Kpojiemɔ 12:11 - ŊMALƐ KRƆŊKRƆŊ LƐ

¹¹ Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Ṅmãle̱ Kroṅkroṅ Le̱

¹¹ Ni ame̱ le̱, *tōbi le̱ lá le̱ ke̱ ame̱dientše̱ †ame̱daseyeli wiemo le̱ **ame̱ke̱-ye eno̱ kũnim, ni ame̱do̱o̱ ame̱dientše̱ ame̱wala he ke̱-yaši gbĕle mli tete. *7,14. †12,17. **Rom. 8,37.

Kpojiemɔ 12:11 ပူးပေါင်းရင်းမြစ်များ

Luka 14:26

“Kɛji mɔ ko miiba miŋɔɔ ni enyɛɛɛ etsɛ kɛ enyɛ kɛ eŋa kɛ ebii kɛ enyɛmimɛi hii kɛ enyɛmimɛi yei kɛ lɛ diɛŋtsɛ esusuma hu tete lɛ, enyɛŋ etsɔ̃ mikaselɔ.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 21:13

Shi ehere nɔ ekɛɛ, “Mɛni nyɛfeɔ nɛɛ, nyɛmiifo ni nyɛkɛmiiwo mi awerɛho? Mi lɛ, jeee fii kɛkɛ misaa mihe mito, shi moŋ gbele diɛŋtsɛ yɛ Nuŋtsɔ Yesu gbɛi lɛ hewɔ yɛ Yerusalɛm.”

Romabii 16:20

Shi etsɛŋ ni hejɔlɛ Nyɔŋmɔ lɛ aaanaanaa Satan nɔ kwraa yɛ nyɛnajiashi. WɔNuŋtsɔ Yesu Kristo dromɔ lɛ kɛ nyɛ ahi shi.

1 Korintobii 15:57

Shi shidaa ahã Nyɔŋmɔ, mɔ ni tsɔ̃ɔ wɔNuŋtsɔ Yesu Kristo nɔ ehãa wɔyeɔ kunim lɛ.

1 Yohane 4:4

Mibii bibii, nyɛ lɛ nyɛjɛ Nyɔŋmɔ mli ni nyɛye amalegbalɔi lɛ anɔ kunim; ejaakɛ Mumɔ ni yɔɔ nyɛmli lɛ da fe mumɔ ni yɔɔ je lɛ mli lɛ.

1 Yohane 5:5

Ni namɔ ji mɔ ni yeɔ je lɛ nɔ kunim lɛ, akɛ ja mɔ ni heɔ yeɔ akɛ Yesu ji Nyɔŋmɔ Bi lɛ?

Kpojiemɔ 1:2

Yohane ye Nyɔŋmɔ wiemɔ lɛ kɛ Yesu Kristo odase lɛ he odase, yɛ nibii fɛɛ ni ena lɛ he.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 11:7

Ni kɛ amɛgbe amɛdaseyeli lɛ naa lɛ, kooloo lɛ ni jɛ bu kwɔŋkwɔŋ lɛ mli lɛ kɛ amɛ baawu ta, ni eeeye amɛnɔ kunim, ni eeegbe amɛ;

Kpojiemɔ 12:17

Kɛkɛ ni drako lɛ mli fu yoo lɛ, ni eyiŋ etee ni ekɛ yoo lɛ shwiei ni eshwɛ ni yeɔ Nyɔŋmɔ kitãi lɛ anɔ ni amɛhiɛ Yesu Kristo odase lɛ mli lɛ ayawu.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 2:26

Ni kunimyelɔ lɛ kɛ mɔ ni hiɛɔ minitsumɔi lɛ amli kɛyashiɔ naagbee lɛ, mahã lɛ hegbɛ yɛ jeŋmaji lɛ anɔ,

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.

Kpojiemɔ 6:9

Ni be ni etse naasɔomɔ ni ji enumɔ lɛ, mina mɛi ni agbe yɛ Nyɔŋmɔ wiemɔ lɛ kɛ odase ni amɛye lɛ hewɔ lɛ asusumai yɛ afɔleshãa latɛ lɛ shishi.