Kpojiemɔ 18:2 - ŊMALƐ KRƆŊKRƆŊ LƐ

² ni ekɛ̃ ehe shi ebo ekɛɛ, “Egbee shi, Babilon kpeteŋkple lɛ egbee shi, ni etsɔ̃ mumɔi fɔ̃ji ashihilɛhe, kɛ mumɔi ni he tseee fɛɛ atsu kɛ loofɔlɔ fɛɛ loofɔlɔ ni he tseee ni anyaŋeɔ hu tsu.

Ṅmãle̱ Kroṅkroṅ Le̱

² ni ekẽ ehe ši ebo ke̱ gbē wulu eke: *Edſa, Babilon kpeteṅkple le̱ edſa, ni †etšṍ daimonioi ašihĩle̱he, ke̱ mumo̱i fõdši fẽ atšũ, ke̱ loflõ-fẽ-loflõ ní he tšee ní he yo̱ tãṅ hũ tšũ. *14,8. †Ies 13,21; 34.11. 13. Ier. 50.39.

Kpojiemɔ 18:2 ပူးပေါင်းရင်းမြစ်များ

Yesaia 14:23

Mibahã jɛi atsɔ̃ shadeboai ashihilɛhe kɛ kpaakpoi ashikpɔŋ. Mikɛ bolɔ baabɛɛ lɛ mashwie.” Yehowa, Taiatsɛ, kɛɛ.

Yeremia 25:30

“No hewɔ lɛ, bo Yeremia, gbaa nɛkɛ gbalɛ nɛɛ oshi gbɔmɛi nɛɛ. Okɛɛ amɛ akɛ, ‘Yehowa aaajɛ ŋwɛi ehũu, ni ebaawo egbee kɛaajɛ eshihilɛhe krɔŋkrɔŋ lɛ. Eeehũu waa ewo ewebii lɛ ni eeebolɔ tamɔ wainŋalɔi, eeehũu ewo shikpɔŋ lɛ nɔ bii fɛɛ.

Yeremia 51:37

ni Babilon baatsɔ̃ koikoi kɛ ŋaŋgbei ashihilɛhe, ni mɔ fɛɛ mɔ ni baatsɔ̃ jɛi kɛho naa baakpɛ ehe, ni ebaabo lɛ ‘gbeeakle,’ ni mɔ ko mɔ ko ehiŋ jɛi.

Yeremia 51:8

Babilon egbee shi trukaa, ni ehiɛ ekpãtã; nyɛfoa lɛ; akɛ tsofa ato epilamɔ lɛ nɔ, eko lɛ aaatsa lɛ.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Zefania 2:14

Jɛi baatsɔ̃ kooloi kui kɛ kooloi srɔtoi fɛɛ ashibuumɔhe. Akpaŋai kɛ shadeboai kɛ tsui koi lɛ amli baafee amɛshihilɛhei. Patui baabolɔ yɛ samfɛji lɛ anaa, ni kwãakwãalabitei baabolɔ yɛ shinaa kpokui lɛ anaa, ejaakɛ shĩai lɛ fɛɛ ewulewulee ewowoo mli.

Kpojiemɔ 1:15

ni enaji tamɔ ayawa kaŋkaŋ ni atsuu he yɛ flɔnɔɔ mli, ni egbee tamɔ nui babaoo gbɛɛmɔ.

Kpojiemɔ 10:3

Ni ebo kɛ gbee ni wa, tamɔ jata huuɔ; ni be ni eboɔ lɛ, nyɔŋmɔshiimɔi kpawo lɛ wo amɛgbei.

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.

Kpojiemɔ 14:15

Ni bɔfo kroko je kpo kɛjɛ Sɔlemɔtsu lɛ mli ni ebolɔ kɛ gbee ni wa ekɛɛ mɔ ni ta atatu lɛ nɔ lɛ akɛ, “Okɛ onikpamɔ kakla lɛ awo mli ni okpa nii, ejaakɛ nikpamɔ ŋmɛlɛtswaa lɛ eshɛ, ni shikpɔŋ lɛ nɔ nikpamɔnii lɛ etsu.”

Kpojiemɔ 14:8

Ni bɔfo kroko ni ji enyɔ nyiɛ klɛŋklɛŋ bɔfo lɛ sɛɛ ni ekɛɛ, “Egbee shi, Babilon maŋ kpeteŋkple lɛ egbee shi, ejaakɛ ehã jeŋmaji fɛɛ enu ejwamaŋbɔɔ ni naa wa lɛ dãa lɛ eko.”

Kpojiemɔ 16:13

Ni mina mumɔi etɛ̃ ni he tseee ni tamɔ kɔkɔdenei miije kpo kɛmiijɛ drako lɛ daaŋ kɛ kooloo lɛ daaŋ kɛ amalegbalɔ lɛ daaŋ.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 17:18

“Ni yoo lɛ ni ona lɛ ji maŋ kpeteŋkple ni yeɔ shikpɔŋ lɛ nɔ maŋtsɛmɛi lɛ anɔ lɛ.”

Kpojiemɔ 17:5

Ni aŋma gbɛi ko ni ji teemɔ sane yɛ ehiɛŋtso nɔ, “Babilon kpeteŋkple lɛ, shikpɔŋ lɛ nɔ ajwamãŋi lɛ kɛ nihiinii lɛ anyɛ lɛ.”

Kpojiemɔ 18:10

Ni amɛaakɛɛ, “Ao! Ao! Maŋ kpeteŋkple lɛ, Babilon, maŋ ni he wa lɛ! Ejaakɛ ŋmɛlɛtswaa kome mli ni okojomɔ eba nɛɛ!”

Kpojiemɔ 18:21

Ni bɔfo ko ni he wa wo tɛ ko ni tamɔ wiɛ wulu, ni eshɛ efɔ̃ ŋshɔŋ ni ekɛɛ, “Nɛkɛ aaatsi Babilon maŋ kpeteŋkple lɛ atswa shi waa, ni anaŋ lɛ kwraa dɔŋŋ.

Kpojiemɔ 5:2

Ni mina bɔfo hewalɔ ko miishiɛ kɛ gbee wulu akɛ, “Namɔ ji mɔ ni sa akɛ egbele wolo lɛ naa ni etserɛ enaasɔomɔi lɛ?”