Kpojiemɔ 11:2 - ŊMALƐ KRƆŊKRƆŊ LƐ

² Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.

Ṅmãle̱ Kroṅkroṅ Le̱

² ni kpo ní yo̱ so̱lemo̱tšũ le̱ agbó nā le̱, tši ohã se̱, ni okasusu no, edsake̱ ake̱-hã dšeṅmãdši le̱, ni *ame̱anānā maṅ kroṅkroṅ le̱ no̱ †nyõdši nyoṅmai-edſe̱ ke̱ enyo. *Luk 21,24. †Kpods. 11,3. 12,5. 11; 13,5.

Kpojiemɔ 11:2 ပူးပေါင်းရင်းမြစ်များ

Lalai 79:1

Oo Naa Nyɔŋmɔ, jeŋmajiaŋbii ebabote oshikpɔŋ lɛ nɔ; amɛbule oSɔlemɔ we krɔŋkrɔŋ lɛ, ni amɛfee Yerusalɛm koikoi.

Yesaia 48:2

Nyɛtsɛɔ nyɛhe maŋ krɔŋkrɔŋ lɛ mli bii, ni nyɛkɛɔ akɛ nyɛkpasa Israel Nyɔŋmɔ lɛ. Mɔ ni gbɛi ji Yehowa, Taiatsɛ lɛ.

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yāfó 1:10

Ehenyɛlɔ ekpã enine mli ewo Yuda nibiiaŋ, ni eloo ejwetri ni jara wa fɛɛ kɛtee. Ena jeŋbii bote Sɔlemɔ we lɛ, mɛi ni ogu amɛ owebii ateŋ futumɔ tete po lɛ.

Ezekiel 4:6

Kɛ ogbe nakai gbii lɛ anaa lɛ, obaakã shi ekoŋŋ, nɔ ni ji shii enyɔ, agbɛnɛ lɛ kã oninejurɔ nɔ, ni okɛtere Yuda we lɛ tɔ̃mɔ lɛ. Mihao gbii nyɔŋmai ejwɛ ni okɛkã shi, ni gbi kome lɛ afi ni.

Ezekiel 42:20

Esusu ehei ejwɛ lɛ fɛɛ. Atswa gbogbo kɛbɔle he fɛɛ kɛkpe. Gbogbo lɛ kɛlɛ ji ninetalɔi ohai enumɔ, kɛ elɛɛmɔ hu nakai nɔŋŋ. Akɛ gbogbo lɛ fo he ni ji krɔŋkrɔŋ, kɛ he ni bɛ krɔŋkrɔŋ lɛ tɛŋ.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 7:19

Kɛkɛ ni mitao akɛ male kooloo ni ji ejwɛ lɛ, nɔ ni esoro lɛ kwraa yɛ kooloi krokomɛi lɛ ateŋ lɛ he sane. No he yɔɔ gbeyei naakpa kɛ enyanyɔji ni wa tamɔ dade kɛ ewaobii tamɔ akɔɔble ni ekɛjwara kooloi ni ena ebaaye lɛ amli dukuduku lɛ, ni fufuji ni shwɛ lɛ hu ekɛ enaji naanaa nɔ lɛ.

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:10

Ebada aahu kɛyashɛ ŋulamiiaŋ, ni etserɛ ŋulamii lɛ ekomɛi etswia shikpɔŋ, ni enaanaa amɛnɔ.

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

4 Mose 14:34

Gbii nyɔŋmai ejwɛ lɛ ni nyɛye nyɛkɛsara shikpɔŋ lɛ, emli gbi kome fɛɛ gbi kome baatsɔ afi ahã nyɛ, ni nyɛbaana nɔ afii nyɔŋmai ejwɛ yɛ nyɛtoigbele lɛ hewɔ koni nyɛkɛna akɛ mikwa nyɛ.

Mateo 27:53

ni eshitee lɛ sɛɛ lɛ amɛje kpo kɛjɛ amɛbui lɛ amli, ni amɛtee maŋ krɔŋkrɔŋ lɛ mli amɛyajie amɛhe kpo amɛtsɔ̃ɔ mɛi pii.

Mateo 4:5

Kɛkɛ ni abonsam lɛ ŋɔ lɛ kɛtee maŋ krɔŋkrɔŋ lɛ mli, ni ekɛ lɛ yadamɔ Sɔlemɔ we lɛ yiteŋ he ni yɔɔ shɔ̃shɔ̃ɔshɔ̃ lɛ,

Mateo 5:13

“Shikpɔŋ lɛ nɔ ŋoo ji nyɛ. Shi kɛji ŋoo naanu gbo lɛ, mɛni akɛaawo lɛ ŋoo dɔŋŋ? Ehiii hãaa nɔ ko dɔŋŋ, akɛ ja atsi ashwie, ni gbɔmɛi naanaa nɔ.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Hebribii 10:29

Belɛ gbɔmɔ ko ni enaanaa Nyɔŋmɔ Bi lɛ nɔ ni ebu kpãŋmɔ lá ni akɛtsuu ehe lɛ akɛ yaka nɔ ko, ni efee dromɔ Mumɔ lɛ niseniianii lɛ, te nyɛsusuɔ akɛ toigbalamɔ ni sa lɛ mli baawa tɛŋŋ?

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 21:10

Ni eŋɔ mi yɛ mumɔ mli kɛtee gɔŋ kpele ni kwɔ ko nɔ, ni etsɔ̃ɔ mi maŋ kpeteŋkple ni ji Yerusalɛm krɔŋkrɔŋ lɛ ni ejɛ Nyɔŋmɔ ŋɔɔ yɛ ŋwɛi eekpleke shi,

Kpojiemɔ 21:2

Ni mina Maŋ Krɔŋkrɔŋ lɛ ni ji Yerusalɛm hee lɛ jɛ Nyɔŋmɔ ŋɔɔ yɛ ŋwɛi miikpeleke shi, ni asaa lɛ ato tamɔ ayɛmforo ni awula lɛ ahã ewu.

Kpojiemɔ 22:19

Ni kɛji mɔ ko jie nɔ ko kɛjɛ nɛkɛ gbalɛ wolo nɛɛ mli wiemɔi lɛ amli lɛ, Nyɔŋmɔ aaajie egbɛnaa kɛaajɛ wala wolo lɛ kɛ maŋ krɔŋkrɔŋ lɛ kɛ nii ni aŋma yɛ nɛkɛ wolo nɛɛ mli lɛ amli.