Kpojiemɔ 17:17 - ŊMALƐ KRƆŊKRƆŊ LƐ

¹⁷ Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”

Ṅmãle̱ Kroṅkroṅ Le̱

¹⁷ Edšake̱ Nyoṅmo̱ ke̱-wo ame̱tšuiiaṅ koni ame̱fe eyiṅtōnii le̱, ni ame̱hĩe dſēṅmo̱ kome, ni ame̱ke̱ ame̱maṅtše̱yeli le̱ ahã kolo le̱ ke̱-yaši beyino̱ ni *aagbe nii ní Nyoṅmo̱ ekē̱ le̱ anā. *10,7.

Kpojiemɔ 17:17 ပူးပေါင်းရင်းမြစ်များ

Ezra 7:27

Kɛkɛ ni Ezra kɛɛ, “Ajie Yehowa, wɔtsɛmɛi aNyɔŋmɔ lɛ, yi akɛ ekɛ nɛkɛ nɔ ko wo maŋtsɛ lɛ yiŋ akɛ ewula Yehowa we ni yɔɔ Yerusalɛm lɛ.

Lalai 105:25

Yehowa hã Ijiptbii lɛ nyɛ Yakob webii lɛ, ni amɛkɛ amɛ ye ŋaa mli.

Abe̱i 19:21

Yiŋtoi pii yɛ gbɔmɔ jwɛŋmɔŋ; shi nɔ ni Yehowa eto lɛ, no baa mli obɔ̃.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yeremia 32:40

Mikɛ amɛ baakpãŋ naanɔ kpãŋmɔ akɛ, mikpãŋ amɛ ejurɔfeemɔ dɔŋŋ. Mikɛ mihe gbeyeishemɔ baawo amɛmli koni amɛkaje misɛɛ dɔŋŋ.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Luka 22:22

ni Gbɔmɔ Bi lɛ miiya, tamɔ bɔ ni akpɛ mli ato lɛ moŋ; shi kpoo hã mɔ ni tsɔ̃ɔ esɛɛgbɛ lɛ!”

Luka 22:3

Shi Satan yabote Yuda mɔ ni atsɛɔ lɛ Iskariot ni ji mɛi nyɔŋma kɛ enyɔ lɛ ateŋ mɔ kome lɛ mli.

Luka 22:37

Ejaakɛ miikɛɛ nyɛ akɛ nɔ ni aŋma nɛɛ hu, ja eba mli yɛ mihe, akɛ, ‘Ni abu lɛ ashi mlatɔlɔi anɔ’; ejaakɛ nibii ni aŋmala yɛ mihe lɛ miiba mli.”

Yohane 10:35

Kɛji mɛi aŋɔɔ ni Nyɔŋmɔ wiemɔ lɛ ba lɛ tete lɛ etsɛ amɛ nyɔŋmɔi, ni anyɛŋ ŋmalɛ lɛ mli aku lɛ,

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Yohane 13:2

Ni be ni amɛyeɔ nii lɛ, belɛ abonsam kɛwo Yuda Iskariot, Simon bi lɛ, tsui mli momo, akɛ etsɔ̃ɔ esɛɛgbɛ —

Yohane 19:24

No hewɔ lɛ, amɛkɛɛkɛɛ amɛhe akɛ, “Nyɛkahãa wɔgbalaa no, shi nyɛhãa wɔfɔ̃a nɔ oshiki ni wɔna mɔ nɔ ni aaatsɔ̃.” Koni ŋmalɛ ni kɛɛ akɛ, “Amɛja mitadei lɛ amli amɛhã amɛhe, ni mihebo lɛ amɛfɔ̃ nɔ oshiki lɛ aba mli. Enɛ ji nɔ ni asraafoi lɛ fee lɛ.”

Yohane 19:28

Enɛ sɛɛ lɛ, akɛni Yesu le akɛ agbe nii fɛɛ naa momo lɛ, bɔ ni afee ni ŋmalɛ lɛ aba mli lɛ, ekɛɛ, “Kumai miiye mi.”

2 Korintobii 8:16

Shi shidaa ahã Nyɔŋmɔ, mɔ ni kɛ nyɛhedɔɔ nɛɛ wo Tito tsui mli lɛ;

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 17:13

Amɛhiɛ jwɛŋmɔ kome, ni amɛkɛ amɛhewalɛ kɛ amɛhegbɛ lɛ hãa kooloo lɛ.

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 6:11

Ni akɛ atade yɛŋ hã amɛteŋ mɔ fɛɛ mɔ, ni akɛɛ amɛ akɛ amɛjɔɔ amɛhe be fioo ko lolo, kɛyashi beyinɔ ni amɛnanemɛi tsuji lɛ kɛ amɛnyɛmimɛi lɛ hu ni abaagbe amɛ tamɔ bɔ ni agbe amɛ diɛŋtsɛ hu lɛ ayikulɛ lɛ aaashɛ.