Kpojiemɔ 14:14 - ŊMALƐ KRƆŊKRƆŊ LƐ

¹⁴ Ni mikwɛ, ni naa, atatu yɛŋ, ni mɔ ko ta nɔ tamɔ gbɔmɔ bi, ni shika akekre fi eyitso, ni ehiɛ nikpamɔ kakla ni naa ba yɛ edɛŋ.

Ṅmãle̱ Kroṅkroṅ Le̱

¹⁴ Ni mikwe̱, ni na, *atatu ye̱ṅ, ni moko tá atatu le̱ no̱ tamo̱ gbomobi le̱, ni šika akekre fĩ eyitšo, ni ehĩe †nikpamo-kakla ni nā ba ye̱ edeṅ. *Dan. 7.13. †Mat. 18,39. 41.

Kpojiemɔ 14:14 ပူးပေါင်းရင်းမြစ်များ

Lalai 21:3

Ejaakɛ okɛ nii kpakpai amli jɔɔmɔi kumaa lɛ, ni okɛ shika krɔŋŋ akekre fiɔ eyitso.

Lalai 97:2

Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Ezekiel 1:26

Nɔ ko ni tamɔ maŋtsɛ sɛi ni esu tamɔ safiro ojarawatɛ ma nɔ lɛ ni ha shi lɛ yiteŋ. Ni nɔ ko ni tamɔ gbɔmɔ su ta nɔ ni tamɔ maŋtsɛ sɛi lɛ nɔ.

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Mateo 13:30

Nyɛŋmɛa enyɔ lɛ fɛɛ gbɛ ni amɛdara kɛyashi ŋmaakpamɔbe lɛ, ni ŋmaakpamɔbe lɛ makɛɛ nikpalɔi lɛ akɛ, nyɛbuaa jwɛi lɛ anaa tsutsu, ni nyɛfimɔa amɛ keikei, koni ashã; shi ŋmaa lɛ nyɛbuaa naa nyɛyawoa miboŋo lɛ mli.’ ”

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Marko 4:29

Shi kɛ ŋmãa lɛ tsu lɛ, amrɔ lɛ ehãa akɛ nikpamɔ kakla lɛ yaa, ejaakɛ ŋmaakpamɔbe lɛ eshɛ.”

Luka 21:27

Kɛkɛ lɛ amɛaana Gbɔmɔ Bi lɛ ni eeba yɛ atatuŋ kɛ hewalɛ kɛ anunyam babaoo.

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

Kpojiemɔ 1:13

kɛ mɔ ko yɛ kanetsei lɛ ateŋ ni tamɔ Gbɔmɔ Bi, ni ewo atade yuu ni ekɛ shika kpãa efi etsitsi.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!

Kpojiemɔ 10:1

Ni mina bɔfo hewalɔ kroko jɛ ŋwɛi miikpeleke shi, ni eha atatu, ni kwaabuɛtɛ yɛ eyiteŋ, ni ehiɛ tamɔ hulu, ni enaji tamɔ la akulashiŋi.

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 19:12

Ni ehiŋmɛii tamɔ lalilɛi, ni maŋtsɛ faii pii bumɔ eyitso, ni aŋma gbɛi ko yɛ he ni mɔ ko mɔ ko leee akɛ ja lɛ diɛŋtsɛ;

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kpojiemɔ 6:2

Ni mikwɛ, ni naa, okpɔŋɔ yɛŋ, ni mɔ ni ta enɔ lɛ hiɛ gãi, ni ahã lɛ akekre, ni eje kpo tamɔ kunimyelɔ ni miiya eyaye kunim.