Kpojiemɔ 17:14 - ŊMALƐ KRƆŊKRƆŊ LƐ

¹⁴ Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Ṅmãle̱ Kroṅkroṅ Le̱

¹⁴ Mene̱mei ke̱ tōbi le̱ bawu, ni tōbi le̱ baye ame̱no̱ kũnim, edšake̱ le̱ dši *nuṅtšo̱mei anuṅtšo̱ ke̱ maṅtše̱mei amaṅtše̱, ni mei ní ke̱le̱ yo̱ le̱ dši †mei ní atšé̱ ke̱ mei ní ahala ke̱ mei ní heo̱ yeo̱ le̱. *19,16. †19,14.

Kpojiemɔ 17:14 ပူးပေါင်းရင်းမြစ်များ

Lalai 110:5

Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

Yeremia 1:15

Ejaakɛ naa, miitsɛ kooyigbɛ shikpɔŋ lɛ nɔ maji srɔtoi lɛ anɔ bii koni amɛba, ni amɛteŋ mɔ fɛɛ mɔ kɛ emaŋtsɛ sɛi aaama Yerusalɛm agboi lɛ anaa kɛ egbogboi lɛ ahe kɛkpe. Amɛbaatua Yuda maji wuji lɛ fɛɛ hu.

Yeremia 1:19

Amɛbaate shi amɛwo bo, shi amɛyeŋ onɔ kunim, ejaakɛ mikɛ bo yɛ koni mahere bo. Mi, Yehowa, mikɛɛ.”

Yeremia 50:44

“Naa, mafã tamɔ jata ni ejɛ Yordan Faa lɛ he koo hayii lɛ mli ni ebatua kooloi yɛ jwɛifɔ ŋa nɔ, ni mahã amɛjo foi trukaa kɛje jɛi; ni mi diɛŋtsɛ mafã mɔ ko koni eye maŋ lɛ nɔ. Ejaakɛ namɔ tamɔ mi? Namɔ baanyɛ mi ekɛfu daa? Namɔ baanyɛ mi mihiɛ edamɔ?

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 7:21

Mihiɛ kwɛmɔ nɔŋŋ kɛkɛ ni nɛkɛ aklonto nɛɛ fã ta ewo Nyɔŋmɔ webii krɔŋkrɔŋi lɛ, ni eye amɛnɔ kunim,

Zakaria 2:8

Bɔ ni Yehowa Taiatsɛ lɛ kɛɛ nɛ, “Enunyam lɛ sɛɛ lɛ etsu mi kɛtee maji ni hahaa nyɛnii lɛ aŋɔɔ; ejaakɛ kɛji mɔ ko ta nyɛhe lɛ eta mi diɛŋtsɛ mihiŋmɛiŋ ajaŋmalaatɛ he.

Mateo 22:14

Ejaakɛ atsɛ mɛi pii moŋ; shi mɛi fioo ahala.”

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Romabii 1:6

Jeŋmaji nɛɛ ateŋ nyɛ Romabii hu nyɛyɔɔ. Nyɛ mɛi ni atsɛ akɛ nyɛbafee Yesu Kristo mɛi lɛ.

Romabii 8:30

Shi mɛi ni ejie eto lɛ, amɛ nɔŋŋ etsɛ; ni mɛi ni etsɛ lɛ, amɛ nɔŋŋ bem ebu; ni mɛi ni ebu amɛ bem lɛ, amɛ nɔŋŋ amɛhiɛ nyam ewo.

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

1 Korintobii 15:24

no sɛɛ dani naagbee lɛ baaba, be ni ekɛ maŋtsɛyeli lɛ aaahã Nyɔŋmɔ, Tsɛ lɛ, ni eeefo nɔyeli fɛɛ kɛ hegbɛ fɛɛ kɛ hewalɛ fɛɛ sɛɛ lɛ.

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

1 Timoteo 6:15

nɔ ni nɔyelɔ kome ni yɔɔ hewalɛ ni ajɔɔ lɛ, maŋtsɛmɛi aMaŋtsɛ kɛ nuŋtsɔmɛi aNuŋtsɔ lɛ baahã aba mli yɛ lɛ diɛŋtsɛ ebe ni sa mli lɛ.

2 Timoteo 2:4

Mɔ ko enyiɛɛɛ ta gbɛ ni ekɛ ehe wo shĩa saji amli, koni esa mɔ ni fã lɛ kɛtee ta lɛ lɛŋ lɛ hiɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 11:7

Ni kɛ amɛgbe amɛdaseyeli lɛ naa lɛ, kooloo lɛ ni jɛ bu kwɔŋkwɔŋ lɛ mli lɛ kɛ amɛ baawu ta, ni eeeye amɛnɔ kunim, ni eeegbe amɛ;

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.