Kpojiemɔ 16:14 - ŊMALƐ KRƆŊKRƆŊ LƐ

¹⁴ Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Ṅmãle̱ Kroṅkroṅ Le̱

¹⁴ edšake̱ daimonioi amumo̱i dšiame̱, ni *ame̱feo̱ okadii, ni ame̱yaä maṅtše̱mei ní yo̱ dšeṅ mū le̱ fẽ le̱ aṅõ, koni ame̱yabua ame̱nā †ke̱-ya Nyoṅmo̱ Ofe le̱ gbĩ wulu le̱ no̱ ta le̱. *13.13. †19,19.

Kpojiemɔ 16:14 ပူးပေါင်းရင်းမြစ်များ

1 Maŋtsɛmɛi 22:6

No hewɔ lɛ, Israel Maŋtsɛ Ahab bua gbalɔi lɛ anaa kɛkpe, amɛyi aaafee ohai ejwɛ, ni ebi amɛ akɛ, “Miya miyatua Ramot-Gilead lo, aloo mikaya?” Gbalɔi lɛ to he akɛ, “Yaa, ni Yehowa baatu maŋ lɛ ewo odɛ̃ŋ.”

Ezekiel 14:9

“Ni kɛji nɔ ko aaalaka gbalɔ lɛ ni ewie wiemɔ ko lɛ, belɛ mi, Yehowa, mi ji mɔ ni laka nakai gbalɔ lɛ, ni mikɛ lɛ aaaye; makpãtã ehiɛ kɛaaje mimaŋ Israelbii lɛ ateŋ.

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Marko 13:22

ejaakɛ amale kristoi kɛ amale gbalɔi aaate shi ni amɛaafee okadii kɛ naakpɛɛnii koni kɛ aaaho lɛ, amɛlaka mɛi ni ahala lɛ tete.

Luka 2:1

Nakai bei lɛ amli lɛ akpɔ ko jɛ Kaisare Augusto ŋɔɔ ba, akɛ akane jeŋ fɛɛ ni aŋma.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Romabii 1:8

Klɛŋklɛŋ lɛ, miitsɔ̃ Yesu Kristo nɔ miida miNyɔŋmɔ lɛ shi yɛ nyɛ fɛɛ nyɛhewɔ, akɛ agbaa nyɛhemɔkɛyeli lɛ he sane yɛ je lɛ mli fɛɛ.

2 Tesalonikabii 2:9

Mlakwalɔ nɛɛ, Satan nitsumɔ nɔ ebaatsɔ̃ kɛba kɛ amale hewalɛ kɛ amale okadii kɛ amale naakpɛɛnii,

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

Yakobo 3:15

Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ ni, heloo naa nɔ ni, mumɔi fɔ̃ji anɔ ni.

Yoshua 11:5

Maŋtsɛmɛi nɛɛ fɛɛ anaa bakpe shi yɛ Merom Faa lɛ naa koni amɛ kɛ Israelbii lɛ abawu.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:3

Ni mina eyitsei lɛ ateŋ ekome tamɔ nɔ ni epila gbele pilamɔ, ni atsa egbele pilamɔ lɛ, ni shikpɔŋ muu lɛ fɛɛ nyiɛ kooloo lɛ sɛɛ ni amɛnaa ekpɛ amɛhe,

Kpojiemɔ 16:16

Ni mumɔi lɛ bua maŋtsɛmɛi lɛ anaa kɛtee he ko ni atsɛɔ jɛi yɛ Hebri wiemɔ mli akɛ Harmagedon lɛ.

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 20:8

ni ebaaje kpo ni eyashishiu jeŋmaji lɛ ni yɔɔ shikpɔŋ koji ejwɛ lɛ, Gog kɛ Magog, koni ebua amɛnaa kɛkpe ni amɛya ta. Amɛyifalɛ tamɔ ŋshɔ naa shia.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.

Kpojiemɔ 6:17

Ejaakɛ emlifu gbi wulu lɛ eshɛ, ni namɔ aaanyɛ shi adamɔ?”