Kpojiemɔ 12:9 - ŊMALƐ KRƆŊKRƆŊ LƐ

⁹ Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Ṅmãle̱ Kroṅkroṅ Le̱

⁹ Ni *ašé̱ drako kpeteṅkple le̱ afõ, moni dši †blema onũfũ le̱ ní atšé̱o̱le̱ diabolo (nāflo̱lo̱ lo abonsam) le̱ ke̱ satan (henye̱lo̱) le̱ ní šišiuo̱ dšeṅ mū le̱ fẽ le̱, ašé̱le̱ afõ šikpoṅ le̱ no̱, ni aše̱re̱ ebo̱foi le̱ hũ aſie afata ehe. *Luk 10,18. Ioh 12,31. †1 Mose 3,1. 14.

Kpojiemɔ 12:9 ပူးပေါင်းရင်းမြစ်များ

1 Mose 3:1

Onufu ji kooloo ko ni le ŋaa fe kooloi fɛɛ ni Nuŋtsɔ Nyɔŋmɔ bɔ lɛ. Ebi yoo lɛ akɛ, “Lɛɛlɛŋ akɛ Nyɔŋmɔ kɛɛ akɛ trom lɛ mli tsei ayibii lɛ fɛɛ lɛ nyɛkaye lɛ?”

1 Mose 3:13

Nuŋtsɔ Nyɔŋmɔ kɛɛ yoo lɛ akɛ, “Mɛni ofee nɛɛ?” Ni yoo lɛ kɛɛ, “Onufu lɛ ni laka mi ni miye.”

1 Kronika 21:1

Yɛ mli aahu lɛ, satan te shi ewo Israel, ni ewo David yiŋ akɛ ekane Israel yikulɛ.

2 Kronika 18:21

Mumɔ lɛ jie naa akɛ, ‘Matsɔ̃ Ahab gbalɔi lɛ alilɛi nɔ mahã amɛgba gbalɛ ni amale ni.’ Kɛkɛ ni Yehowa kɛɛ mumɔ lɛ akɛ, ‘Yaa koni oyalaka lɛ; ni onine baashɛ enɔ hu.’

Lalai 109:6

Amɛkɛɔ akɛ, “Fãa yiwalɔ ko owo ehe, hã naafolɔlɔ ko afolɔ enaa.

Yesaia 14:12

“Bo Tooloo, Jetsɛremɔ okadi, te aye tɛŋŋ ni ojɛ ŋwɛi obaagbee shi nɛɛ? Te aye tɛŋŋ ni, bo ni oba majimaji ashi lɛ, akɛ bo etswa shi nɛɛ?

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Yesaia 65:25

Klaŋ kɛ too gwantɛŋbi aaakpe nii yɛ he kome, ni jata aaaye jwɛi tamɔ tsina; ni onufu lɛ sũ aaafee eniyenii. Ayeŋ awui ko, ni akpãtãŋ nii ahiɛ dɔŋŋ yɛ Zion, migɔŋ krɔŋkrɔŋ lɛ nɔ fɛɛ,” Yehowa kɛɛ.

Ezekiel 28:16

Ojarayeli shweremɔ hewɔ lɛ awuiyeli yi bo obɔ̃, ni ofee esha; ni no hewɔ ni mishwie bo kɛje Nyɔŋmɔ gɔŋ lɛ nɔ; ni bɔfo ni buɔ ohe lɛ shwie bo kɛje tɛi ni tsoɔ tamɔ la lɛ ateŋ.

Mateo 13:39

henyɛlɔ ni du amɛ lɛ ji abonsam; ŋmaakpamɔbe lɛ ji je nɛɛŋ naagbee lɛ; ni ŋmaakpalɔi lɛ ji ŋwɛi bɔfoi.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Mateo 4:1

Kɛkɛ ni Mumɔ lɛ ŋɔ Yesu kɛtee ŋa nɔ, koni abonsam ayaka lɛ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Mateo 4:5

Kɛkɛ ni abonsam lɛ ŋɔ lɛ kɛtee maŋ krɔŋkrɔŋ lɛ mli, ni ekɛ lɛ yadamɔ Sɔlemɔ we lɛ yiteŋ he ni yɔɔ shɔ̃shɔ̃ɔshɔ̃ lɛ,

Mateo 4:8

Asaŋ abonsam lɛ ŋɔ lɛ kɛtee gɔŋ ni kwɔ somromoo ko nɔ, ni ekɛ jeŋ maŋtsɛyelii fɛɛ kɛ amɛnunyam lɛ tsɔ̃ɔ lɛ;

Luka 10:18

Shi Yesu kɛɛ amɛ akɛ, “Mina Satan jɛ ŋwɛi bagbee shi tamɔ srawa.

Luka 13:16

Shi nɛkɛ yoo nɛɛ ni ji Abraham biyoo ni Satan efi lɛ nɛkɛ afii nyɔŋma kɛ kpaanyɔ nɛɛ lɛ, ani ejaaa akɛ afɛneɔ lɛ yɛ nɛkɛ kpãa nɛɛ mli yɛ hejɔɔmɔ gbi lɛ nɔ lo?”

Luka 22:3

Shi Satan yabote Yuda mɔ ni atsɛɔ lɛ Iskariot ni ji mɛi nyɔŋma kɛ enyɔ lɛ ateŋ mɔ kome lɛ mli.

Luka 22:31

Shi Nuŋtsɔ lɛ kɛɛ, “Simon, Simon, naa, Satan ena hegbɛ, koni esha nyɛ mli tamɔ ŋmaa.

Luka 8:12

Gbɛ toi bii lɛ ji mɛi ni nuɔ, shi abonsam baa ni ebashaa wiemɔ lɛ yɛ amɛtsuiiaŋ, koni amɛkahe amɛye ni ahere amɛyiwala.

Yohane 12:31

Agbɛnɛ je nɛɛŋ kojomɔ lɛ eshɛ; agbɛnɛ abaafã je nɛɛŋ lumɔ lɛ ashɛ afɔ̃.

Yohane 14:30

Mikɛ nyɛ ewieŋ nibii pii dɔŋŋ, ejaakɛ je lɛ mli lumɔ lɛ miiba, ni ebɛ hewalɛ ko yɛ minɔ;

Yohane 16:11

eeekã je lɛ yɛ kojomɔ he, ejaakɛ akojo je nɛɛŋ lumɔ lɛ momo.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 5:3

Shi Petro kɛɛ, “Anania, mɛɛba Satan yi otsuiŋ obɔ̃, ni omale otsɔ̃ɔ Mumɔ Krɔŋkrɔŋ lɛ, ni okɛ shikpɔŋ lɛ yinii lɛ eko to sɛɛ?

Romabii 16:18

Ejaakɛ mɛi ni yɔɔ nɛkɛ lɛ, jeee wɔ Nuŋtsɔ Yesu Kristo amɛsɔ̃mɔɔ, shi moŋ amɛ diɛŋtsɛ amɛmusu; ni amɛkɛ naaŋɔ̃ɔmɔ kɛ naadɔkɔmɔ wiemɔi lakaa mɛi ni leee efɔŋ lɛ.

Romabii 16:20

Shi etsɛŋ ni hejɔlɛ Nyɔŋmɔ lɛ aaanaanaa Satan nɔ kwraa yɛ nyɛnajiashi. WɔNuŋtsɔ Yesu Kristo dromɔ lɛ kɛ nyɛ ahi shi.

2 Korintobii 11:14

Ni enɛ bɛ naakpɛɛ tete ejaakɛ Satan diɛŋtsɛ tsakeɔ ehe etsɔ̃ɔ la bɔfo;

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

2 Korintobii 12:7

Shi bɔ ni afee ni mikawo mihe nɔ tuutu ko yɛ kpojiemɔi lɛ adaramɔ ni amɛdara kɛtɛke nɔ lɛ hewɔ lɛ, ahã mi ŋmei ko yɛ miheloo mli, ni ji Satan bɔfo, koni egbala mi mai, ni mikawo mihe nɔ tuutu.

2 Korintobii 2:11

koni Satan nine akashɛ wɔnɔ, ejaakɛ wɔle eŋaatsɔ̃i lɛ.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

1 Timoteo 2:14

Ni jeee Adam alaka lɛ, shi yoo lɛ alaka lɛ, ni ebote nɔtɔmɔ mli.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Yuda 1:9

Shi bɔfonukpa Mikael lɛ, be ni ekɛ abonsam yiyiɔ ni ekɛ lɛ taa naa yɛ Mose gbonyo lɛ he lɛ, ekaaa akɛ eeebu lɛ fɔ ko, shi moŋ ekɛɛ, “Kã Nuŋtsɔ lɛ aaakã ohiɛ!”

Kpojiemɔ 12:12

No hewɔ lɛ, nyɛ ŋwɛii kɛ nyɛ mɛi fɛɛ ni nyɛyɔɔ jɛi, nyɛnaa tsuijurɔ! Shi kpoo hã shikpɔŋ lɛ kɛ ŋshɔ lɛ! Ejaakɛ abonsam lɛ ekpeleke shi kɛba nyɛŋɔɔ, egri naakpa, ejaakɛ ele akɛ be fioo kɛkɛ eyɔɔ.”

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 12:7

Ni ta te shi yɛ ŋwɛi, Mikael kɛ ebɔfoi lɛ fã drako lɛ nɔ ta. Ni drako lɛ bɔfoi fata ehe kɛwu,

Kpojiemɔ 12:8

ni aye drako kɛ ebɔfoi lɛ anɔ, ni asaŋ amɛnaaa gbɛ dɔŋŋ yɛ ŋwɛi.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 18:2

ni ekɛ̃ ehe shi ebo ekɛɛ, “Egbee shi, Babilon kpeteŋkple lɛ egbee shi, ni etsɔ̃ mumɔi fɔ̃ji ashihilɛhe, kɛ mumɔi ni he tseee fɛɛ atsu kɛ loofɔlɔ fɛɛ loofɔlɔ ni he tseee ni anyaŋeɔ hu tsu.

Kpojiemɔ 18:23

Ni anaŋ kane la ko kwraa dɔŋŋ yɛ omli, ni anuŋ ayɛmforo wu kɛ ayɛmforo gbee kwraa dɔŋŋ yɛ omli; ejaakɛ ojarayelɔi lɛ ji shikpɔŋ lɛ nɔ gbɔmɛi wuji, ni okunyaayeli lɛ akɛshishiu jeŋmaji lɛ fɛɛ.”

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 2:24

“Shi miikɛɛ nyɛ, nyɛ mɛi ni eshwɛ yɛ Tiatira lɛ, mɛi abɔ ni ehiɛɛɛ tsɔ̃ɔmɔ nɛɛ mli ni amɛleee ‘Satan teemɔŋ nibii ni mli kwɔlɔ’, tamɔ bɔ ni amɛtsɛɔ lɛ lɛ, akɛ, Mikɛ jatsu kroko eŋmɛŋ nyɛnɔ;

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:8

ni ebaaje kpo ni eyashishiu jeŋmaji lɛ ni yɔɔ shikpɔŋ koji ejwɛ lɛ, Gog kɛ Magog, koni ebua amɛnaa kɛkpe ni amɛya ta. Amɛyifalɛ tamɔ ŋshɔ naa shia.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.

Kpojiemɔ 9:1

Ni bɔfo ni ji enumɔ lɛ kpã etɛtrɛmantrɛ lɛ, ni mina ŋulami ko jɛ ŋwɛi bagbee shikpɔŋ lɛ nɔ, ni akɛ bu kwɔŋkwɔŋ lɛ naa samfee lɛ hã lɛ.

Kpojiemɔ 9:20

Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.