Kpojiemɔ 11:3 - ŊMALƐ KRƆŊKRƆŊ LƐ

³ Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”

Ṅmãle̱ Kroṅkroṅ Le̱

³ Ni mahã midasefoi enyo̱ le̱ awo kpekpe ni ame̱agba *gbĩĩ akpe ke̱ ohai-enyo̱ ke̱ nyoṅmai-ekpa. *K. 2.

Kpojiemɔ 11:3 ပူးပေါင်းရင်းမြစ်များ

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

2 Samuel 3:31

David fã Yoab kɛ ewebii lɛ fɛɛ ni ekɛnyiɛ lɛ akɛ, “Nyɛgbalaa nyɛhe atadei, ni nyɛbua kpekpe nyɛwoa yara nyɛfoa.” Maŋtsɛ David nyiɛ Abner gbonyo adeka lɛ sɛɛ.

1 Maŋtsɛmɛi 21:27

Be ni Ahab nu wiemɔi nɛɛ lɛ, egbala etadei lɛ yɛ ehe, ni ekɔ kpekpe ebu, ni ehi ŋmãa, ni ebuɔ kpekpe lɛ tete kɛwɔɔ, ni eyaa ni ebaa ni efee gblinii.

2 Maŋtsɛmɛi 19:1

Eba mli akɛ be ni Maŋtsɛ Hezekia nu wiemɔi nɛɛ lɛ ekɛ dɔlɛ gbala etadei yɛ ehe, ni ekɔ kpekpe ebu, ni eyiŋ etee Yehowa we lɛ.

1 Kronika 21:16

David yaawo ehiɛ nɔ lɛ naa Yehowa bɔfo lɛ damɔ ŋwɛi kɛ shikpɔŋ teŋ, ni klante hiɛ edɛŋ, ni ekpã enine mli yɛ Yerusalɛm nɔ. Kɛkɛ ni David kɛ maŋ onukpai ni ekɛ amɛ bumɔ kpekpe lɛ kɛ amɛhiɛ bu shi.

Nehemia 9:1

Nakai nyɔŋ lɛ nɔ gbi ni ji nyɔŋmai enyɔ kɛ ejwɛ lɛ nɔ lɛ, Israelbii lɛ bakpe. Amɛhi ŋmãa; amɛbumɔ kpekpe, ni amɛkɛ mlu wo amɛyiteŋ.

Hiob 16:15

Mikpɛ kpekpe miha miheloo he. Naa mi, mita mlu mli tamɔ mɔ ni aye enɔ kunim.

Lalai 69:11

Kɛji mibu kpekpe po, amɛboɔ mi “tsia!”

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yeremia 1:10

Ni kɛjɛ ŋmɛnɛ lɛ, mihã bo hewalɛ yɛ maji lɛ kɛ maŋtsɛyelii lɛ anɔ, koni ofãmɔ nii, ni okumɔ oshwie shi, koni okpãtã hiɛ, ni obutu, ni osaa otswa oma shi ni otɛo ekoŋŋ.”

Yāfó 2:10

Zion maŋ onukpai lɛ shwata shikpɔŋ, ni amɛfee diŋŋ. Amɛloo mlu amɛwo amɛyiteiaŋ, ni amɛbumɔ kpekpe. Yerusalɛm oblayei lɛ emamɔ amɛhiɛ shi.

Ezekiel 4:6

Kɛ ogbe nakai gbii lɛ anaa lɛ, obaakã shi ekoŋŋ, nɔ ni ji shii enyɔ, agbɛnɛ lɛ kã oninejurɔ nɔ, ni okɛtere Yuda we lɛ tɔ̃mɔ lɛ. Mihao gbii nyɔŋmai ejwɛ ni okɛkã shi, ni gbi kome lɛ afi ni.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yona 3:5

Ninevebii lɛ he Nyɔŋmɔ nɔ amɛye; ni no hewɔ lɛ, amɛfã akɛ, kɛjɛ mɔ wulu nɔ aahu kɛyashi mɔ bibioo nɔ lɛ, ahi ŋmaa, ni abu kpekpe kɛtsɔ̃ɔ akɛ amɛje amɛhe sɛɛ.

Yona 3:8

shi moŋ gbɔmɔ kɛ kooloo fɛɛ abu kpekpe, ni mɔ fɛɛ mɔ asɔle kɛ hiɛdɔɔ atsɛ Nyɔŋmɔ; asaŋ mɔ fɛɛ mɔ atsake ejeŋba gbonyo lɛ, ni akpa yitsoŋwalɛ sane ni akɛyeɔ mɛi lɛ,

4 Mose 11:26

Maŋ onukpai ni Mose hala lɛ ateŋ hii enyɔ komɛi, mɔ kome gbɛi ji Eldad, ni mɔ kome hu gbɛi ji Medad, naaa afata maŋ onukpai lɛ ahe kɛya Kpee Buu lɛ he. Kɛ̃lɛ mumɔ lɛ yi amɛ hu amɛnɔ, ni amɛgba yɛ shitoohe lɛ mli.

Mateo 11:21

“Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, eji atsu yɛ Tiro kɛ Sidon kulɛ amɛtsake amɛtsui yɛ kpekpe kɛ lamlu mli jeeŋmɔ.

Mateo 18:16

Shi kɛji ebooo bo toi lɛ, kɛ mɔ kome loo mɛi enyɔ afata ohe, koni odasefoi enyɔ loo etɛ̃ daaŋ wiemɔ naa lɛ sane fɛɛ sane ama shi.

Luka 10:13

“Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, Tiro kɛ Sidon atsu yɛ jikulɛ amɛtara kpekpe kɛ lamlu mli amɛtsake amɛtsui jeeŋmɔ.

Luka 24:48

Ni nyɛ ji nɛkɛ nii nɛɛ ahe odasefoi.

Yohane 15:27

ni nyɛ hu nyɛaaye odase, ejaakɛ nyɛkɛ mi yɔɔ kɛjɛ shishijee.”

Yohane 3:27

Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 13:31

Ni ejie ehe kpo gbii pii etsɔ̃ɔ mɛi ni kɛ lɛ jɛ Galilea ba Yerusalɛm lɛ, ni amɛ ji odasefoi ha maŋ lɛ.

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

1 Korintobii 12:28

Ni klɛŋklɛŋ lɛ, Nyɔŋmɔ wo mɛi komɛi bɔfoi yɛ asafo lɛ mli, nɔ ni ji enyɔ lɛ, gbalɔi, nɔ ni ji etɛ̃ lɛ, tsɔɔlɔi, no sɛɛ lɛ, hewalɛ nitsulɔi, no sɛɛ lɛ, mɛi ni yɔɔ helaiatsamɔ he dromɔ keenii, yelikɛbualɔi, hiɛnyiɛlɔi, mɛi ni wieɔ wiemɔi srɔtoi.

2 Korintobii 13:1

Nyɛŋɔɔ ni mibaa nɛɛ ji nɔ ni ji shii etɛ̃. Odasefoi enyɔ loo etɛ̃ adaaŋ wiemɔ naa lɛ sane fɛɛ sane ama shi.

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

5 Mose 17:6

Shi moŋ odasefoi enyɔ loo etɛ̃ odaseyeli nɔ adamɔ agbe lɛ; akadamɔ odasefonyo kome wiemɔ nɔ agbe lɛ.

5 Mose 19:15

“Akadamɔ odasefonyo kome naa wiemɔ nɔ abu mɔ ko fɔ. Esa akɛ ana odasefoi enyɔ loo etɛ̃ anaa wiemɔ dani adamɔ no nɔ kɛbu fɔ yɛ sane fɛɛ sane mli.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 11:2

Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.

Kpojiemɔ 11:6

Mɛnɛɛmɛi yɛ hegbɛ akɛ amɛŋaa ŋwɛi naa, koni nu akanɛ yɛ amɛgbalɛ bei lɛ amli; ni amɛyɛ hegbɛ hu yɛ nui lɛ anɔ akɛ amɛhãa etsɔ̃ɔ lá, ni amɛkɛ haomɔ fɛɛ haomɔ haoɔ shikpɔŋ lɛ shii abɔ ni amɛsumɔɔ.

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 13:5

Ni ahã lɛ naabu ni wieɔ wiemɔi wuji kɛ musubɔɔ wiemɔi, ni ahã lɛ hegbɛ akɛ efee enɛ nyɔji nyɔŋmai ejwɛ kɛ enyɔ.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.