Kpojiemɔ 16:4 - ŊMALƐ KRƆŊKRƆŊ LƐ

⁴ Ni bɔfo ni ji etɛ̃ lɛ fɔse etɔ lɛ mli nii lɛ ewo fai kɛ nuhiŋmɛii lɛ amli, ni nu lɛ tsɔ̃ lá.

Ṅmãle̱ Kroṅkroṅ Le̱

⁴ Ni bo̱fo ní dši etẽ le̱ fo̱se eto̱ le̱ mli nii le̱ ewo fāi ke̱ nubui le̱ amli; ni nu le̱ *tšṍ lá. *2 Mose 7,19-24.

Kpojiemɔ 16:4 ပူးပေါင်းရင်းမြစ်များ

Lalai 78:44

Ehã amɛfai lɛ tsɔ̃mɔ lá ni no hewɔ lɛ, amɛnyɛɛɛ fai lɛ amli nu amɛnu.

2 Mose 8:5

Ni Yehowa kɛɛ Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ fai kɛ nujɔi ni agbala kɛ nu ni buabua shi lɛ anɔ, ni ohã kɔkɔdenei atumɔ kɛba Ijipt shikpɔŋ lɛ nɔ.’ ”

Yesaia 50:2

“Mɛɛba miba, ni mɔ ko mɔ ko bɛ? Mɛɛba mibo mitsɛ, ni mɔ ko mɔ ko hereee mi nɔ lɛ? Ani minine efo kuku bɔ ni minyɛɛɛ mɔ yiwala mahere? Aloo mibɛ hewalɛ ni mikɛaakpɔ̃ mɔ? Naa, mifãa, ni ŋshɔ miiɔ. Mihãa fai gbiɔ ni amɛtsɔmɔɔ tamɔ shiaŋa, ni amɛmli loi gboiɔ ni amɛshaa, ejaakɛ amɛnaaa nu.

Ezekiel 35:8

Maha ogɔji lɛ anɔ ayimɔ obɔ̃bɔ̃ kɛ gbohii, ni mɛi ni enyɔnyɔɔ yɛ klante naa lɛ agbohii aaayimɔ ogɔŋkpɔi lɛ anɔ kɛ ojɔi kɛ onujɔi lɛ amli.

Hosea 13:15

Israel aaafrɔke tamɔ ŋɔi, shi bokã kɔɔyɔɔ ni mli edɔ la lɛ, ni ji Yehowa kɔɔyɔɔ lɛ, baafã kɛjɛ ŋa lɛ nɔ kɛba; ebaŋala amɛnuhiŋmɛii kɛ nubui fɛɛ amli nu; asaŋ eeekpãtã amɛnɔ fɛɛ nɔ ni yɔɔ jara hiɛ.

Kpojiemɔ 11:6

Mɛnɛɛmɛi yɛ hegbɛ akɛ amɛŋaa ŋwɛi naa, koni nu akanɛ yɛ amɛgbalɛ bei lɛ amli; ni amɛyɛ hegbɛ hu yɛ nui lɛ anɔ akɛ amɛhãa etsɔ̃ɔ lá, ni amɛkɛ haomɔ fɛɛ haomɔ haoɔ shikpɔŋ lɛ shii abɔ ni amɛsumɔɔ.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 16:5

Ni minu nui lɛ anɔ bɔfo lɛ miikɛɛ, “Jalɔ ji bo, bo ni oyɔɔ, ni oyɛ, ni oji Mɔ krɔŋkrɔŋ lɛ, akɛni okojo nɛkɛ nɛɛ.