Kpojiemɔ 14:7 - ŊMALƐ KRƆŊKRƆŊ LƐ

⁷ Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Ṅmãle̱ Kroṅkroṅ Le̱

⁷ Nyešea Nyoṅmo̱ gbeyei ni nyeke̱ anumnyam ahãale̱, edšake̱ ekodsomo̱ ṅmle̱tſā le̱ éše̱; ni nyedsáa moni fe ṅwei ke̱ šikpoṅ ke̱ ṅšo̱ ke̱ nubui ní baä le̱.

Kpojiemɔ 14:7 ပူးပေါင်းရင်းမြစ်များ

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Lalai 115:15

Yehowa, ŋwɛi kɛ shikpɔŋ bɔlɔ lɛ aaajɔɔ nyɛ.

Lalai 124:8

Wɔyelikɛbuamɔ yɛ Yehowa, mɔ ni bɔ ŋwɛi kɛ shikpɔŋ lɛ dɛŋ.

Lalai 33:6

Yehowa wiemɔ naa abɔ ŋwɛi yɛ, ni ekɛɛmɔ naa abɔ hulu kɛ nyɔɔŋtsere kɛ ŋulamii fɛɛ yɛ.

Lalai 36:1

Efɔŋ kɛ mɔ fɔŋ wieɔ yɛ etsuiŋ tɔ̃ɔ; Nyɔŋmɔ gbeyeishemɔ kome folo nɛkɛ bɛ yiwalɔ mli.

Lalai 89:7

Nyɔŋmɔ ni asheɔ lɛ gbeyei yɛ mɛi krɔŋkrɔŋi agwabɔɔ lɛŋ, Nyɔŋmɔ kpeteŋkple ni he yɔɔ gbeyei fe mɛi fɛɛ ni bɔle lɛ kɛkpe lɛ.

Lalai 95:5

Ŋshɔ lɛ enɔ ni, ni lɛ ebɔ; ni shikpɔŋ gbiŋ lɛ hu eniji ni shɔ̃.

2 Mose 20:11

Ejaakɛ gbii ekpaa Yehowa kɛbɔ ŋwɛi kɛ shikpɔŋ kɛ ŋshɔ kɛ amɛmli nibii fɛɛ; ni gbi ni ji kpawo lɛ nɔ lɛ ejɔɔ ehe. No hewɔ ni Yehowa jɔɔ hejɔɔmɔ gbi lɛ, ni efee lɛ krɔŋkrɔŋ lɛ.

Yesaia 40:3

Gbee ko miibo akɛ, “Nyɛsaa gbɛ yɛ ŋa lɛ nɔ nyɛhãa Yehowa; nyɛjajea gbɛjegbɛ yɛ ŋa lɛ nɔ nyɛhãa wɔNyɔŋmɔ lɛ.

Yesaia 40:6

Gbee ko miibo akɛ, “bolɔmɔ!” Ni mikɛɛ, “Te mibolɔ mikɛɛ tɛŋŋ?” “Bolɔmɔ akɛ heloo fɛɛ heloo lɛ jwɛi ni; ni ehoɔ eyaa tamɔ ŋa nɔ fɔfɔi.

Yesaia 40:9

Ao Zion, miishɛɛ saneshiɛlɔ, kwɔɔ kɛya gɔŋ ni kwɔ ko nɔ. Yerusalɛm, miishɛɛ saneshiɛlɔ, wo ogbee nɔ kɛ hewalɛ, wo nɔ, kaashe gbeyei! Kɛɛmɔ Yuda maji lɛ akɛ “Naa, nyɛNyɔŋmɔ lɛ miiba!”

Yesaia 42:12

Nyɛhãa amɛwoa Yehowa hiɛ nyam, ni amɛ jie eyi yɛ ŋshɔnaa maji lɛ amli.

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Ezekiel 7:2

“Bo Gbɔmɔ Adesa, tsɔ̃ ohiɛ ohã Israel gɔji lɛ ni okɛɛ amɛ akɛ nɔ ni Nuŋtsɔ Nyɔŋmɔ, mikɛɔ Israel shikpɔŋ lɛ nɛ: Bɔ fɛɛ bɔ ni fee lɛ naagbee lɛ eshɛ! Shikpɔŋ koji ejwɛ lɛ fɛɛ anaagbee lɛ eshɛ etã.

Ezekiel 7:6

Naa eeba, naagbee lɛ eshɛ; naagbee lɛ eba kɛ̃, eshɛ etã, ete shi ewo bo. Naa eeba.

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Hosea 8:1

Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

Mateo 25:13

No hewɔ lɛ, nyɛsaraa, ejaakɛ nyɛleee gbi lɛ loo ŋmɛlɛtswaa lɛ.”

Luka 17:18

Aso anaaa amɛteŋ mɔ ko ni kuɔ esɛɛ ekɛ anunyam bahãa Nyɔŋmɔ, akɛ ja maŋsɛɛnyo nɛɛ?

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 16:9

Ni la dɔlɛ ni naa wa lɛ shã gbɔmɛi, ni amɛwie musubɔɔ wiemɔi amɛshi Nyɔŋmɔ ni yɔɔ hewalɛ yɛ nɛkɛ haomɔi nɛɛ anɔ lɛ gbɛi lɛ, ni amɛtsakeee amɛtsui ni amɛwo ehiɛ nyam.

Kpojiemɔ 18:10

Ni amɛaakɛɛ, “Ao! Ao! Maŋ kpeteŋkple lɛ, Babilon, maŋ ni he wa lɛ! Ejaakɛ ŋmɛlɛtswaa kome mli ni okojomɔ eba nɛɛ!”

Kpojiemɔ 18:17

Ejaakɛ ŋmɛlɛtswaa kome mli lɛ nɛkɛ nifalɛ babaoo nɛɛ fɛɛ ebɔ lɛ.” Ni lɛlɛ kudɔɔtsɛ fɛɛ kudɔɔtsɛ kɛ mɔ fɛɛ mɔ ni nyiɛɔ lɛlɛ mli kɛyaa he ko, kɛ amlãkui kɛ mɛi abɔ ni tsuɔ ŋshɔ hiɛ nii lɛ damɔ sɛɛ flɛŋŋ,

Kpojiemɔ 18:19

Ni amɛkɛ mlu wo amɛyiteaŋ, ni amɛkɛ yaafo kɛ ŋkɔmɔyeli bo amɛkɛɛ, “Ao! Ao! Maŋ kpeteŋkple lɛ ni emli mɛi fɛɛ ni yɔɔ lɛji yɛ ŋshɔ hiɛ lɛ tsɔ̃ eninamɔ lɛ nɔ amɛfee niiatsɛmɛi lɛ! Ejaakɛ ŋmɛlɛtswaa kome mli ni fɛɛ ebɔ lɛ nɛɛ!”

Kpojiemɔ 19:5

Ni gbee ko jɛ maŋtsɛ sɛ̃i lɛ mli kɛɛ, “Nyɛjiea wɔNyɔŋmɔ lɛ yi, nyɛ mɛi ni ji etsuji lɛ fɛɛ kɛ nyɛ mɛi ni nyɛsheɔ lɛ gbeyei, mɛi bibii kɛ mɛi wuji lɛ fɛɛ!”

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,

Kpojiemɔ 8:10

Ni bɔfo ni ji etɛ̃ lɛ kpã etɛtrɛmantrɛ, ni ŋulami kpeteŋkple ni tsoɔ tamɔ haa jɛ ŋwɛi bagbee shi, ni egbee fai lɛ amlijai etɛ̃ mli ekome kɛ nubui lɛ anɔ.

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.