Kpojiemɔ 14:6 - ŊMALƐ KRƆŊKRƆŊ LƐ

⁶ Ni mina bɔfo kroko miifiliki yɛ ŋwɛi teŋ, ni ehiɛ naanɔ Sanekpakpa ni eyaajaje etsɔ̃ɔ mɛi ni yɔɔ shikpɔŋ lɛ nɔ kɛjɛ jeŋmaŋ fɛɛ jeŋmaŋ kɛ akutso fɛɛ akutso kɛ maji anɔ wiemɔi fɛɛ kɛ maŋ fɛɛ maŋ mli.

Ṅmãle̱ Kroṅkroṅ Le̱

⁶ Ni mina *bo̱fo kroko mīfliki ye̱ ṅwei teṅ, ni ehĩe nāno̱ sanekpakpa ní eyadšadse etšõ mei ní yo̱ šikpoṅ le̱ no̱ ke̱ dšeṅmaṅ-fẽ-dšeṅmaṅ ke̱ akutšo-fẽ-akutšo ke̱ mãdšiano̱wiemo̱i fẽ ke̱ maṅ-fẽ-maṅ, ni eke̱ gbē wulu kē̱: *8,13.

Kpojiemɔ 14:6 ပူးပေါင်းရင်းမြစ်များ

1 Mose 1:6

Kɛkɛ ni Nyɔŋmɔ fã akɛ, “Atatu aba koni eja nu lɛ mli enyɔ.”

2 Samuel 23:5

Bɔ ni Nyɔŋmɔ baajɔɔ miwe lɛ nɛ, ejaakɛ ekɛ mi ekpãŋ naanɔ kpãŋmɔ, kpãŋmɔ ko ni akuŋ mli, shiwoo ko ni atsakeŋ hiɛ. Anɔkwa, Nyɔŋmɔ baahã mi yelikɛbuamɔ ni he ehia, kɛ mitaomɔ nii fɛɛ.

Lalai 119:142

Ojalɛ lɛ, naanɔ jalɛ ni, ni omla lɛ, anɔkwale ni.

Lalai 139:24

Kwɛmɔ akɛ minyiɛ gbɛ fɔŋ ko nɔ lo, koni okpala mi kɛya naanɔ gbɛ lɛ nɔ.

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Yesaia 40:8

Jwɛi gbiɔ, ni fɔfɔi hu kpalaa shi wɔNyɔŋmɔ lɛ wiemɔ lɛ aaahi shi kɛaatee naanɔ.”

Yesaia 45:17

Shi Yehowa aaahere Israel yiwala kɛya naanɔ; nyɛhiɛ gboiŋ, ni asaŋ nyɛhiɛ eshwieŋ shi kɔkɔɔkɔ kɛyaashi naanɔ.’ ”

Yesaia 51:6

Nyɛwoa nyɛhiɛ nɔ nyɛkwɛa ŋwɛi; ni nyɛkwɛa shikpɔŋ ni yɔɔ ŋwɛi shishi hu. Ejaakɛ ŋwɛi baalaaje tamɔ lasu, ni shikpɔŋ lɛ baasuu tamɔ atade ni enɔ gbɔmɛi aaagboi tamɔ adɔdɔji; shi miyiwalaheremɔ lɛ aaahi shi kɛaatee naanɔ, ni mikpɔmɔ lɛ bɛ naagbee.

Yesaia 51:8

Ejaakɛ amɛhiɛ aaakpãtã tamɔ mama ni omlɛgɛ eye, loo kuŋtu ni gɔgɔmii eye. Shi mikpɔmɔ lɛ aaahi shi kɛaatee naanɔ; ni miyiwalaheremɔ lɛ aaahi shi yinɔi fɛɛ.

Yesaia 6:2

Serafim damɔ maŋtsɛ lɛ he kɛbɔle. Amɛteŋ mɔ fɛɛ mɔ yɛ fiji ekpaaekpaa. Ekɛ enyɔ haa ehiɛ, ni ekɛ enyɔ haa enaji ahe, ni ekɛ enyɔ hu filikiɔ.

Ezekiel 1:14

Nibii nɛɛ ni hiɛ gbɔmɔ su nɛɛ shaa foi kɛyaa kɛbaa tamɔ srawa.

Daniel 4:1

Maŋtsɛ Nebukadnezar ŋma eyahã mɛi fɛɛ ni yɔɔ majimaji kɛ jakui fɛɛ ni yɔɔ shikpɔŋ muu lɛ fɛɛ nɔ, yɛ amɛwiemɔi amli akɛ, “Nyɛhea omanye!

Daniel 9:21

mihiɛ mli miisɔle lolo kɛkɛ lɛ naa bɔfo Gabriel, mɔ ni mina yɛ klɛŋklɛŋ ninaa lɛ mli lɛ ni efiliki kɛba mimasɛi trukaa. No mli lɛ eshɛ be mli ni ashãa gbɛkɛnaashi afɔle lɛ.

Mateo 10:27

Nɔ ni mikɛɔ nyɛ yɛ duŋ mli lɛ, nyɛwiea yɛ la hiɛ; ni nɔ ni miwoɔ nyɛtoiŋ mikɛɔ nyɛ lɛ, nyɛshiɛa yɛ tsui ayiteiaŋ.

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Romabii 16:25

Shi mɔ ni aaanyɛ ahã nyɛfi shi shiŋŋ yɛ misanekpakpa lɛ kɛ Yesu Kristo shiɛmɔ lɛ naa, yɛ teemɔ sane ni akɛtee kɛjɛ naanɔ beebe lɛ kpojiemɔ naa,

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

1 Petro 1:25

Shi Nuŋtsɔ lɛ wiemɔ lɛ hiɔ shi kɛyaa naanɔ.” Enɛ ji wiemɔ ni ajaje atsɔ̃ɔ nyɛ akɛ Sanekpakpa lɛ.

Kpojiemɔ 10:11

Ni akɛɛ mi akɛ, “Esa akɛ ogba gbalɛ ni kɔɔ maji kɛ jeŋmaji kɛ majianɔ wiemɔi kɛ maŋtsɛmɛi pii ahe ekoŋŋ.”

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 13:7

Ni ahã lɛ hegbɛ ni ekɛ krɔŋkrɔŋbii lɛ awu ni eye amɛnɔ kunim; ni ahã lɛ hegbɛ yɛ akutso fɛɛ akutso kɛ maŋ fɛɛ maŋ kɛ maji anɔ wiemɔi fɛɛ kɛ jeŋmaŋ fɛɛ jeŋmaŋ nɔ.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 8:13

Ni mikwɛ, ni minu okropɔŋ ko miifiliki yɛ ŋwɛi kɛ shikpɔŋ teŋ, ni ekɛ gbee ni wa kɛɛ, “Kpoo! Kpoo! Kpoo hã mɛi ni yɔɔ shikpɔŋ lɛ nɔ lɛ yɛ bɔfoi etɛ̃ ni eshwɛ lɛ atɛtrɛmantrɛi ni amɛbaakpã lɛ agbɛɛmɔi lɛ ahewɔ!”