Kpojiemɔ 15:3 - ŊMALƐ KRƆŊKRƆŊ LƐ

³ Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Ṅmãle̱ Kroṅkroṅ Le̱

³ Ni ame̱la Nyoṅmo̱ tšũlo̱ *Mose lala le̱ ke̱ †tōbi le̱ lala le̱ ame̱kē̱: **Onitšumo̱i le̱ dăra ni ame̱ye̱ nākpe̱, Nuṅtšo̱ Nyoṅmo̱ Ofe; ogbe̱i le̱ dša ni ano̱kwa dšiame̱, bo dšeṅmãdši le̱ amaṅtše̱. *2 Mose 15,1. 11. †Kpods. 5,9. 12. **Lal. 145,17. Ier 10.6. 7.

Kpojiemɔ 15:3 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Kronika 6:49

Aaron kɛ eshwiei lɛ ji mɛi ni kɛ tsofakɛŋma kɛ afɔlei lɛ yaa afɔleshãa latɛ lɛ nɔ amɛyashãa. Amɛnitsumɔ ji jamɔ ni ajaa yɛ He Krɔŋkrɔŋ Fe Fɛɛ lɛ mli lɛ he sɔ̃ɔmɔ; asaŋ amɛkpãtãa amɛhãa maŋ lɛ koni Nyɔŋmɔ kɛ tɔ̃mɔ ni Israelbii etɔ̃ lɛ afa amɛ. Amɛtsuɔ nitsumɔi nɛɛ bɔ ni Nyɔŋmɔ tsulɔ Mose ewo he kitã lɛ pɛpɛɛpɛ.

2 Kronika 24:6

No hewɔ lɛ, Maŋtsɛ Yoash tsɛ Osɔfonukpa Yehoiada, ni ekɛɛ lɛ akɛ, “Mɛni hewɔ okwɛɛɛ koni Levibii lɛ ayatsu Yudabii lɛ kɛ Yerusalɛmbii atoo lɛ ni Mose, Yehowa tsulɔ lɛ, fo ehã Israel fɛɛ koni akɛtsu Yehowa Kpee Buu lɛ he nii lɛ?”

Nehemia 9:14

Ohejɔɔmɔ gbi krɔŋkrɔŋ lɛ, ohã amɛle, ni otsɔ̃ otsulɔ Mose nine nɔ owo amɛ kitãi kɛ akpɔi kɛ mlai.

Hiob 36:24

Kaimɔ koni okafo enifeemɔ ni adesai fɛɛ ewo he lala lɛ.

Hiob 5:9

lɛ mɔ ni efeɔ nibii wuji ni anaaa naa, kɛ naakpɛɛ nibii hu ni ehiii kanemɔ lɛ.

Lalai 100:5

Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Lalai 105:5

Oo nyɛ, etsulɔ Abraham shwiei, nyɛ Yakobbii ni ehala, nyɛkaia naakpɛɛ nitsumɔi ni etsu lɛ; kɛ kojomɔi ni ekojo lɛ.

Lalai 111:2

Yehowa nitsumɔi lɛ yɛ naakpɛɛ; ni mɛi fɛɛ ni naa he tsui lɛ kaseɔ.

Lalai 111:7

Eninenaa nitsumɔi lɛ, anɔkwale kɛ jalɛ saneyeli ni; ni ekpɔi lɛ fɛɛ lɛ anɔkwale ni.

Lalai 139:14

Miijie oyi, ejaakɛ bɔ ni obɔ mi lɛ, eyɛ naakpɛɛ kɛ gbeyei fɛɛ. Onitsumɔi lɛ yɛ naakpɛɛ; mile enɛ krɛdɛɛ.

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 145:6

Mɛi aaagba ohewalɛ nitsumɔi ni yɔɔ gbeyei lɛ, ni majaje ogbojee lɛ matsɔ̃ɔ.

Lalai 18:30

Nyɔŋmɔ nɛɛ, enifeemɔinii fɛɛ hi kɛwula shi. Yehowa yeɔ eshiwoi anɔ. Eji tsɛŋ kɛhã mɛi fɛɛ ni baa lɛ abo lɛ.

Lalai 78:12

Efee naakpɛɛnii yɛ amɛtsɛmɛi lɛ ahiɛ yɛ Ijipt shikpɔŋ lɛ nɔ, yɛ Zoan ŋa lɛ nɔ.

Lalai 92:5

Oo Yehowa, kwɛ bɔ ni onitsumɔi lɛ dara hã! Ni ojwɛŋmɔ mli kwɔ naakpa.

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Daniel 6:20

Be ni ebɛŋkɛ bu lɛ naa he ni Daniel yɔɔ lɛ, ewo egbee nɔ, ni ekɛ awerɛho gbee bo ekɛɛ akɛ, “Ao! Daniel, Nyɔŋmɔ hiɛkãalɔ lɛ tsulɔ, ani oNyɔŋmɔ lɛ ni osɔ̃mɔɔ lɛ daa lɛ enyɛ ejie bo yɛ jatai lɛ adɛŋ lo?”

Daniel 9:11

Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

5 Mose 31:30

Kɛkɛ ni Mose wie nɛkɛ lala ni baa nɛɛ mli wiemɔi lɛ fɛɛ ewo Israel asafo muu lɛ fɛɛ toiiaŋ kɛyashi egbe naa.

5 Mose 32:3

Mibajie Yehowa gbɛi yi! Nyɛwoa wɔNyɔŋmɔ lɛ hiɛ nyam!

5 Mose 34:5

Yehowa tsulɔ Mose gbo yɛ jɛi yɛ Moab shikpɔŋ lɛ nɔ yɛ Yehowa wiemɔ lɛ naa;

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

Hebribii 3:5

Ni Mose lɛ, eye anɔkwa yɛ eshĩa muu lɛ fɛɛ mli akɛ sɔ̃ɔlɔ, koni eye nii ni abaawie lɛ ahe odase.

Yoshua 22:5

Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

Kpojiemɔ 1:8

“Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 14:8

Ni bɔfo kroko ni ji enyɔ nyiɛ klɛŋklɛŋ bɔfo lɛ sɛɛ ni ekɛɛ, “Egbee shi, Babilon maŋ kpeteŋkple lɛ egbee shi, ejaakɛ ehã jeŋmaji fɛɛ enu ejwamaŋbɔɔ ni naa wa lɛ dãa lɛ eko.”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”