Kpojiemɔ 16:21 - ŊMALƐ KRƆŊKRƆŊ LƐ

²¹ Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.

Ṅmãle̱ Kroṅkroṅ Le̱

²¹ Ni nyoṅmo̱ṅte̱i babaō ni ame̱tšīmo̱ *tamo̱ talenta dšo̱ ṅwei baſie gbomei ano̱; ni gbomei le̱ wie †musubō̱-wiemo̱i ame̱ši Nyoṅmo̱ ye̱ nyoṅmo̱ṅte̱i le̱ ahaomo̱ le̱ hewo̱, edšake̱ ame̱haomo̱ le̱ da tšṍ. *2 Mose 9,23. †K. 9.

Kpojiemɔ 16:21 ပူးပေါင်းရင်းမြစ်များ

Hiob 38:22

Obote tsui ni mito snoo yɛ mli, lɛ mli pɛŋ loo ona tsui ni mito nyɔŋmɔŋtɛi yɛ mli,

Hiob 38:23

ni ji nii ni mito mihã amanehulu be loo nɔmɔ kɛ ta be lɛ?

2 Mose 9:18

Naa, wɔ aaafee benɛ mli lɛ mahã nyɔŋmɔŋtɛi ni naa wa naakpa diɛŋtsɛ anɛ bɔ ni anako ehenɔ dã yɛ Ijipt kɛjɛ ni ato maŋ lɛ nɛɛ kɛbashi ŋmɛnɛ.

2 Mose 9:22

Kɛkɛ ni Yehowa kɛɛ Mose akɛ, “Kpã onine mli kɛya ŋwɛi koni nyɔŋmɔŋtɛi anɛ ashwie gbɔmɛi kɛ kooloi kɛ ŋa nɔ bai fɛɛ nɔ yɛ Ijipt shikpɔŋ lɛ nɔ fɛɛ.”

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 8:21

Amɛaakpa shikpɔŋ lɛ nɔ kɛ hejaramɔ kɛ hɔmɔ ni naa wa, ni amɛbaalomɔ amɛmaŋtsɛ lɛ kɛ amɛNyɔŋmɔ lɛ. Amɛaawo amɛhiɛ nɔ amɛkwɛ ŋwɛi,

Ezekiel 13:11

Kɛɛmɔ mɛi ni kɛ kaaloo shaa gbogbo lɛ he lɛ akɛ ebaagbee shi. Nu baanɛ waa, nyɔŋmɔŋtɛi wuji baanɛ, ni ahum baatswa,

Ezekiel 13:13

“No hewɔ lɛ, bɔ ni Nuŋtsɔ Yehowa kɛɔ nɛ, mikɛ mlifu aaahã ahum atswa, ni mikɛ mlila aaahã nu anɛ waa, ni mahã nyɔŋmɔŋtɛi wuji aaanɛ kɛkpãtã nii ahiɛ.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 16:11

Ni amɛwie musubɔɔ wiemɔi amɛshi ŋwɛi Nyɔŋmɔ lɛ yɛ nɔnai lɛ kɛ amɛfaji lɛ ahewɔ, ni amɛtsakeee amɛtsui yɛ amɛnitsumɔi fɔ̃ji lɛ ahe.

Kpojiemɔ 16:9

Ni la dɔlɛ ni naa wa lɛ shã gbɔmɛi, ni amɛwie musubɔɔ wiemɔi amɛshi Nyɔŋmɔ ni yɔɔ hewalɛ yɛ nɛkɛ haomɔi nɛɛ anɔ lɛ gbɛi lɛ, ni amɛtsakeee amɛtsui ni amɛwo ehiɛ nyam.

Kpojiemɔ 8:7

Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.