Kpojiemɔ 12:14 - ŊMALƐ KRƆŊKRƆŊ LƐ

¹⁴ Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Ṅmãle̱ Kroṅkroṅ Le̱

¹⁴ Ni aṅõ okropoṅ kpeteṅkple le̱ fĩdši enyo̱ le̱ ahã yō le̱, koni efliki *ke̱-ya ṅã le̱ no̱ ye̱ egbe̱he le̱, heni alè̱o̱le̱ ye̱ †be ke̱ bei ke̱ be fã ke̱-dše̱ onũfũ le̱ hĩe le̱. *K. 6. †Dan. 7,25; 12,7.

Kpojiemɔ 12:14 ပူးပေါင်းရင်းမြစ်များ

Lalai 55:6

Ni mikɛɛ akɛ, “Mina ni miyɛ fiji tamɔ okpo, kulɛ mafliki kɛaatee koni mayajɔɔ mihe.

2 Mose 19:4

‘Nyɛ diɛŋtsɛ nyɛna nɔ ni mifee Ijiptbii lɛ, kɛ bɔ ni mihiɛ nyɛ kɛ hewalɛ tamɔ okropɔŋ, ni mikɛ nyɛ bashɛ miŋɔɔ yɛ biɛ nɛɛ lɛ.

Yesaia 40:31

Shi mɛi ni hiɛ kã Yehowa nɔ lɛ, amɛaana hewalɛ hee: amɛaafliki tamɔ okropɔŋ amɛaajo foi, ni etɔŋ amɛ amɛaanyiɛ hu, ni amɛgbɔjɔŋ.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 17:3

Ni bɔfo lɛ kpala mi yɛ mumɔ mli kɛtee ŋa nɔ. Ni mina yoo ko ta kooloo tsuru fɔɔ ko nɔ ni kooloo nɛɛ he fɛɛ lɛ musubɔɔ gbɛii sɔŋŋ, ni eyɛ yitsei kpawo kɛ akloŋtoi nyɔŋma.