Kpojiemɔ 16:15 - ŊMALƐ KRƆŊKRƆŊ LƐ

¹⁵ “Naa, miiba tamɔ julɔ. Ajɔɔ mɔ ni saraa ni ekwɛɔ etadei lɛ anɔ lɛ, koni ekanyiɛ yayai ni ana ehiɛgbele lɛ.”

Ṅmãle̱ Kroṅkroṅ Le̱

¹⁵ Na, *mība take̱ dšulo̱. Adšō̱ moni sraã ni etoo̱ etadei le̱, koni ekanyie †yayai ní ana ehĩegbĕle le. *1 Tes. 5,2. †8,18.

Kpojiemɔ 16:15 ပူးပေါင်းရင်းမြစ်များ

2 Mose 32:25

Be ni Mose na akɛ maŋ lɛ efee yuuyaa (ejaakɛ Aaron ehã amɛfee yuuyaa, ni amɛbɔ amɛhe ahora amɛtsɔ̃ɔ amɛhenyɛlɔi) lɛ,

Yesaia 47:3

Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Ezekiel 16:37

Enɛ hewɔ lɛ, naa, mabua osuɔlɔi ni okɛ amɛ ye ŋɔɔmɔ lɛ anaa, mɛi ni osumɔɔ kɛ mɛi ni osumɔɔɔ hu fɛɛ naa kɛkpe. Mabua amɛnaa kɛjɛ hei fɛɛ ni amɛyɔɔ mawo bo, ni majie oyayaiaŋ matsɔɔ amɛ, koni amɛna oyayaiaŋ fɛɛ.

Hosea 2:3

Kɛjeee nakai lɛ maŋmɛ lɛ yayai tamɔ gbi ni afɔ lɛ lɛ; mahã etsɔ̃ tamɔ ŋa nɔ shikpɔŋ ni nɔ egbi, ni mikɛ kumai baagbe lɛ.

Habakuk 2:15

Kpoo hã bo mɔ ni ojɛɔ mlifu mli ohãa onaanyo dãa enuɔ, ni etɔɔ, bɔ ni afee ni okwɛ eyayaiaŋ.

Mateo 25:13

No hewɔ lɛ, nyɛsaraa, ejaakɛ nyɛleee gbi lɛ loo ŋmɛlɛtswaa lɛ.”

Mateo 26:41

Nyɛshia kpe ni nyɛsɔlea, koni nyɛkabote kaa mli; mumɔ lɛ miikpɛ̃lɛ̃ moŋ, shi heloo lɛ egbede.”

Marko 14:38

Nyɛshia kpe ni nyɛsɔlea koni nyɛkabote kaa mli. Mumɔ lɛ miikpɛlɛ moŋ, shi heloo lɛ he waaa.”

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Bɔfoi 20:31

No hewɔ lɛ, nyɛsaraa, ni nyɛkaia akɛ afii etɛ̃ sɔŋŋ mikɛ yaafonui efɔ̃ɔɔ nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane lɛ.

2 Korintobii 5:3

ni kɛ akɛwo wɔ nɛkɛ lɛ, no lɛ anaŋ wɔ akɛ mɛi ni nyiɛ yayai.

1 Tesalonikabii 5:4

Shi, anyɛmimɛi, nyɛ lɛ nyɛbɛ duŋ mli ni Gbi lɛ aaabati nyɛ shi tamɔ julɔ.

1 Tesalonikabii 5:6

Belɛ no hewɔ lɛ, nyɛkahãa wɔwɔa tamɔ mɛi ni eshwɛ lɛ, shi moŋ nyɛhãa wɔshia kpe ni wɔhiɛ akãa shi.

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

Kpojiemɔ 22:7

“Naa, miiba nɔŋŋ. Ajɔɔ mɔ ni yeɔ nɛkɛ wolo nɛɛ mli gbalɛ wiemɔi lɛ anɔ lɛ.”

Kpojiemɔ 3:11

Naa, miiba nɔŋŋ; hiɛmɔ nɔ ni oyɔɔ lɛ mli ni awa, koni mɔ ko akashɔ̃ okekre lɛ!

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.