Kpojiemɔ 16:2 - ŊMALƐ KRƆŊKRƆŊ LƐ

² Ni klɛŋklɛŋ bɔfo lɛ yi mli etee, ni eyafɔse etɔ lɛ mli nii lɛ eshwie shikpɔŋ lɛ nɔ; ni mɛi ni kooloo lɛ okadi yɔɔ amɛhe lɛ kɛ mɛi ni jaa emãgã lɛ famɔ faji fɔ̃ji ni waa mɔ he.

Ṅmãle̱ Kroṅkroṅ Le̱

² Ni kleṅkleṅmo le̱ yiṅ ete, ni eyafo̱se eto̱ le̱ mli nii le̱ eſie šikpoṅ le̱ no̱; ni mei ní kolo le̱ okadi yo̱ ame̱he le̱ ke̱ mei ní dšáa emãgã le̱ *fãmo̱ fadši fõdši ní waä mo he. *2 Mose 9,10. 11.

Kpojiemɔ 16:2 ပူးပေါင်းရင်းမြစ်များ

2 Kronika 21:15

Bo diɛŋtsɛ lɛ musuŋ hela kpakpataa ko baamɔ bo, ni hela nɛɛ mli baawo wu daa gbi kɛyashi omlinii baatue.’ ”

2 Kronika 21:18

Shi enɛɛmɛi fɛɛ asɛɛ lɛ, Yehowa kɛ musuŋ hela ni ehiii tsamɔ piŋ Yehoram,

Lalai 78:26

Ehã bokã kɔɔyɔɔ tswa yɛ ŋwɛi, ehã wuoyigbɛ kɔɔyɔɔ lɛ tswa yɛ ehewalɛ naa.

Yesaia 3:17

Enɛ hewɔ lɛ, mi Yehowa, mibahã gbɛ̃i ashwie Yerusalɛm biyei ayiteiaŋ, ni ebaahã amɛyitsei ahe akpekpei, ni mi Yehowa, mahã amɛnyiɛ yayai.”

Yesaia 3:24

Amɛjeŋmai lɛ baatsɔ̃ nɔ ko ni jeɔ fu, amɛkɛ taŋkpee baafi amɛmli yɛ mlifiinii najiaŋ, ni yiteŋ ni ekpe aaabaye yi ni ahɔ najiaŋ, ni kpekpe aaabaye atade wuyaa najiaŋ, ni amɛhe fɛo lɛ baatsɔ̃ hiɛgbele nɔ.

Bɔfoi 12:23

Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

5 Mose 28:27

Yehowa aaahã asanei ni ye Ijiptbii lɛ eko kɛ fala kɛ abuasha kɛ kpla ni ehiii tsamɔ aye bo.

5 Mose 28:35

Yehowa aaahã asanei ni anaa jaraa ni ehiii tsamɔ atsɛ̃rɛ onakutsei anaa kɛ oshuɔji ahe; ebaatsɛ̃rɛ kɛjɛ oyiteŋ aahu kɛyashi onaneshi.

5 Mose 7:15

Ni Yehowa baajie helai fɛɛ kɛje nyɛteŋ; ehaŋ Ijipt helai fɔ̃ji lɛ eko kwraa aye nyɛ; shi moŋ ebaahã helai nɛɛ aye nyɛhenyɛlɔi lɛ fɛɛ.

Kpojiemɔ 13:12

Ni etsuɔ klɛŋklɛŋ kooloo lɛ hegbɛ lɛ fɛɛ he nii yɛ ehiɛ, ni ehãa shikpɔŋ lɛ kɛ mɛi ni yɔɔ enɔ lɛ jaa klɛŋklɛŋ kooloo lɛ ni atsa egbele pilamɔ lɛ.

Kpojiemɔ 14:16

Ni mɔ ni ta atatu lɛ nɔ lɛ shɛ enikpamɔ kakla lɛ efɔ̃ shikpɔŋ lɛ nɔ, ni akpa shikpɔŋ lɛ nɔ nii lɛ.

Kpojiemɔ 14:9

Ni bɔfo kroko ni ji etɛ̃ nyiɛ amɛsɛɛ, ni ekɛ gbee wulu kɛɛ, “Kɛji mɔ ko ja kooloo lɛ kɛ emãgã lɛ, ni ehe ekadi lɛ yɛ ehiɛŋtso nɔ loo enine nɔ lɛ,

Kpojiemɔ 16:1

Ni minu gbee ni wa ni jɛ Sɔlemɔtsu lɛ mli miikɛɛ bɔfoi kpawo lɛ akɛ, “Nyɛyaa ni nyɛyafɔsea Nyɔŋmɔ mlifu tɔi kpawo lɛ nyɛshwiea shikpɔŋ lɛ nɔ.”

Kpojiemɔ 16:11

Ni amɛwie musubɔɔ wiemɔi amɛshi ŋwɛi Nyɔŋmɔ lɛ yɛ nɔnai lɛ kɛ amɛfaji lɛ ahewɔ, ni amɛtsakeee amɛtsui yɛ amɛnitsumɔi fɔ̃ji lɛ ahe.

Kpojiemɔ 8:7

Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.

1 Samuel 5:6

Yehowa piŋ Ashdodbii lɛ waa diɛŋtsɛ. Ehã abua fuufuu amɛ, ni gbeyei mɔmɔ amɛ yɛ Ashdod maŋ lɛ mli diɛŋtsɛ, kɛ ekpokpai anɔ fɛɛ.

1 Samuel 5:9

Be ni akɛ Kpãŋmɔ Adeka lɛ eyashɛ Gat sɛɛ lɛ, Yehowa kɛ abua piŋ maŋ lɛ mli mɛi bibii kɛ mɛi wuji fɛɛ, ni ekɛgbala Gatbii atoi, ni enɛ hã amɛ jijaa.