Kpojiemɔ 18:10 - ŊMALƐ KRƆŊKRƆŊ LƐ

¹⁰ Ni amɛaakɛɛ, “Ao! Ao! Maŋ kpeteŋkple lɛ, Babilon, maŋ ni he wa lɛ! Ejaakɛ ŋmɛlɛtswaa kome mli ni okojomɔ eba nɛɛ!”

Ṅmãle̱ Kroṅkroṅ Le̱

¹⁰ ni ame̱adamo̱ se̱ fle̱ṅṅ ye̱ epĩmo̱ le̱ gbeyeišemo̱ hewo̱ ame̱akē̱: *Kpóo, kpóo, maṅ kpeteṅkple le̱, Babilon, maṅ ni he wa le̱! edšake̱ ṅmle̱tſā kome mli ni okodšomo̱ eba ne̱. *14,8. Ies. 21,9. Ier. 51,8.

Kpojiemɔ 18:10 ပူးပေါင်းရင်းမြစ်များ

Yesaia 21:9

Trukaa lɛ, naa okpɔŋɔnɔtalɔi komɛi ni miiba; amɛnyiɛ mɛi enyɔnyɔɔnyɔ!” Nuŋtsɔ lɛ here nɔ, ni ekɛɛ, “Babilon egbee shi! Hɛɛ! Egbee shi! Emãgãi lɛ fɛɛ akumɔ ashwie shi nɛɛ!”

Yesaia 47:9

Nibii enyɔ nɛɛ aaaba onɔ trukaa yɛ gbi kome nɔ. Okunyaayeli babaoo kɛ osɛbɛi babaoo lɛ ahewalɛ fɛɛ sɛɛ lɛ, aaakpakpaa obii yɛ ohe, ni oootsɔ̃ okulafo hu.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Ezekiel 32:9

“Kɛji mikpãtã ohiɛ yɛ majimaji lɛ ateŋ, ni mikpala bo kɛtee shikpɔji ni oleee anɔ lɛ, no baahã mɛi pii atsuii aye.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Amos 5:16

No hewɔ lɛ, nɔ ni Yehowa, Taiatsɛ, ni ji Nuŋtsɔ lɛ, kɛɔ ji akɛ, “Abaawo yara yɛ blohui fɛɛ amli, ni aaabolɔ, ‘Ao, ao!’ Kɛnyiɛ gbɛjegbɛi lɛ anɔ. Abaatsɛ okwaafoi koni amɛbaye ŋkɔmɔ, ni abaatsɛ mɛi ni le yara nɔ yaafo jogbaŋŋ hu koni amɛbafo. Abaawo yara yɛ wain trom fɛɛ wain trom mli ejaakɛ matsɔ̃ nyɛteŋ kɛho kɛgbala nyɛ toi,” Yehowa kɛɛ.

4 Mose 16:34

Bolɔmɔ ni amɛbolɔ lɛ hã Israelbii fɛɛ ni ewo shi yɛ jɛi kɛkpe lɛ jojoo foi, ni amɛ hu amɛbolɔ amɛkɛɛ, “Akakwɛ ni shikpɔŋ lɛ bamii wɔ hu.”

Kpojiemɔ 11:8

ni amɛgbohii lɛ aaajwere maŋ kpeteŋkple lɛ blohu lɛ mli, maŋ ni atsɛɔ lɛ yɛ mumɔ mli akɛ Sodom kɛ Ijipt lɛ, he ni asɛŋ amɛNuŋtsɔ lɛ yɛ lɛ.

Kpojiemɔ 14:8

Ni bɔfo kroko ni ji enyɔ nyiɛ klɛŋklɛŋ bɔfo lɛ sɛɛ ni ekɛɛ, “Egbee shi, Babilon maŋ kpeteŋkple lɛ egbee shi, ejaakɛ ehã jeŋmaji fɛɛ enu ejwamaŋbɔɔ ni naa wa lɛ dãa lɛ eko.”

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 17:12

“Ni akloŋtoi nyɔŋma lɛ ni ona lɛ, maŋtsɛmɛi nyɔŋma ni, mɛi ni maŋtsɛyeli shɛko amɛdɛŋ, shi kɛ̃lɛ amɛbaana hegbɛ amɛye maŋtsɛ ŋmɛlɛtswaa kome kɛ kooloo lɛ.

Kpojiemɔ 18:18

ni be ni amɛna eshãa lɛ lasu lɛ amɛbolɔ amɛkɛɛ, “Aso maŋ ko ehi shi pɛŋ ni da tamɔ maŋ kpeteŋkple nɛɛ?”

Kpojiemɔ 18:19

Ni amɛkɛ mlu wo amɛyiteaŋ, ni amɛkɛ yaafo kɛ ŋkɔmɔyeli bo amɛkɛɛ, “Ao! Ao! Maŋ kpeteŋkple lɛ ni emli mɛi fɛɛ ni yɔɔ lɛji yɛ ŋshɔ hiɛ lɛ tsɔ̃ eninamɔ lɛ nɔ amɛfee niiatsɛmɛi lɛ! Ejaakɛ ŋmɛlɛtswaa kome mli ni fɛɛ ebɔ lɛ nɛɛ!”

Kpojiemɔ 18:21

Ni bɔfo ko ni he wa wo tɛ ko ni tamɔ wiɛ wulu, ni eshɛ efɔ̃ ŋshɔŋ ni ekɛɛ, “Nɛkɛ aaatsi Babilon maŋ kpeteŋkple lɛ atswa shi waa, ni anaŋ lɛ kwraa dɔŋŋ.

Kpojiemɔ 18:8

No hewɔ lɛ, gbi kome nɔ ehaomɔi lɛ aaaba, gbele kɛ awerɛhoo kɛ hɔ̃mɔ, ni akɛ la aaashã lɛ butuu, ejaakɛ Nuŋtsɔ Nyɔŋmɔ lɛ ni kojoɔ lɛ he wa.”