Kpojiemɔ 14:11 - ŊMALƐ KRƆŊKRƆŊ LƐ

¹¹ Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Ṅmãle̱ Kroṅkroṅ Le̱

¹¹ Ni ame̱pĩmo̱ le̱ *lasũ le̱ teo̱ ši ke̱-yaä nāno̱i anāno̱; ni mei ní dšáa kolo le̱ ke̱ emãgã le̱, ke̱ mofẽmo ní ehé egbe̱i okadi le̱, náá hedšomo nyōṅ ke̱ ſane. *19,3.

Kpojiemɔ 14:11 ပူးပေါင်းရင်းမြစ်များ

1 Mose 19:28

ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu.

Lalai 10:16

Yehowa ji maŋtsɛ kɛjɛ naanɔ kɛyaashi naanɔ. Jeŋmaji lɛ ahiɛ aaakpãtã kɛaaje eshikpɔŋ lɛ nɔ.

Lalai 145:1

Makafo bo, miNyɔŋmɔ kɛ miMaŋtsɛ, ni majie ogbɛi lɛ yi daa kɛaatee naanɔi anaanɔ.

2 Mose 15:18

Yehowa aaaye maŋtsɛ kɛaatee naanɔi anaanɔ.”

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yesaia 34:10

Ebaatso nyɔɔŋnyɔɔŋ kɛ shwaneshwane fɛɛ, ni ebaaje lasu kɛya naanɔ. Shikpɔŋ lɛ aaatsɔ̃ amaŋfɔ̃ yinɔi fɛɛ; mɔ ko mɔ ko tsɔŋ jɛi kɛhoŋ dɔŋŋ kɛaatee naanɔ.

Yesaia 34:8

Ejaakɛ Yehowa oweletɔɔ be lɛ ni, be ni ebaaye Zion sane lɛ ehã lɛ koni eto lɛ najiaŋ pɛpɛɛpɛ lɛ.

Yesaia 57:20

Shi mɛi fɔ̃ji lɛ amɛtamɔ ŋshɔ ni efee hamahama, ejaakɛ enyɛɛɛ eŋmɛ dɛmm, ni ŋshɔkei lɛ loɔ muji kɛ ŋmɔtɔ ebubuaa shi.

Daniel 3:6

Mɔ fɛɛ mɔ ni kulaaa shi koni eja amãgã lɛ, nakai ŋmɛlɛtswaa lɛ mli nɔŋŋ lɛ abaashɛ lɛ afɔ̃ flɔnɔɔ kɛ emli la ni miitso grigri mli.”

Yoel 2:30

“Mahã ana gbi lɛ he okadii yɛ ŋwɛi kɛ shikpɔŋ lɛ nɔ, láshishwiemɔ kɛ la kɛ lasu kpɔŋŋ.

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 25:46

Ni mɛnɛɛmɛi lɛ, amɛaatee naanɔ hejaramɔ mli; shi jalɔi lɛ aaatee naanɔ wala mli.”

5 Mose 28:65

Onaŋ hejɔlɛ, ni asaŋ onaŋ nanemaahe hu yɛ maji nɛɛ ateŋ; aaahã otsui afã, ni ooofee yeyeeye kɛ tsuiyeli yɛ jɛi;

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 13:12

Ni etsuɔ klɛŋklɛŋ kooloo lɛ hegbɛ lɛ fɛɛ he nii yɛ ehiɛ, ni ehãa shikpɔŋ lɛ kɛ mɛi ni yɔɔ enɔ lɛ jaa klɛŋklɛŋ kooloo lɛ ni atsa egbele pilamɔ lɛ.

Kpojiemɔ 13:15

Ni ahã lɛ gbɛ ni ekɛ mumɔ ahã kooloo lɛ amãgã lɛ, koni kooloo lɛ amãgã lɛ awie tete, ni ehã agbe mɛi fɛɛ ni jaaa kooloo lɛ amãgã lɛ.

Kpojiemɔ 13:17

Koni mɔ ko nyɛŋ ehe nii aloo ehɔ̃ɔ nii, akɛ ja mɔ ni yɔɔ naakpɛɛ okadi lɛ yɛ ehe, ni ji kooloo lɛ gbɛi loo yibɔ ni damɔ shi hã egbɛi lɛ.

Kpojiemɔ 14:9

Ni bɔfo kroko ni ji etɛ̃ nyiɛ amɛsɛɛ, ni ekɛ gbee wulu kɛɛ, “Kɛji mɔ ko ja kooloo lɛ kɛ emãgã lɛ, ni ehe ekadi lɛ yɛ ehiɛŋtso nɔ loo enine nɔ lɛ,

Kpojiemɔ 18:18

ni be ni amɛna eshãa lɛ lasu lɛ amɛbolɔ amɛkɛɛ, “Aso maŋ ko ehi shi pɛŋ ni da tamɔ maŋ kpeteŋkple nɛɛ?”

Kpojiemɔ 18:9

Ni shikpɔŋ lɛ nɔ maŋtsɛmɛi ni kɛ lɛ bɔ ajwamãŋ ni amɛkɛ lɛ bɔ nyɛnyɛŋtswi lɛ aaafo lɛ, ni amɛaawo yara yɛ hewɔ, be ni amɛaana eshãa lɛ lasu lɛ.

Kpojiemɔ 19:3

Ni amɛkɛɛ nɔ ni ji shii enyɔ akɛ, “Haleluya! Ni la ni shãa maŋ lɛ lasu lɛ teɔ shi kɛyaa naanɔi anaanɔ!”

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

Kpojiemɔ 7:12

amɛkɛɛ, “Amen! Jɔɔmɔ kɛ anunyam kɛ nilee kɛ shidaa kɛ woo kɛ hewalɛ kɛ nyɛmɔ ahã wɔNyɔŋmɔ lɛ kɛya naanɔi anaanɔ. Amen!”