmādši le̱ fẽ; *Ier. 7,34; 16,9, 25,10. †Ies. 23,8.

Kpojiemɔ 18:23 ပူးပေါင်းရင်းမြစ်များ

2 Maŋtsɛmɛi 9:22

Be ni Yoram na Yehu lɛ, ebi lɛ akɛ “Yehu, hejɔlɛ sane okɛbaa lo?” Yehu here nɔ akɛ, “Te baafee tɛŋŋ ni hejɔlɛ aba hu, bei abɔ ni ŋkunyaayeli kɛ wɔŋjamɔ ni onyɛ Yezebel bato shishi lɛ yɔɔ lolo lɛ?”

Hiob 21:17

Shii enyiɛ agbe mɛi fɔ̃ji akane lɛ, ni amanehulu eba amɛnɔ, aloo Nyɔŋmɔ ehã amɛpiŋ yɛ emlifu naa

Abe̱i 24:20

Nɔ kpakpa ko bɛ hã mɔ fɔŋ wɔsɛɛ, ni efɔŋfeelɔi akane lɛ hu aaagbe.

Yesaia 23:8

Namɔ to nɛkɛ yiŋ yɛ Tiro he, lɛ maŋ ni etoɔ maŋtsɛmɛi, maŋ ni ejarayelɔi lɛ lumɛi sɔŋŋ ni lɛ, ni eguɔyelɔi ahiɛ ba nyam yɛ shikpɔŋ muu lɛ fɛɛ nɔ lɛ?

Yesaia 47:9

Nibii enyɔ nɛɛ aaaba onɔ trukaa yɛ gbi kome nɔ. Okunyaayeli babaoo kɛ osɛbɛi babaoo lɛ ahewalɛ fɛɛ sɛɛ lɛ, aaakpakpaa obii yɛ ohe, ni oootsɔ̃ okulafo hu.

Yeremia 16:9

Ejaakɛ nɔ ni mi, Yehowa Taiatsɛ, Israel Nyɔŋmɔ lɛ, kɛɔ nɛ, ‘Naa, mibahã nyamɔ kɛ miishɛɛ gbee kɛ ayɛmforowu kɛ ayɛmforo gbee fɛɛ sɛɛ afo yɛ shikpɔŋ nɛɛ nɔ yɛ nyɛhiɛ, kɛ nyɛyinɔ nɛɛ.’

Yeremia 25:10

Asaŋ mibahã nyamɔ kɛ miishɛɛ kɛ ayɛmforowu kɛ ayɛmforo gbee lɛ fɛɛ sɛɛ afo yɛ jɛi; anaŋ mɔ ko ni koto wiɛ sɛɛ yɛ jɛi lɛ, anaŋ kane ni asu yɛ jɛi he ko he ko.

Yeremia 7:34

Mafo nyamɔ kɛ miishɛɛ sɛɛ yɛ Yuda maji lɛ kɛ Yerusalɛm blohui fɛɛ amli. Anuŋ ayɛmforo kɛ ayɛmforo wu gbee dɔŋŋ, ejaakɛ shikpɔŋ lɛ baatsɔ̃ amaŋfɔ̃.”

Nahum 3:4

Fɛɛ jɛ Nineve ajwamãŋbɔɔ. Ehe yɛ fɛo bɔ ni ekɛ ehe fɛo duɔ maji kɛ gbɔmɛi ni ekɛyeɔ amɛ nyɔŋ.

Bɔfoi 8:11

Ni akɛni ejɛ jeeŋmɔ beebe ekɛ ekunyaayeli lɛ ehã amɛnaa ekpɛ amɛhe hewɔ lɛ, amɛboɔ lɛ toi.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 17:2

Shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni ejwamaŋbɔɔ dãa lɛ hã mɛi ni yɔɔ shikpɔŋ lɛ nɔ lɛ tɔrɔ dãa.”

Kpojiemɔ 17:5

Ni aŋma gbɛi ko ni ji teemɔ sane yɛ ehiɛŋtso nɔ, “Babilon kpeteŋkple lɛ, shikpɔŋ lɛ nɔ ajwamãŋi lɛ kɛ nihiinii lɛ anyɛ lɛ.”

Kpojiemɔ 18:22

Ni anuŋ saŋkutswalɔi kɛ lalatsɛmɛi kɛ blɛkpãlɔi kɛ tɛtɛrɛmantɛrɛkpãlɔi lɛ agbee kwraa dɔŋŋ yɛ omli, ni anaŋ ŋaalɔ ko ŋaalɔ ko ni le ŋaa ko kwraa dɔŋŋ yɛ omli, ni anuŋ wiɛ gbɛɛmɔ ko hu kwraa dɔŋŋ yɛ omli.

Kpojiemɔ 18:3

Ejaakɛ ehã jeŋmaji lɛ fɛɛ enu ejwamaŋbɔɔ dãa ni naa wa lɛ eko, ni shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni shikpɔŋ lɛ nɔ jarayelɔi lɛ tsɔ̃mɔ niiatsɛmɛi yɛ enyɛnyɛŋtswibɔɔ lɛ hewalɛ naa.”

Kpojiemɔ 18:9

Ni shikpɔŋ lɛ nɔ maŋtsɛmɛi ni kɛ lɛ bɔ ajwamãŋ ni amɛkɛ lɛ bɔ nyɛnyɛŋtswi lɛ aaafo lɛ, ni amɛaawo yara yɛ hewɔ, be ni amɛaana eshãa lɛ lasu lɛ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

Kpojiemɔ 6:15

Ni shikpɔŋ lɛ nɔ maŋtsɛmɛi lɛ kɛ mɛi ni ji lumɛi lɛ kɛ asafoiatsɛmɛi lɛ kɛ niiatsɛmɛi lɛ kɛ hewalɔi lɛ kɛ nyɔji fɛɛ kɛ mɛi krokomɛi fɛɛ yateetee amɛhe yɛ bui amli kɛ gɔji atɛsai amli,

Kpojiemɔ 9:21

Ni asaŋ amɛtsakeee amɛtsui yɛ amɛgbɔmɔgbee kɛ amɛsuu kɛ amɛjwamaŋbɔɔ kɛ amɛjuu lɛ ahe.