Kpojiemɔ 14:1 - ŊMALƐ KRƆŊKRƆŊ LƐ

¹ Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha kɛ nyɔŋmai ejwɛ kɛ ejwɛ ni aŋma egbɛi kɛ eTsɛ gbɛi yɛ amɛhiɛŋtsei anɔ fata ehe.

Ṅmãle̱ Kroṅkroṅ Le̱

¹ Ni mikwe̱, ni na, tōbi le̱ damo̱ Zion goṅ le̱ no̱, ni mei *akpei-oha-ke̱-nyoṅmai-edſe̱-ke̱-edſe̱ ni †aṅmā egbe̱i ke̱ etše̱ gbe̱i ye̱ ame̱hĩeṅtšei ano̱ fata ehe. *7,4. †3,12.

Kpojiemɔ 14:1 ပူးပေါင်းရင်းမြစ်များ

Lalai 2:6

Ekɛɛ, “Miwo mimaŋtsɛ yɛ Zion, migɔŋ krɔŋkrɔŋ lɛ nɔ.”

Yesaia 49:14

Shi Yerusalɛm kɛɛ akɛ, “Yehowa ekwa mi, miNuŋtsɔ lɛ hiɛ ekpa minɔ!”

Yeremia 1:11

Kɛkɛ ni Yehowa bi mi akɛ, “Yeremia, mɛni onaa nɛɛ?” Mihere lɛ nɔ akɛ, “Blɔfoŋkatiɛtso nine ni.”

Ezekiel 1:4

Be ni mikwɛɔ lɛ, naa, ahum ko ni naa wa fã kɛjɛ kooyigbɛ lɛ nɔŋŋ; ehewɔ fɛɛ miikpɛlɛ, ni la miikpɛlɛ nyramnyram kɛmiijɛ mli, nɔ ko tamɔ akɔɔble ni miitso yɛ la lɛ mli.

Ezekiel 10:1

Agbɛnɛ lɛ mikwɛ, ni naa nɔ ko pue yɛ atatu ni yɔɔ bɔɔ nibii lɛ ayiteŋgbɛ lɛ mli, nɔ lɛ tamɔ maŋtsɛ sɛi ni akɛ safiro ojarawatɛ fee.

Ezekiel 10:9

Mikwɛ ni mina akɛ kokolontoi ejwɛ yɛ adebɔɔ nibii lɛ ahe; kokolonto kome yɛ bɔɔnɔ kome he. Kokolontoi lɛ ahe kpɛlɛɔ tamɔ ojarawatɛ ko ni atsɛɔ lɛ krisolito lɛ.

Ezekiel 2:9

Ni be ni mikwɛ lɛ mina nine ni akpã mli ni hiɛ wolokpo ni aŋma nii yɛ mli ni akɛmiihã mi.

Ezekiel 44:4

Kɛkɛ ni nuu lɛ kɛ mi tsɔ̃ kooyigbɛ agbo lɛ naa gbɛ kɛba Sɔlemɔ we lɛ hiɛ. Mikwɛ, ni naa, Yehowa anunyam lɛ eyi Yehowa Sɔlemɔ we lɛ obɔ̃. Kɛkɛ ni miho migbee shi, ni mikɛ mihiɛ bu shi.

Ezekiel 8:7

Ekɛ mi ba kpo lɛ nɔ shinaa lɛ naa, ni be ni mikwɛ lɛ mina folɔ ko yɛ gbogbo lɛ mli.

Ezekiel 9:4

Kɛkɛ ni Yehowa kɛɛ lɛ akɛ, “Yaakpa Yerusalɛm maŋ lɛ mli fɛɛ; hii fɛɛ ni yɔɔ jɛi ni amɛyeɔ ŋkɔmɔ yɛ musubɔɔnii ni afeɔ lɛ hewɔ lɛ, kadimɔ amɛhiɛnai.”

Daniel 12:5

Kɛkɛ ni mi, Daniel, mikwɛ ni naa, mɛi krokomɛi enyɔ damɔ shi, mɔ kome yɛ faa lɛ naa biɛ nɛɛ, ni mɔ kome hu yɛ faa lɛ sɛɛ.

Yoel 2:32

Shi mɔ fɛɛ mɔ ni aaasɔle atsɛ Yehowa gbɛi lɛ, aaahere eyi wala. Ni tamɔ bɔ ni Yehowa ekɛɛ lɛ. Mɛi komɛi ahe aaaje mli, yɛ Zion Gɔŋ, Yerusalɛm; mɛi ni mahala lɛ ayi aaana wala.”

Amos 8:2

Kɛkɛ ni Yehowa bi mi akɛ, “Amos, mɛni onaa nɛɛ?” Mihere nɔ akɛ, “Kɛntɛŋ kɛ emli tsei ayibii ni etsu.” Kɛkɛ ni Yehowa kɛɛ mi akɛ, “Mimaŋ Israelbii akpulu eyi agbɛnɛ; mikɛ amɛhe ekeŋ amɛ dɔŋŋ; mibagbala amɛtoi.

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Luka 12:8

“Shi miikɛɛ nyɛ akɛ, mɔ fɛɛ mɔ ni gbaa mli tsiɔ mitã yɛ gbɔmɛi ahiɛ lɛ, Gbɔmɔ Bi lɛ hu aaagba mli atsi etã yɛ Nyɔŋmɔ bɔfoi lɛ ahiɛ;

Romabii 9:33

tamɔ bɔ ni aŋma lɛ akɛ, “Naa, mikɛ tɛmɔ tɛ kɛ nanetɔ̃tɔ̃mɔ tɛsaa ko miima shi yɛ Zion, Ni mɔ fɛɛ mɔ ni heɔ enɔ eyeɔ lɛ, ehiɛ gboŋ.”

Kpojiemɔ 14:14

Ni mikwɛ, ni naa, atatu yɛŋ, ni mɔ ko ta nɔ tamɔ gbɔmɔ bi, ni shika akekre fi eyitso, ni ehiɛ nikpamɔ kakla ni naa ba yɛ edɛŋ.

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 15:5

Ni nii nɛɛ asɛɛ lɛ mikwɛ, ni agbele Odase Buu lɛ Sɔlemɔtsu lɛ naa yɛ ŋwɛi,

Kpojiemɔ 22:4

ni amɛaana ehiɛ, ni egbɛi lɛ aaahi amɛhiɛŋtsei anɔ.

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”

Kpojiemɔ 6:8

Ni mikwɛ, ni naa, okpɔŋɔ lamlulamlu ni mɔ ni ta enɔ lɛ gbɛi ji Gbele, ni Gbohiiaje nyiɛ esɛɛ kpaakpa. Ni ahã amɛ hegbɛ yɛ shikpɔŋ lɛ mlijai ejwɛ mli ekome nɔ, akɛ amɛkɛ klante kɛ hɔ̃mɔ kɛ gbele hela kɛ shikpɔŋ lɛ nɔ kooloi awuyelɔi agbegbee amɛ.