Kpojiemɔ 15:4 - ŊMALƐ KRƆŊKRƆŊ LƐ

⁴ Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Ṅmãle̱ Kroṅkroṅ Le̱

⁴ Namo po šeṅo gbeyei, Nuṅtšo̱, ni ewoṅ ogbe̱i le̱ hĩe nyam? Edšake̱ bo okometō dši mokroṅkroṅ; edšake̱ dšeṅmãdši le̱ fẽ *aaba ni ame̱badšá ye̱ ohĩe, edšake adšie odšalenii le ašĩ faṅṅ. *Lal. 86,9.

Kpojiemɔ 15:4 ပူးပေါင်းရင်းမြစ်များ

Lalai 105:7

Lɛ ji Yehowa wɔNyɔŋmɔ lɛ, emlai lɛ yɛ hã jeŋ muu fɛɛ.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 22:23

Nyɛ Yehowa gbeyeishelɔi, nyɛjiea Yehowa yi. Nyɛ Yakob shwiei fɛɛ, nyɛwoa ehiɛ nyam; ni nyɛ Israel shwiei bluublu, nyɛkɛ woo ahãa lɛ.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 22:3

Shi kɛ̃lɛ, mɔ Krɔŋkrɔŋ ji bo; mɔ koome pɛ yi ni Israel jieɔ kɛ lalai lɛ.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Lalai 97:8

Oo Yehowa, Zion nu he, ni emii shɛ ehe; ni Yuda maji lɛ amli fili amɛ, yɛ okojomɔi lɛ ahewɔ.

Lalai 99:5

Nyɛkafoa Yehowa, wɔNyɔŋmɔ lɛ; nyɛjaa yɛ enaneshi maaŋoo lɛ hiɛ! Ehe tse krɔŋkrɔŋ.

Lalai 99:9

Nyɛkafoa Yehowa, wɔNyɔŋmɔ lɛ! Nyɛjaa yɛ egɔŋ krɔŋkrɔŋ lɛ nɔ, ejaakɛ Yehowa, wɔNyɔŋmɔ lɛ, ehe tse krɔŋkrɔŋ.

Yesaia 24:15

No hewɔ lɛ, nyɛwoa Yehowa hiɛ nyam yɛ bokãgbɛ. Ŋshɔnaa maji, nyɛwoa Yehowa, Israel Nyɔŋmɔ lɛ, gbɛi lɛ hiɛ nyam.

Yesaia 25:3

No hewɔ lɛ, maŋ ko ni he wa baawo ohiɛ nyam; ni yiwalɔi amaji lɛ baashe bo gbeyei.

Yesaia 26:9

Nyɔɔŋ lɛ, misusuma shweɔ bo, mimumɔ ni yɔɔ mimli taoɔ bo kɛ hiɛdɔɔ. Ejaakɛ ojalɛ saneyeli yɛ shikpɔŋ lɛ nɔ, je lɛ mli bii kɛkaseɔ jalɛ nifeemɔ.

Yesaia 45:23

Mikɛ mi diɛŋtsɛ migbɛi ekã mihe kitã: Jalɛ wiemɔ ko eje minaa, ni ekuŋ esɛɛ efolo. Nakutso fɛɛ nakutso aaakũla mi, ni lilɛi fɛɛ lilɛi aaakã kitã akɛɛ akɛ,

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yesaia 60:5

Nakai be lɛ ohiŋmɛi aaana; ooona miishɛɛ kɛteke nɔ, ni otsui aaatɔ, ni ooonya. Ejaakɛ akɛ jeŋmaji lɛ ajwetrii aaabahã bo; akɛ amɛjwetrii lɛ aaajɛ ŋshɔsɛɛ aaabahã bo.

Yeremia 10:7

Bo majimaji fɛɛ amaŋtsɛ, namɔ po ni sheŋ bo gbeyei? Ejaakɛ bo nɔŋŋ pɛ osa woo. Majimaji lɛ anɔ nilelɔi lɛ ateŋ lɛ, kɛ amɛmaŋtsɛmɛi anɔyelihei lɛ fɛɛ lɛ mɔ ko mɔ ko bɛ ni tamɔ bo.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Habakuk 1:12

“Yehowa, kɛjɛ naanɔ beebe lɛ bo ji miNyɔŋmɔ kɛ Mɔ Krɔŋkrɔŋ Koome! Ohaŋ wɔgboi! Ao, Yehowa, okɔ Babilonbii lɛ, ni bo ohã amɛma shi shiŋŋ kɛhã wɔtoigbalamɔ.

Zakaria 14:16

Agbɛnɛ maji ni kulɛ amɛte shi amɛwo Yerusalɛm lɛ mli mɛi ni baashwɛ lɛ baaya Yerusalɛm daa afi koni amɛyaja maŋtsɛ, ni ji Yehowa, Taiatsɛ lɛ, koni amɛye Asesei Agbijurɔ lɛ hu.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Romabii 15:9

ni jeŋmaji lɛ awo Nyɔŋmɔ hiɛ nyam yɛ mɔbɔnalɛ hewɔ, tamɔ bɔ ni aŋma lɛ akɛ, “Enɛ hewɔ lɛ, majie oyi yɛ jeŋmaji ateŋ, ni matsi ogbɛi tã mala.”

1 Petro 1:16

Ejaakɛ aŋma akɛ. “Nyɛfea krɔŋkrɔŋ, ejaakɛ mɔ krɔŋkrɔŋ ji mi.”

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 16:5

Ni minu nui lɛ anɔ bɔfo lɛ miikɛɛ, “Jalɔ ji bo, bo ni oyɔɔ, ni oyɛ, ni oji Mɔ krɔŋkrɔŋ lɛ, akɛni okojo nɛkɛ nɛɛ.

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Kpojiemɔ 6:10

Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.