Kpojiemɔ 13:5 - ŊMALƐ KRƆŊKRƆŊ LƐ

⁵ Ni ahã lɛ naabu ni wieɔ wiemɔi wuji kɛ musubɔɔ wiemɔi, ni ahã lɛ hegbɛ akɛ efee enɛ nyɔji nyɔŋmai ejwɛ kɛ enyɔ.

Ṅmãle̱ Kroṅkroṅ Le̱

⁵ Ni ahãle̱ *nābu ní wieo̱ wiemoi wudši ke̱ musubō̱-wiemo̱i, ni ahãle̱ hegbe̱ ake̱ ekā he †nyõdsi nyoṅmai-edſe̱ ke̱ enyo̱. *Dan. 7,8. †Kpods. 11,2; 12,6. 14.

Kpojiemɔ 13:5 ပူးပေါင်းရင်းမြစ်များ

Lalai 12:3

Yehowa ahã mɛi ni wieɔ dɔkɔbii lɛ afee dioo, kɛ lilɛi ni shwãa nibii wuji lɛ,

Ezekiel 35:13

Mi diɛŋtsɛ minu bɔ ni ejɛ nyɛnaa ni nyɛkɛ henɔwomɔ wie wiemɔi babaoo nyɛshi mi lɛ.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 12:12

Aaajɔɔ mɛi fɛɛ ni baato amɛtsui shi koni amɛye anɔkwa kɛyashi gbii akpe kɛ ohai etɛ̃ kɛ nyɔŋmai etɛ̃ kɛ enumɔ lɛ.

Daniel 7:11

Mitee nɔ mikwɛ ninaa lɛ, yɛ wiemɔi agboiagboi ni minuɔ aklonto bibioo lɛ wieɔ lɛ hewɔ. Mihiɛ kwɛmɔ aahu kɛyashi mina akɛ agbe kooloo ni ji ejwɛ lɛ, ni afite egbɔmɔtso lɛ, ni ashɛ lɛ afɔ̃ la lɛ mli koni eshã.

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Kpojiemɔ 11:7

Ni kɛ amɛgbe amɛdaseyeli lɛ naa lɛ, kooloo lɛ ni jɛ bu kwɔŋkwɔŋ lɛ mli lɛ kɛ amɛ baawu ta, ni eeeye amɛnɔ kunim, ni eeegbe amɛ;

Kpojiemɔ 12:14

Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 13:7

Ni ahã lɛ hegbɛ ni ekɛ krɔŋkrɔŋbii lɛ awu ni eye amɛnɔ kunim; ni ahã lɛ hegbɛ yɛ akutso fɛɛ akutso kɛ maŋ fɛɛ maŋ kɛ maji anɔ wiemɔi fɛɛ kɛ jeŋmaŋ fɛɛ jeŋmaŋ nɔ.