Kpojiemɔ 16:18 - ŊMALƐ KRƆŊKRƆŊ LƐ

¹⁸ Ni srawai gbala kɛ gbɛɛmɔ, ni nyɔŋmɔ shimɔ, ni shikpɔŋ hoso waa diɛŋtsɛ; nɛkɛ shikpɔŋ hosomɔ gbeyeigbeyei nɛɛ, asonɔkwa, anako eko dã kɛjɛ beyinɔ ni abɔ gbɔmɔ adesa kɛba shikpɔŋ lɛ nɔ nɛɛ.

Ṅmãle̱ Kroṅkroṅ Le̱

¹⁸ Ni *srawai ke̱ gbẽi ke̱ nyoṅmo̱-šimo̱i ba, ni šikpoṅ hoso wā, bo̱ni ke̱-dše̱ beyino̱ ní gbomei yo̱ šikpoṅ le̱ no̱ ne̱ anako nakai šikpoṅhosomo̱ kpeteṅkple kome ní tamo̱ nõ dã. *4,5; 8,5; 11,19.

Kpojiemɔ 16:18 ပူးပေါင်းရင်းမြစ်များ

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Daniel 12:1

Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Mateo 24:21

Ejaakɛ nakai be lɛ mli lɛ amanehulu kpele aaaba ni anako enɔ dã kɛjɛ je lɛ shishijee mli kɛbashi ŋmɛnɛ, ni asaŋ anaŋ enɔ gbi ko gbi ko dɔŋŋ.

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.