Kpojiemɔ 17:8 - ŊMALƐ KRƆŊKRƆŊ LƐ

⁸ Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.

Ṅmãle̱ Kroṅkroṅ Le̱

⁸ Kolo le̱ ni ona le̱ *ye̱, ni †ebe̱, ni ebadše̱ bu kwo̱ṅkwo̱ṅ le̱ mli edše kpo ke̱-baho hĩekpãtãmo̱ mli; ni mei ni yo̱ šikpoṅ le̱ no̱ ni aṅmãko ame̱gbe̱ii ye̱ **wala-wolo le̱ mli ke̱-dše̱ dšeṅ šišidšē le̱ anā aakpe̱ ame̱he, ké̱ ame̱na kolo le̱ ake eye̱, ni ebe, tše eye kẽ le. *13,1. 2. †13,3. **8,5.

Kpojiemɔ 17:8 ပူးပေါင်းရင်းမြစ်များ

Lalai 69:28

Hã agbe amɛgbɛii yɛ wala wolo lɛ mli; akaŋmala amɛgbɛii ashi jalɔi anɔ nɔ.

Daniel 11:45

Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Daniel 7:11

Mitee nɔ mikwɛ ninaa lɛ, yɛ wiemɔi agboiagboi ni minuɔ aklonto bibioo lɛ wieɔ lɛ hewɔ. Mihiɛ kwɛmɔ aahu kɛyashi mina akɛ agbe kooloo ni ji ejwɛ lɛ, ni afite egbɔmɔtso lɛ, ni ashɛ lɛ afɔ̃ la lɛ mli koni eshã.

Daniel 7:26

No sɛɛ lɛ, ŋwɛi kojolɔi aaatara shi akojo lɛ, ni abaashɔ̃ nɔyeli hewalɛ lɛ yɛ edɛŋ, ni aaakpãtã ehiɛ butubutu.

Daniel 7:3

Kɛkɛ ni kooloi wuji ejwɛ ni soro amɛteŋ eko fɛɛ eko famɔ kpo kɛjɛ ŋshɔ lɛ mli.

Daniel 7:7

Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Luka 8:31

Ni amɛkpa lɛ fai akɛ ekafã amɛ ni ehã amɛyabote bu kwɔŋkwɔŋ lɛ mli.

Yohane 17:24

Ataa, mɛi ni okɛhã mi lɛ, miisumɔ akɛ he ni miyɔɔ lɛ amɛkɛ mi abahi jɛi, koni amɛna minunyam ni okɛhã mi lɛ, ejaakɛ osumɔ mi dani ato je lɛ shishi.

Bɔfoi 15:18

Nuŋtsɔ lɛ ni hã ale enɛ kɛjɛ teteete lɛ kɛɛ.

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

1 Petro 1:20

Ahala lɛ ato momosa dani ato jeŋ shishi, shi ajie lɛ kpo yɛ bei lɛ anaagbee mli yɛ nyɛhewɔ.

Kpojiemɔ 11:7

Ni kɛ amɛgbe amɛdaseyeli lɛ naa lɛ, kooloo lɛ ni jɛ bu kwɔŋkwɔŋ lɛ mli lɛ kɛ amɛ baawu ta, ni eeeye amɛnɔ kunim, ni eeegbe amɛ;

Kpojiemɔ 17:11

Ni kooloo lɛ ni be ko mli lɛ eyɛ shi amrɔ nɛɛ ebɛ lɛ, lɛ ji mɔ ni ji kpaanyɔ, ni ejɛ mɛi kpawo lɛ amli, ni eeya hiɛkpãtãmɔ mli.”

Kpojiemɔ 17:2

Shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni ejwamaŋbɔɔ dãa lɛ hã mɛi ni yɔɔ shikpɔŋ lɛ nɔ lɛ tɔrɔ dãa.”

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.