Kpojiemɔ 11:19 - ŊMALƐ KRƆŊKRƆŊ LƐ

¹⁹ Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Ṅmãle̱ Kroṅkroṅ Le̱

¹⁹ Ni agble Nyoṅmo̱ *so̱lemo̱tšũ le̱ nā ye̱ ṅwei, ni ana ekpãṅmo̱ adeka le̱ ye̱ eso̱lemo̱tšũ le̱ṅ, ni †srawai ke̱ gbēi ke̱ nyoṅmo̱šimo̱i ke̱ šikpoṅhosomo̱ ke̱ nyoṅmo̱ṅte̱i babaō ba. *15,5. †4,5.

Kpojiemɔ 11:19 ပူးပေါင်းရင်းမြစ်များ

Lalai 105:32

Ehã nyɔŋmɔŋtɛ nɛ yɛ nu najiaŋ; ni srawa gbala yɛ amɛshikpɔŋ lɛ nɔ hei fɛɛ.

Lalai 18:12

Nyɔŋmɔŋtɛi kɛ ŋai ni miitso kpɛlɛ kɛtsɔ̃ oblɔtu kabitii lɛ mli kɛnyiɛ ehiɛ.

Yesaia 28:2

Naa, Nuŋtsɔ lɛ yɛ hewalɔ kɛ kãkãlɔ ko; etamɔ nyɔŋmɔŋtɛ ni miinɛ kɛ ahum ni kpãtãa nii ahiɛ; etamɔ nu ni eje ŋa ni eeho boboobo, ni ekɛ ehewalɛ baaloo nibii etswia shi.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 32:19

Nyɔŋmɔŋtɛ aaanɛ koo lɛ nɔ, ni ebaatsɔ̃ lakpatsa, ni aaafite maŋ lɛ kwrakwra.

Ezekiel 13:11

Kɛɛmɔ mɛi ni kɛ kaaloo shaa gbogbo lɛ he lɛ akɛ ebaagbee shi. Nu baanɛ waa, nyɔŋmɔŋtɛi wuji baanɛ, ni ahum baatswa,

Ezekiel 13:13

“No hewɔ lɛ, bɔ ni Nuŋtsɔ Yehowa kɛɔ nɛ, mikɛ mlifu aaahã ahum atswa, ni mikɛ mlila aaahã nu anɛ waa, ni mahã nyɔŋmɔŋtɛi wuji aaanɛ kɛkpãtã nii ahiɛ.

Ezekiel 38:22

Mikɛ gbele hela kɛ láshishwiemɔ baagbala etoi; ni mahã nu ni naa wa kɛ nyɔŋmɔŋtɛi kɛ la kɛ swɔɔ anɛ ashwie lɛ kɛ etai lɛ kɛ mɛi babaoo ni fata ehe lɛ anɔ.

4 Mose 10:33

No hewɔ lɛ, Israelbii lɛ fã nyiɛmɔ kɛjɛ Sinai, ni ji Yehowa Gɔŋ lɛ he; ni amɛnyiɛ gbii etɛ̃; ni Yehowa Kpãŋmɔ Adeka lɛ nyiɛ amɛhiɛ gbii etɛ̃ lɛ koni etsɔ̃ɔ amɛ amɛshitoohe.

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

4 Mose 4:5

“Kɛji maŋ lɛ baafã nyiɛmɔ lɛ, Aaron kɛ ebihii lɛ aya Kpee Buu lɛ mli, ni amɛyajie muhɔɔ ni tsiɔ Kpãŋmɔ Adeka lɛ hiɛ lɛ koni amɛkɛ muhɔɔ nɛɛ aha Kpãŋmɔ Adeka lɛ he.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 12:1

Ni ana naakpɛɛ okadi kpeteŋkple ko yɛ ŋwɛi: yoo ko ni hulu ha ehe, ni nyɔɔŋtsere yɛ enajiaŋshi, ni ŋulamii nyɔŋma kɛ enyɔ akekre fi eyitso.

Kpojiemɔ 16:1

Ni minu gbee ni wa ni jɛ Sɔlemɔtsu lɛ mli miikɛɛ bɔfoi kpawo lɛ akɛ, “Nyɛyaa ni nyɛyafɔsea Nyɔŋmɔ mlifu tɔi kpawo lɛ nyɛshwiea shikpɔŋ lɛ nɔ.”

Kpojiemɔ 16:18

Ni srawai gbala kɛ gbɛɛmɔ, ni nyɔŋmɔ shimɔ, ni shikpɔŋ hoso waa diɛŋtsɛ; nɛkɛ shikpɔŋ hosomɔ gbeyeigbeyei nɛɛ, asonɔkwa, anako eko dã kɛjɛ beyinɔ ni abɔ gbɔmɔ adesa kɛba shikpɔŋ lɛ nɔ nɛɛ.

Kpojiemɔ 16:21

Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.

Kpojiemɔ 8:7

Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.