Kpojiemɔ 12:1 - ŊMALƐ KRƆŊKRƆŊ LƐ

¹ Ni ana naakpɛɛ okadi kpeteŋkple ko yɛ ŋwɛi: yoo ko ni hulu ha ehe, ni nyɔɔŋtsere yɛ enajiaŋshi, ni ŋulamii nyɔŋma kɛ enyɔ akekre fi eyitso.

Ṅmãle̱ Kroṅkroṅ Le̱

¹ Ni ana okadi kpeteṅkple ko ye̱ ṅwei: yō ko ní ke̱ hũlũ eha ehe, ní nyoṅtšĕre yo̱ enãdšiaši, ni ṅulamii nyoṅma ke̱ enyo̱ akekre fĩ eyitšo;

Kpojiemɔ 12:1 ပူးပေါင်းရင်းမြစ်များ

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

Lalai 104:2

Oha la tamɔ ahaa mama, ni olɛɛ ŋwɛi mli oha shi tamɔ buu.

Lalai 84:11

Ejaakɛ Yehowa, Nyɔŋmɔ lɛ, hulu kɛ tsɛŋ fɛɛ ji lɛ; eduroɔ mɔ, ni ewoɔ mɔ hiɛ nyam. Mɛi ni feɔ nɔ ni ja gbɛ lɛ Yehowa kãmãaa amɛ nɔ kpakpa ko nɔ kpakpa ko.

Salomo Lalai 6:10

Namɔ pueɔ tamɔ leebi hulu nɛɛ, ni ehe yɔɔ fɛo tamɔ nyɔɔŋtsere, ni ehe tse tamɔ hulu, ni ehe yɔɔ gbeyei tamɔ tabilɔi ni hiɛ aflaŋai nɛɛ?

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 62:3

Oootsɔ̃ tamɔ akekre fɛɛfɛo yɛ Yehowa dɛŋ; oootsɔ̃ tamɔ maŋtsɛ fai yɛ oNyɔŋmɔ lɛ dɛŋ.

Zakaria 9:16

Nakai gbi lɛ nɔ lɛ, Yehowa, amɛNyɔŋmɔ lɛ aaahere amɛyiwala; ejaakɛ etooku ji amɛ; Amɛaakpɛlɛ yɛ eshikpɔŋ lɛ nɔ tamɔ akekre he ojarawatɛi.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Mateo 12:38

Kɛkɛ ni mlatsɔɔlɔi kɛ Farisifoi lɛ ateŋ mɛi komɛi here nɔ ni amɛkɛɛ, “Tsɔɔlɔ, wɔmiitao onine naa okadi ko wɔkwɛ.”

Mateo 24:30

Kɛkɛ lɛ Gbɔmɔ Bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei lɛ fɛɛ aaawo yara, ni amɛaana Gbɔmɔ Bi lɛ ni eeba yɛ ŋwɛi atatui lɛ anɔ kɛ hewalɛ kɛ anunyam babaoo.

Marko 13:25

ni ŋulamii aaatserɛ kɛjɛ ŋwɛi atswia shi, ni aaahoso hewalɛi ni yɔɔ ŋwɛi lɛ.

Luka 21:11

ni shikpɔŋ hosomɔi ni naa wa aaaba hei srɔtoi fɛɛ, kɛ hɔ̃ji kɛ gbele helai, ni gbeyei nibii kɛ okadii wuji aaajɛ ŋwɛi aba.

Luka 21:25

“Ni okadii aaaba hulu kɛ nyɔɔŋtsere kɛ ŋulamii amli, ni jeŋmaji lɛ ahe aaajara amɛ yɛ shikpɔŋ lɛ nɔ, ni amɛaafee yeyeeye yɛ ŋshɔ gbɛɛmɔ kɛ ŋshɔkei akuumɔ hewɔ;

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

Bɔfoi 2:19

Ni mahã naakpɛɛnii aba ŋwɛi, ni okadii hu aba shikpɔŋ lɛ nɔ, lá kɛ la kɛ lasu lamɔ.

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

Galatabii 3:27

ejaakɛ nyɛ mɛi abɔ ni abaptisi nyɛ awo Kristo mli lɛ, nyɛwo Kristo.

Galatabii 4:26

shi ŋwɛi Yerusalɛm lɛ ji odehe lɛ, ni ji wɔnyɛ lɛ.

Galatabii 6:14

Shi mi lɛ, akagbale mi fɔ̃ŋfɔ̃ akɛ mashwã mafɔ̃ nɔ ko nɔ akɛ ja wɔNuŋtsɔ Yesu Kristo sɛŋmɔtso lɛ, nɔ nɔ ni atsɔ̃ asɛŋ je lɛ ahã mi, ni mi hu asɛŋ mi ahã je lɛ.

Efesobii 5:32

Teemɔ sane ni tsii nɛ; mi lɛ mikɛtoɔ Kristo kɛ asafo lɛ he.

Kpojiemɔ 1:20

Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 21:14

Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.