Kpojiemɔ 17:6 - ŊMALƐ KRƆŊKRƆŊ LƐ

⁶ Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.

Ṅmãle̱ Kroṅkroṅ Le̱

⁶ Ni mina yō le̱ ake̱ kroṅkroṅbii le̱ alá le̱ ke̱ Iesu he odasefoi le̱ alá le̱ ēto̱le̱ dā̃; ni beni minale̱ le̱, mināa kpe̱ mihe naakpa. 18,24.

Kpojiemɔ 17:6 ပူးပေါင်းရင်းမြစ်များ

Daniel 7:21

Mihiɛ kwɛmɔ nɔŋŋ kɛkɛ ni nɛkɛ aklonto nɛɛ fã ta ewo Nyɔŋmɔ webii krɔŋkrɔŋi lɛ, ni eye amɛnɔ kunim,

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Habakuk 1:13

Shi te aaafe tɛŋŋ ni okwɛ ni efɔŋ aya nɔ hu? Ohiŋmɛi yɛ krɔŋŋ tsɔ̃ fe bɔ ni okɛaakwɛ koni nifɔɔjianii aya nɔ. No hewɔ lɛ, mɛɛba ni ofee dioo be mli ni efɔŋfeelɔi kpãtãa mɛi ni hi fe amɛ hiɛ?

Yohane 2:10

ni ekɛɛ lɛ akɛ, “Mɔ fɛɛ mɔ lɛ, wain kpakpa ekɛbamaa shi klɛŋklɛŋ, ni kɛ mɛi lɛ etɔrɔ lɛ, no dani ekɛ nɔ ni eŋɔɔɔ lɛ baa; shi bo lɛ okɛ wain kpakpa lɛ moŋ eto kɛbashi benɛ.”

Bɔfoi 22:20

Ni be ni ashwie Stefano, ohe odaseyelɔ lɛ, lá shi lɛ, mi hu midamɔ jɛi, ni mina egbele lɛ he tsui, ni mibu mɛi ni gbe lɛ lɛ atadei lɛ ahe.’

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 13:15

Ni ahã lɛ gbɛ ni ekɛ mumɔ ahã kooloo lɛ amãgã lɛ, koni kooloo lɛ amãgã lɛ awie tete, ni ehã agbe mɛi fɛɛ ni jaaa kooloo lɛ amãgã lɛ.

Kpojiemɔ 13:7

Ni ahã lɛ hegbɛ ni ekɛ krɔŋkrɔŋbii lɛ awu ni eye amɛnɔ kunim; ni ahã lɛ hegbɛ yɛ akutso fɛɛ akutso kɛ maŋ fɛɛ maŋ kɛ maji anɔ wiemɔi fɛɛ kɛ jeŋmaŋ fɛɛ jeŋmaŋ nɔ.

Kpojiemɔ 16:6

Ejaakɛ amɛshwie krɔŋkrɔŋbii lɛ kɛ gbalɔi lɛ alá shi. Ni lá nɔŋŋ ohã amɛ ni amɛnu; esa amɛ nakai!”

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.