Kpojiemɔ 13:14 - ŊMALƐ KRƆŊKRƆŊ LƐ

¹⁴ Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Ṅmãle̱ Kroṅkroṅ Le̱

¹⁴ ni *eke̱ okadii ni ená hegbe̱ ake̱ efe ye̱ kolo le̱ hĩe le̱ ešišiuo̱ mei ni yo̱ šikpoṅ le̱ no̱ le̱, ni ekē̱o̱ mei ní yo̱ šikpoṅ le̱ no̱ le̱ ake̱ amé̱fe amãgã ame̱hã kolo le̱ ní yo̱ klante nā pilamo̱ ní ehĩe kã le̱. *5 Mose 13,2-4.

Kpojiemɔ 13:14 ပူးပေါင်းရင်းမြစ်များ

2 Maŋtsɛmɛi 20:7

Kɛkɛ ni Yesaia kɛɛ maŋtsɛ tsuji lɛ akɛ, “Nyɛkɛ agbãmi adufao abaa! Aŋɔ eko akɛto asane lɛ nɔ, ni ehe baawa lɛ.”

2 Maŋtsɛmɛi 22:20

No hewɔ lɛ, naa, mahã ogbo yɛ hejɔlɛ mli, ni aaafu bo afata otsɛmɛi lɛ ahe, ni nɔ fɔŋ fɛɛ nɔ fɔŋ ni mahã aba biɛ nɛɛ nɔ lɛ, ohiŋmɛii enaŋ ekoeko.’ ” Ni hii lɛ ku amɛsɛɛ amɛbabɔ Maŋtsɛ Yosia amaniɛ lɛ.

2 Kronika 18:21

Mumɔ lɛ jie naa akɛ, ‘Matsɔ̃ Ahab gbalɔi lɛ alilɛi nɔ mahã amɛgba gbalɛ ni amale ni.’ Kɛkɛ ni Yehowa kɛɛ mumɔ lɛ akɛ, ‘Yaa koni oyalaka lɛ; ni onine baashɛ enɔ hu.’

Hiob 12:16

Lɛ edɛŋ hewalɛ kɛ nilee fɛɛ yɔɔ; mɔ ni eshishiuɔ mɔ kɛ mɔ ni ashishiuɔ lɛ fɛɛ lɛ, enɔ ji amɛ fɛɛ.

2 Mose 7:11

Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Ezekiel 14:9

“Ni kɛji nɔ ko aaalaka gbalɔ lɛ ni ewie wiemɔ ko lɛ, belɛ mi, Yehowa, mi ji mɔ ni laka nakai gbalɔ lɛ, ni mikɛ lɛ aaaye; makpãtã ehiɛ kɛaaje mimaŋ Israelbii lɛ ateŋ.

Ezekiel 16:17

Osaa oŋɔ ojwinei fɛɛfɛji ni ji mishika kɛ mijwiɛtɛi ni mihã bo lɛ eko okɛfee hii amãgãi ohã ohe, ni okɛ amɛbɔ ajwamãŋ.

Ezekiel 8:10

No hewɔ lɛ, mibote mli ni miyakwɛ; ni mina akɛ atɛŋ waamɔnii kɛ kooloi ni ahiɔ srɔtoi abɔ, kɛ Israel we lɛ wɔji lɛ fɛɛ amɛfonirii yɛ gbogbo lɛ he kɛbɔle kɛkpe.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 13:15

Ni ahã lɛ gbɛ ni ekɛ mumɔ ahã kooloo lɛ amãgã lɛ, koni kooloo lɛ amãgã lɛ awie tete, ni ehã agbe mɛi fɛɛ ni jaaa kooloo lɛ amãgã lɛ.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 14:11

Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Kpojiemɔ 14:9

Ni bɔfo kroko ni ji etɛ̃ nyiɛ amɛsɛɛ, ni ekɛ gbee wulu kɛɛ, “Kɛji mɔ ko ja kooloo lɛ kɛ emãgã lɛ, ni ehe ekadi lɛ yɛ ehiɛŋtso nɔ loo enine nɔ lɛ,

Kpojiemɔ 15:2

Ni mina nɔ ko tamɔ ashwishwɛ ŋshɔ ni akɛ lá efutu mli, ni mɛi ni eye kooloo lɛ kɛ emãgã lɛ kɛ ekadi lɛ kɛ egbɛi lɛ yibɔ lɛ nɔ kunim lɛ damɔ ashwishwɛ ŋshɔ lɛ naa, ni amɛhiɛ Nyɔŋmɔ saŋkui lɛ.

Kpojiemɔ 16:13

Ni mina mumɔi etɛ̃ ni he tseee ni tamɔ kɔkɔdenei miije kpo kɛmiijɛ drako lɛ daaŋ kɛ kooloo lɛ daaŋ kɛ amalegbalɔ lɛ daaŋ.

Kpojiemɔ 16:2

Ni klɛŋklɛŋ bɔfo lɛ yi mli etee, ni eyafɔse etɔ lɛ mli nii lɛ eshwie shikpɔŋ lɛ nɔ; ni mɛi ni kooloo lɛ okadi yɔɔ amɛhe lɛ kɛ mɛi ni jaa emãgã lɛ famɔ faji fɔ̃ji ni waa mɔ he.

Kpojiemɔ 18:23

Ni anaŋ kane la ko kwraa dɔŋŋ yɛ omli, ni anuŋ ayɛmforo wu kɛ ayɛmforo gbee kwraa dɔŋŋ yɛ omli; ejaakɛ ojarayelɔi lɛ ji shikpɔŋ lɛ nɔ gbɔmɛi wuji, ni okunyaayeli lɛ akɛshishiu jeŋmaji lɛ fɛɛ.”

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.