Kpojiemɔ 13:15 - ŊMALƐ KRƆŊKRƆŊ LƐ

¹⁵ Ni ahã lɛ gbɛ ni ekɛ mumɔ ahã kooloo lɛ amãgã lɛ, koni kooloo lɛ amãgã lɛ awie tete, ni ehã agbe mɛi fɛɛ ni jaaa kooloo lɛ amãgã lɛ.

Ṅmãle̱ Kroṅkroṅ Le̱

¹⁵ Ni ahãle̱ hewale̱ ní eke̱ mumo̱ ahã kolo le̱ amãgã le̱, koni kolo le̱ amãgã le̱ awie tete, ni ehãa agbeo̱ mei fẽ ní dšáá kolo le̱ amãgã le̱.

Kpojiemɔ 13:15 ပူးပေါင်းရင်းမြစ်များ

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

Lalai 115:5

Amɛyɛ naabui, shi amɛwieee; amɛyɛ hiŋmɛii, shi amɛnaaa nii.

Yeremia 10:14

Gbɔmɔ fɛɛ gbɔmɔ lɛ kwashia ni leee nii ni; shikaŋaalɔ fɛɛ shikaŋaalɔ hiɛ shwieɔ shi yɛ emãgã hewɔ, ejaakɛ emãgãi ni eshwie lɛ apasa ni; ni wala mumɔ bɛ amɛmli.

Yeremia 10:5

Amɛmãgãi nɛɛ tamɔ blantu ni akɛshwieɔ kooloi yɛ waatrɛ ŋmɔ mli, amɛnyɛɛɛ amɛwie; ni holemɔ aholeɔ amɛ, ejaakɛ amɛnyɛɛɛ amɛnyiɛ. Nyɛkashea amɛ gbeyei, ejaakɛ amɛnyɛɛɛ efɔŋ ko amɛfee lɛ, amɛnyɛɛɛ ekpakpa hu amɛfee.

Yeremia 51:17

Adesa lɛ kwashia ni, enilee faaa; shikaŋaalɔ fɛɛ shikaŋaalɔ hiɛ egbo, yɛ amãgãi ni efee lɛ ahewɔ; lakamɔ nibii ni, ni mumɔ bɛ amɛmli.

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Habakuk 2:19

Kpoo hã bo mɔ ni okɛɔ tso akɛ, “Ohiɛ atsɛ̃!” Ni okɛɔ tɛ mumui hu akɛ, “Tee shi!” Ani amãgã baanyɛ ejie ninaa atsɔ̃ɔ bo? Naa, akɛ shika kɛ jwiɛtɛi baaha ehe nɛ, shi moŋ wala kome nɛkɛ bɛ emli.

Yakobo 2:26

Ejaakɛ tamɔ bɔ ni gbɔmɔtso ni mumɔ bɛ mli lɛ ji gbonyo lɛ, nakai nɔŋŋ hemɔkɛyeli ni nitsumɔi bɛ he lɛ hu ji hemɔkɛyeli ni egbo.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 13:12

Ni etsuɔ klɛŋklɛŋ kooloo lɛ hegbɛ lɛ fɛɛ he nii yɛ ehiɛ, ni ehãa shikpɔŋ lɛ kɛ mɛi ni yɔɔ enɔ lɛ jaa klɛŋklɛŋ kooloo lɛ ni atsa egbele pilamɔ lɛ.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 14:11

Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Kpojiemɔ 14:9

Ni bɔfo kroko ni ji etɛ̃ nyiɛ amɛsɛɛ, ni ekɛ gbee wulu kɛɛ, “Kɛji mɔ ko ja kooloo lɛ kɛ emãgã lɛ, ni ehe ekadi lɛ yɛ ehiɛŋtso nɔ loo enine nɔ lɛ,

Kpojiemɔ 16:2

Ni klɛŋklɛŋ bɔfo lɛ yi mli etee, ni eyafɔse etɔ lɛ mli nii lɛ eshwie shikpɔŋ lɛ nɔ; ni mɛi ni kooloo lɛ okadi yɔɔ amɛhe lɛ kɛ mɛi ni jaa emãgã lɛ famɔ faji fɔ̃ji ni waa mɔ he.

Kpojiemɔ 16:5

Ni minu nui lɛ anɔ bɔfo lɛ miikɛɛ, “Jalɔ ji bo, bo ni oyɔɔ, ni oyɛ, ni oji Mɔ krɔŋkrɔŋ lɛ, akɛni okojo nɛkɛ nɛɛ.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 17:17

Ejaakɛ Nyɔŋmɔ kɛwo amɛtsuii amli koni amɛfee eyiŋtoonii lɛ ni amɛhiɛ jwɛŋmɔ kome ni amɛkɛ amɛmaŋtsɛyeli lɛ ahã kooloo lɛ kɛyashi beyinɔ ni Nyɔŋmɔ wiemɔi lɛ aaaba mli.”

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 18:24

Ni emli ana gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ ala lɛ yɛ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.