Kpojiemɔ 14:2 - ŊMALƐ KRƆŊKRƆŊ LƐ

² Ni minu gbee ko kɛjɛ ŋwɛi tamɔ nui pii agbɛɛmɔ, ni asaŋ etamɔ nyɔŋmɔshimɔ kpeteŋkple gbɛɛmɔ; ni gbee ni minu lɛ tamɔ saŋkutswalɔi ni miitswa amɛsaŋkui agbee.

Ṅmãle̱ Kroṅkroṅ Le̱

² Ni minu gbe ko ke̱-dše̱ ṅwei *tamo̱ nui pī agbē, ni asaṅ etamo̱ nyoṅmo̱-šĩmo̱ kpeteṅkple gbē; ni gbē ní minu le̱ tamo̱ saṅkŭtſalo̱i ní hĩe ame̱saṅkũi ame̱tſaä le̱ agbē. *1,15.

Kpojiemɔ 14:2 ပူးပေါင်းရင်းမြစ်များ

2 Samuel 6:5

David kɛ Israel maŋ muu lɛ fɛɛ nya kɛ lalai kɛ saŋkui kɛ obentai kɛ fabii kɛ miji kɛ ŋoŋoi amɛkɛwo Yehowa hiɛ nyam kɛ amɛnyɛmɔ fɛɛ.

2 Kronika 20:28

Be ni amɛshɛ Yerusalɛm lɛ, amɛtee Yehowa Sɔlemɔ we lɛ kɛ bɛji kɛ saŋkui kɛ tɛtɛrɛmantɛrɛi.

Lalai 147:7

Nyɛlaa shidaa lala nyɛhãa Yehowa, nyɛkɛ saŋku alaa kɛjiea wɔNyɔŋmɔ lɛ yi.

Lalai 149:3

Hã amɛkɛ joo ajie egbɛi lɛ yi, ni amɛkɛ miji kɛ saŋku ala amɛkɛjie eyi.

Lalai 33:2

Nyɛjiea Yehowa yi kɛ saŋku; nyɛlaa nyɛjiea eyi kɛ kpãanyɔŋma saŋku.

Lalai 43:4

Kɛkɛ lɛ maya Nyɔŋmɔ afɔleshãa latɛ lɛ he; maya Nyɔŋmɔ ni hãa mi miishɛɛ kpeteŋkple lɛ ŋɔɔ; ni matswa saŋku mikɛaajie oyi. Oo Nyɔŋmɔ, miNyɔŋmɔ.

Lalai 57:8

Ohiɛ atsɛ̃, misusuma! Nyɛhiɛ atsɛ̃a, obenta kɛ saŋku! Mibahã je atsɛre mra.

Lalai 92:3

kɛ kpãa saŋku kɛ obenta.

Lalai 93:4

Yehowa ni yɔɔ ŋwɛi lɛ je agbo fe fɛɛ. Eje agbo fe nui babaoo lɛ agbɛɛmɔ; efe ŋshɔkei ahewalɛ.

Lalai 98:5

Nyɛkɛ kpãa saŋku alaa yijiemɔ lalai nyɛhãa Yehowa. Hɛɛ! Nyɛtswaa kpãa saŋku kɛ ŋɔɔmɔ.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

Yesaia 17:13

Maji lɛ ahoofeemɔ lɛ tamɔ ŋshɔi agbɛɛmɔ, shi Nyɔŋmɔ aaaŋa amɛyi, ni amɛaajo foi kɛaatee sɛɛ shɔŋŋ, ni aaawo amɛ foi tamɔ gɔŋ nɔ tutuu yɛ lasuogbele mli.

Ezekiel 43:2

ni naa, Israel Nyɔŋmɔ lɛ anunyam lɛ jɛ bokãgbɛ miiba. Ebaa lɛ jijemɔ ni ekɛba lɛ tamɔ ŋshɔ gbɛɛmɔ; kɛkɛ ni shikpɔŋ lɛ kpɛ kɛ enunyam lɛ.

Zakaria 9:14

Agbɛnɛ Yehowa aaapue yɛ ewebii lɛ anɔ ni egãimlibii lɛ aafliki tamɔ srawa gbalaa lɛ. Nuŋtsɔ Nyɔŋmɔ lɛ diɛŋtsɛ ni aaakpã eta tɛtɛrɛmantɛrɛ lɛ, ni eeefã tamɔ wuoyigbɛ lasuogbele.

1 Korintobii 13:1

Kɛji mikɛ gbɔmɛi kɛ ŋwɛi bɔfoi alilɛi wieɔ, shi mibɛ suɔmɔ lɛ, no lɛ mitsɔ̃ ayawa ni jijeɔ loo ŋmɛlɛ ni gbɛɔ.

Kpojiemɔ 1:10

Miyɛ mumɔ mli yɛ Nuŋtsɔ lɛ gbi lɛ nɔ, ni minu gbee kpeteŋkple ko gbɛɛmɔ yɛ misɛɛ tamɔ tɛtɛrɛmantɛrɛ

Kpojiemɔ 1:15

ni enaji tamɔ ayawa kaŋkaŋ ni atsuu he yɛ flɔnɔɔ mli, ni egbee tamɔ nui babaoo gbɛɛmɔ.

Kpojiemɔ 11:12

Ni amɛnu gbee waa ko jɛ ŋwɛi miikɛɛ amɛ akɛ, “Nyɛkwɔa kɛbaa biɛ nɛɛ!” Ni amɛkwɔ kɛtee ŋwɛi yɛ atatu mli, ni amɛhenyɛlɔi lɛ na amɛ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 15:2

Ni mina nɔ ko tamɔ ashwishwɛ ŋshɔ ni akɛ lá efutu mli, ni mɛi ni eye kooloo lɛ kɛ emãgã lɛ kɛ ekadi lɛ kɛ egbɛi lɛ yibɔ lɛ nɔ kunim lɛ damɔ ashwishwɛ ŋshɔ lɛ naa, ni amɛhiɛ Nyɔŋmɔ saŋkui lɛ.

Kpojiemɔ 18:22

Ni anuŋ saŋkutswalɔi kɛ lalatsɛmɛi kɛ blɛkpãlɔi kɛ tɛtɛrɛmantɛrɛkpãlɔi lɛ agbee kwraa dɔŋŋ yɛ omli, ni anaŋ ŋaalɔ ko ŋaalɔ ko ni le ŋaa ko kwraa dɔŋŋ yɛ omli, ni anuŋ wiɛ gbɛɛmɔ ko hu kwraa dɔŋŋ yɛ omli.

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 6:1

Ni mina akɛ Toobi lɛ tse naasɔomɔi kpawo lɛ ekome; ni minu ni hiɛkãalɔi ejwɛ lɛ ateŋ mɔ kome kɛ gbee ni tamɔ nyɔŋmɔshimɔ gbee kɛɛ, “Ba!”

Kpojiemɔ 8:7

Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.