Kpojiemɔ 14:10 - ŊMALƐ KRƆŊKRƆŊ LƐ

¹⁰ lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Ṅmãle̱ Kroṅkroṅ Le̱

¹⁰ le̱ hũ eenu Nyoṅmo̱ *mlifũ dā̃ ní afutu le̱ kro̱ṅṅ awo emlifũ kpulu le̱ mli le̱ eko, ni †aapĩle̱ ye̱ la ke̱ swō̱ mli ye̱ bo̱foi kroṅkroṅi le̱ ahĩe ke̱ tōbi le̱ hĩe. *16,19. Ier. 25,15. †19,20.

Kpojiemɔ 14:10 ပူးပေါင်းရင်းမြစ်များ

1 Mose 19:24

Yehowa hã swɔɔ kɛ la nɛ kɛjɛ ŋwɛi eshwie Sodom kɛ Gomora nɔ,

Hiob 18:15

Mɔkpɔŋ aaayahi ewe lɛ mli kɛji ashwã mli swɔɔ kɛgbe emli muawa sɛɛ.

Hiob 21:20

Hã ena lɛ diɛŋtsɛ ehiɛkpãtãmɔ kɛ ehiŋmɛii ni esa enaa Ofe lɛ mlifu lɛ eko.

Lalai 11:6

Eeehã la ni tsoɔ glegle kɛ swɔɔ anɛ ashwie mɔ fɔŋ nɔ; kɔɔyɔɔ ni mli edɔ la ekɛaagbala etoi.

Lalai 37:34

Mɛɛ Yehowa ni onyiɛ egbɛ lɛ nɔ, ni eeewo onɔ koni shikpɔŋ lɛ atsɔ̃ onɔ; ni ooona mɛi fɔ̃ji lɛ ahiɛkpãtãmɔ.

Lalai 52:6

Jalɔi lɛ aaana, ni amɛaashe gbeyei, kɛkɛ lɛ amɛaaŋmɔ lɛ amɛkɛɛ,

Lalai 60:3

Ohã owebii lɛ ena nɔ naakpa. Wɔmiililaa shi tamɔ mɛi ni etɔ wain.

Lalai 73:10

hewɔ lɛ Nyɔŋmɔ webii lɛ ekpale kɛtee amɛŋɔɔ, ni amɛkafoɔ amɛ; ni amɛnaaa tɔ̃mɔ ko yɛ amɛhe.

Lalai 75:8

Ejaakɛ Yehowa hiɛ kpulu ko yɛ edɛŋ kɛ emli wain kpakpa ni miitswa afui. Ebaafo eko ehã, ni shikpɔŋ lɛ nɔ yiwalɔi lɛ fɛɛ baanu; amɛaashoo wain lɛ kɛ eshishi fɛɛ.

Lalai 91:8

Ohiŋmɛi kɛkɛ okɛaakwɛ, ni ooona mɛi fɔ̃ji anyɔmɔwo.

Yesaia 29:9

“Nyɛhãa nyɛhe ajɔ̃a nyɛhe, ni nyɛlua! Nyɛshwilaa nyɛhe koni nyɛtsɔ̃mɔa shwilafoi! Nyɛtɔrɔa dãa, shi jeee kɛ wain; nyɛdidãa, shi jeee kɛ dãa ni wa.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 34:9

Edom fai lɛ baadi tuŋŋ tamɔ kootaa, ni eshikpɔŋ lɛ su aaatsɔ̃ tamɔ swɔɔ. Eshikpɔŋ tso muu aaatsɔ̃ tamɔ kootaa ni miitso.

Yesaia 51:17

Ao Yerusalɛm, wo ohe nɔ! Wo ohe nɔ! Tee shi odamɔ shi! Onu toigbalamɔ kpulu lɛ mli dãa ni jɛ Yehowa diɛŋtsɛ dɛŋ lɛ. Ni onu owo omli, ni olɛmɔ kpulu lɛ mli, ni eha oodidãa.

Yeremia 25:27

“Kɛkɛ lɛ okɛɛ amɛ akɛ, ‘Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, nyɛnua, nyɛtɔrɔa dãa, ni nyɛshwea, ni nyɛgbegbea shi ni nyɛkanyɛ shi nyɛte dɔŋŋ yɛ ta ni mibahã afã kɛbatua nyɛ lɛ hewɔ.’

Yeremia 49:12

Ejaakɛ bɔ ni Yehowa kɛɛ nɛ, “Kɛji mɛi ni kulɛ esaaa akɛ agbalaa amɛtoi lɛ abaagbala amɛtoi lɛ, ani bo lɛ obaaye ohe? Oŋɔŋ ohe oyeŋ tswaa; esa akɛ agbala otoi kɛ̃.

Yeremia 51:57

Mibahã Babilon lumɛi lɛ kɛ nilelɔi lɛ kɛ amraloi lɛ kɛ tatsɛmɛi lɛ kɛ tabilɔi kãkãlɔi lɛ fɛɛ atɔrɔ dãa, ni naanɔ wɔ baanyɔ amɛnɔ, ni amɛhiɛ etsɛ̃ŋ dɔŋŋ. Mi, Maŋtsɛ, mɔ ni gbɛi ji Yehowa Taiatsɛ lɛ, mikɛɛ.

Yāfó 4:21

Edombii kɛ Uzbii ni yɔɔ shikpɔŋ lɛ nɔ, nyɛmli afilia nyɛ, ni nyɛnyaa, shi moŋ nyɛ hu amanehulu miiba. Nyɛaatɔ dãa, ni nyɛaajie nyɛyayaiaŋ nyɛfɔ̃ shi.

Ezekiel 20:48

Gbɔmɛi fɛɛ baana akɛ mi, Yehowa, mi miwo la lɛ, ni anyɛŋ agbe.”

Ezekiel 38:22

Mikɛ gbele hela kɛ láshishwiemɔ baagbala etoi; ni mahã nu ni naa wa kɛ nyɔŋmɔŋtɛi kɛ la kɛ swɔɔ anɛ ashwie lɛ kɛ etai lɛ kɛ mɛi babaoo ni fata ehe lɛ anɔ.

Habakuk 2:16

Nakai nɔŋŋ bo hu, yɛ hiɛnyam najiaŋ lɛ, hiɛgbele baamɔ bo. Bo hu obaanu eko koni odidãã. Kpulu ni yɔɔ Yehowa ninejurɔ lɛ aaatsɔ̃ kɛbashɛ onɔ, ni ohiɛnyam lɛ baatsɔ̃ hiɛgbele ni naa wa.

Mateo 20:22

Shi Yesu here nɔ ekɛɛ bii lɛ akɛ, “Nyɛleee nɔ ni nyɛbiɔ lɛ. Ani nyɛaanyɛ kpulu ni mibanu lɛ nyɛnu?” Amɛkɛɛ lɛ akɛ, “Wɔɔnyɛ.”

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Marko 8:38

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele yɛ yinɔbii gbãlãfitelɔi kɛ eshafeelɔi nɛɛ ateŋ lɛ, lɛ hu ehe aaafee Gbɔmɔ Bi lɛ hiɛgbele be ni eeeba yɛ eTsɛ anunyam lɛ mli kɛ bɔfoi krɔŋkrɔŋi lɛ.”

Marko 9:44

he ni amɛgɔ̃gɔ̃mi lɛ gbooo, ni amɛla lɛ hu gbooo yɛ lɛ.]

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

5 Mose 29:23

Amɛaana bɔ ni swɔɔ kɛ ŋoo egbe shikpɔŋ tso muu lɛ, ni ehiii enɔ nidumɔ, ni ebaaa nii, ni jwɛi tete ekwɛ̃ɛɛ yɛ nɔ lɛ. Amɛaana akɛ efite tamɔ Sodom kɛ Gomora kɛ Adama kɛ Zeboim maji lɛ ni Yehowa kpãtã amɛhiɛ yɛ emlifu kɛ emlila naa lɛ.

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

Yuda 1:7

Kaimɔ bɔ ni Sodom kɛ Gomora kɛ maji ni jwere amɛhe lɛ, bɔ ni amɛbɔ ajwamãŋ aahu tamɔ mɛnɛɛmɛi nɛɛ nɔŋŋ ni amɛtao ni amɛkɛ bɔfoi lɛ afee efɔŋ lɛ. Enɛ fɛɛ kã shi akɛ okadii hã mɛi fɛɛ ni naa naanɔ la mli nyɔmɔwoo lɛ.

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 18:3

Ejaakɛ ehã jeŋmaji lɛ fɛɛ enu ejwamaŋbɔɔ dãa ni naa wa lɛ eko, ni shikpɔŋ lɛ nɔ maŋtsɛmɛi lɛ kɛ lɛ bɔ ajwamãŋ, ni shikpɔŋ lɛ nɔ jarayelɔi lɛ tsɔ̃mɔ niiatsɛmɛi yɛ enyɛnyɛŋtswibɔɔ lɛ hewalɛ naa.”

Kpojiemɔ 18:6

Nyɛwoa lɛ nyɔmɔ tamɔ bɔ ni lɛ hu ewo lɛ, ni nyɛkua nyɛbɔa he toi enyɔ nyɛhãa lɛ yɛ enitsumɔi lɛ anaa. Kpulu lɛ ni efutu dãa yɛ mli lɛ, nyɛfutua lɛ toi enyɔ nyɛwoa mli nyɛhãa lɛ.

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.

Kpojiemɔ 21:8

Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”