Kpojiemɔ 13:2 - ŊMALƐ KRƆŊKRƆŊ LƐ

² Ni kooloo lɛ ni mina lɛ tamɔ mlaŋtswi, ni enaji tamɔ oshishibrishi naji, ni enaabu tamɔ jata naabu. Ni drako lɛ kɛ lɛ diɛŋtsɛ ehewalɛ lɛ kɛ emaŋtsɛ sɛ̃i lɛ kɛ hegbɛ kpeteŋkple hã lɛ.

Ṅmãle̱ Kroṅkroṅ Le̱

² Ni kolo le̱ ní mina le̱ tamo̱ mlaṅtſi, ni enãdši tamo̱ ošišibrisi nãdši, ni enabu tamo̱ dšata nābu. Ni *drako le̱ ṅõ le̱dientše̱ ehewale̱ le̱ ke̱ emaṅtše̱sẽi le̱ ke̱ hegbe̱ kpeteṅkple ehãle̱. *12.3.

Kpojiemɔ 13:2 ပူးပေါင်းရင်းမြစ်များ

2 Maŋtsɛmɛi 2:24

Elisha tsɔ̃ ehe, ni ekwɛ amɛ, ni ekɛ Yehowa gbɛi lomɔ amɛ. Kɛkɛ ni oshishibrishi yei enyɔ jɛ koo lɛ mli ba, ni amɛbatserɛ gbekɛbii hii lɛ ateŋ mɛi nyɔŋmai ejwɛ kɛ enyɔ mli.

Lalai 22:21

Jiemɔ mi kɛjɛ jatai adaaŋ, heremɔ miyiwala kɛje wuoi akoji ateŋ.

Abe̱i 17:12

Ehi akɛ gbɔmɔ kɛ oshishibrishi yoo ni amɔ ebi akpe, fe nɔ ni ekɛ kwashia moŋ aaakpe yɛ ebuulufeemɔ mli.

Abe̱i 28:15

Nɔyelɔ fɔŋ ni yeɔ maŋbii ni anii yɔɔ mɔbɔ nɔ lɛ, etamɔ jata ni huuɔ loo oshishibrishi ni hiɛ ewo la.

Yesaia 5:29

Amɛhuuɔ tamɔ jata, amɛhuuɔ tamɔ jata oblahii pɛ; amɛshiɔ amɛsɛŋ ni amɛyeɔ kooloo ni amɛgbɔbiɔ lɛ nɔ, ni amɛmɔɔ lɛ kɛyaa, ni mɔ ko nyɛɛɛ kooloo ni amɛmɔ lɛ yiwala ahere.

Yeremia 13:23

Ani mɔdiŋ aaanyɛ ehewolo su etsake, aloo mlaŋtswi aaanyɛ ehe truntrãi lɛ etsake? Kɛji amɛaanyɛ lɛ, no lɛ nyɛ mɛi ni efɔŋfeemɔ eka nyɛnɔ nɛɛ, nyɛ hu nyɛaanyɛ ekpakpa nyɛfee.

Yeremia 5:6

No hewɔ lɛ, jata ko aaafã kɛaajɛ koo lɛ mli ebagbe amɛ; Klaŋ ko aaajɛ shiaŋa lɛ nɔ aba ni ebakpãtã amɛhiɛ. Mlaŋtswi ko ewo ka yɛ amɛmaji lɛ ahe; ni mɔ fɛɛ mɔ ni aaajɛ amɛmli aje kpo lɛ, eeetserɛ emli; ejaakɛ amɛtɔ̃mɔi lɛ fa tsɔ̃, kwamɔ ni amɛkwa mi lɛ naa wa.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Amos 3:12

Yehowa kɛɛ akɛ, “Bɔ ni tookwɛlɔ shɔ̃ɔ too shuɔji enyɔ loo etoi kuku kɛkɛ po yɛ jata daaŋ lɛ, nakai kɛji eshwɛ saatso tso kuku kɛkɛ loo saashwɛ tete akɛbaahere Israelbii ni yɔɔ Samaria lɛ ayiwala.”

Amos 5:19

nɔ ni baaba lɛ etamɔ mɔ ko ni joɔ jata naa foi, ni ekɛ oshishibrishi kpeɔ, loo be ni eba shĩa ni ekɛ enine mɔ gbogbo mli lɛ onufu kɔ̃ lɛ.

Habakuk 1:8

“Amɛkpɔŋɔi ahe yɛ oya fe mlaŋtswi, ni amɛhiɛ yɛ kramakrama fe klãji ni je ena amɛ kɛ hɔmɔ. Amɛkpɔŋɔnɔtalɔi lɛ jɛɔ shɔŋŋ amɛbaa; amɛshaneɔ shi kɛ foi tamɔ okropɔŋ shaneɔ shi eshaa eniyenii.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

Kpojiemɔ 12:13

Ni be ni drako lɛ na akɛ ashɛ lɛ afɔ̃ shikpɔŋ lɛ, etiu yoo lɛ ni fɔ binuu lɛ.

Kpojiemɔ 12:15

Ni onufu lɛ fɛ̃ nu ni tamɔ faa ko kɛjɛ edaaŋ eshwie yoo lɛ sɛɛ, koni nu lɛ asha lɛ kɛya.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:12

Ni etsuɔ klɛŋklɛŋ kooloo lɛ hegbɛ lɛ fɛɛ he nii yɛ ehiɛ, ni ehãa shikpɔŋ lɛ kɛ mɛi ni yɔɔ enɔ lɛ jaa klɛŋklɛŋ kooloo lɛ ni atsa egbele pilamɔ lɛ.

Kpojiemɔ 13:4

ni amɛja drako lɛ, ejaakɛ ekɛ hegbɛ lɛ ehã kooloo lɛ, ni amɛja kooloo lɛ hu amɛkɛɛ, “Namɔ tamɔ kooloo lɛ, ni namɔ aaanyɛ ekɛ lɛ awu?”

Kpojiemɔ 16:10

Ni bɔfo ni ji enumɔ lɛ fɔse etɔ lɛ mli nii lɛ eshwie kooloo lɛ maŋtsɛ sɛ̃i lɛ nɔ, ni emaŋtsɛyeli lɛ wo duŋ, ni gbɔmɛi kɔ̃mɔ amɛlilɛii yɛ nɔnaa lɛ hewɔ.

Kpojiemɔ 17:12

“Ni akloŋtoi nyɔŋma lɛ ni ona lɛ, maŋtsɛmɛi nyɔŋma ni, mɛi ni maŋtsɛyeli shɛko amɛdɛŋ, shi kɛ̃lɛ amɛbaana hegbɛ amɛye maŋtsɛ ŋmɛlɛtswaa kome kɛ kooloo lɛ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 20:2

Ni emɔ drako lɛ, blema onufu lɛ ni ji abonsam kɛ Satan hu lɛ, ni efi lɛ afii akpe,