Kpojiemɔ 12:12 - ŊMALƐ KRƆŊKRƆŊ LƐ

¹² No hewɔ lɛ, nyɛ ŋwɛii kɛ nyɛ mɛi fɛɛ ni nyɛyɔɔ jɛi, nyɛnaa tsuijurɔ! Shi kpoo hã shikpɔŋ lɛ kɛ ŋshɔ lɛ! Ejaakɛ abonsam lɛ ekpeleke shi kɛba nyɛŋɔɔ, egri naakpa, ejaakɛ ele akɛ be fioo kɛkɛ eyɔɔ.”

Ṅmãle̱ Kroṅkroṅ Le̱

¹² Nohewo le̱ nye ṅweii ke̱ nye mei ní nyeyo̱ dše̱i nyenáa tšuidšŭrõ! Kpóo hã mei ní yo̱ šikpoṅ le̱ no̱ ke̱ ṅšo̱ hĩe le̱! edšake̱ abonsam le̱ ekpleke ši ke̱-ba nyeṅõ, egri naakpa, ni ele ake̱ be fiō ke̱ke̱ eyo̱.

Kpojiemɔ 12:12 ပူးပေါင်းရင်းမြစ်များ

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 49:13

“Ŋwɛi, lá kɛ miishɛɛ! Shikpɔŋ, bɔɔ oshe kɛ nyamɔ! Gɔji, nyɛlaa nyamɔ lala! Ejaakɛ Yehowa eshɛje emaŋ lɛ mii; ni emɛi ni nii yɔɔ mɔbɔ lɛ, emusuŋ aaatsɔ̃ lɛ yɛ amɛhe.

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Hebribii 10:37

Ejaakɛ, “Be fioo kɛkɛ eshwɛ ni mɔ ni baa lɛ aaaba, ni etsɛŋ kwraa.

2 Petro 3:8

Shi, suɔmɔmɛi, nyɛhiɛ akakpaa sane kome nɛɛ nɔ, akɛ Nuŋtsɔ lɛ hiɛ lɛ, gbi kome tamɔ afii akpe, ni afii akpe hu tamɔ gbi kome.

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 11:10

Ni mɛi ni yɔɔ shikpɔŋ lɛ nɔ lɛ aaanya yɛ amɛnɔ ni amɛmli aaafli amɛ, ni amɛ aaamajemajee amɛhe keenii, ejaakɛ nɛkɛ gbalɔi enyɔ nɛɛ piŋ mɛi ni yɔɔ shikpɔŋ lɛ nɔ lɛ.

Kpojiemɔ 11:14

Kpoo ni ji enyɔ lɛ eho; naa, kpoo ni ji etɛ̃ lɛ miiba oya.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:6

Ni egbele enaa ewie musubɔɔ wiemɔi eshi Nyɔŋmɔ, ni ewie egbɛi lɛ kɛ eshihilɛhe lɛ kɛ mɛi ni yɔɔ ŋwɛi lɛ ahe musubɔɔ wiemɔi.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 8:13

Ni mikwɛ, ni minu okropɔŋ ko miifiliki yɛ ŋwɛi kɛ shikpɔŋ teŋ, ni ekɛ gbee ni wa kɛɛ, “Kpoo! Kpoo! Kpoo hã mɛi ni yɔɔ shikpɔŋ lɛ nɔ lɛ yɛ bɔfoi etɛ̃ ni eshwɛ lɛ atɛtrɛmantrɛi ni amɛbaakpã lɛ agbɛɛmɔi lɛ ahewɔ!”

Kpojiemɔ 9:12

Kpoo kome eho; naa, kpoi enyɔ miiba lolo yɛ nii nɛɛ asɛɛ.