Kpojiemɔ 11:9 - ŊMALƐ KRƆŊKRƆŊ LƐ

⁹ Ni mɛi komɛi ni jɛ maji lɛ kɛ akutsei lɛ kɛ maji anɔ wiemɔi lɛ kɛ jeŋmaji lɛ amli lɛ aaakwɛ amɛgbohii lɛ gbii etɛ̃ kɛ fã, ni amɛkpɛlɛ̃ŋ ni afu amɛ.

Ṅmãle̱ Kroṅkroṅ Le̱

⁹ Ni mãdši le̱ ke̱ akutšei le̱ ke̱ mãdšiano̱wiemo̱i le̱ ke̱ dšeṅmãdši le̱ ateṅ meikomei aakwe̱ ame̱gbohĩĩ le̱ gbĩĩ etẽ ke̱ fã, ni ame̱kplẽṅ ní aṅõ ame̱gbohĩĩ le̱ ato fū̃hei amli.

Kpojiemɔ 11:9 ပူးပေါင်းရင်းမြစ်များ

1 Maŋtsɛmɛi 13:22

ni oku osɛɛ oba obaye nii, ni onu nii, yɛ he ni ekɛɛ bo yɛ he akɛ, ‘Kaaye nii, ni kaanu nɔ ko hu yɛ jɛi,’ lɛ nɛɛ lɛ, gbo ooogbo, ni ogbonyo eyaŋ otsɛmɛi lɛ afũuhe lɛ.”

Jajelɔ 6:3

Kɛji mɔ ko fɔ bii oha, ni ewala sɛɛ tsɛ, ni eye afii babaoo, shi eyeee jeŋ nibii kpakpai amli ŋɔɔmɔ lɛ eko, ni enaaa fuu kpakpa hu lɛ, miikɛɛ akɛ abifao ni ashrake tete nɔ hi fe lɛ.

Yesaia 33:1

Kpoo hã bo, fitelɔ, bo mɔ ni bo diɛŋtsɛ lɛ afiteko bo. Kpoo hã bo, bo mɔshishinyiɛlɔ ni mɔ ko enyiɛko oshishi. Kɛji ogbe onifitemɔ lɛ naa lɛ, bo hu abaakpãtã ohiɛ; ni kɛji ogbe mɔshishinyiɛmɔ lɛ naa lɛ, bo hu abaanyiɛ oshishi.

Yeremia 7:33

Ni nɛkɛ maŋ nɛɛ gbohii lɛ baatsɔ̃ niyenii ahã ŋwɛi loofɔji kɛ shikpɔŋ nɔ kooloi, ni mɔ ko mɔ ko eshwieŋ amɛ.

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

Kpojiemɔ 10:11

Ni akɛɛ mi akɛ, “Esa akɛ ogba gbalɛ ni kɔɔ maji kɛ jeŋmaji kɛ majianɔ wiemɔi kɛ maŋtsɛmɛi pii ahe ekoŋŋ.”

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Kpojiemɔ 13:7

Ni ahã lɛ hegbɛ ni ekɛ krɔŋkrɔŋbii lɛ awu ni eye amɛnɔ kunim; ni ahã lɛ hegbɛ yɛ akutso fɛɛ akutso kɛ maŋ fɛɛ maŋ kɛ maji anɔ wiemɔi fɛɛ kɛ jeŋmaŋ fɛɛ jeŋmaŋ nɔ.

Kpojiemɔ 17:15

Ni bɔfo lɛ kɛɛ mi akɛ, “Nui lɛ ni ona ni yoo ajwamãŋ lɛ ta nɔ lɛ ji maji kɛ asafoi kɛ jeŋmaji kɛ maji anɔ wiemɔi.

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.